稚

Open Now

Now Closed

今日爸爸放假要出元朗整野，經過見到有間吾起眼👀既餐廳“稚”，過左飯市時間所以好快有位。午餐有好幾款吾同😋既定食，每分定食都有前菜，煎茶，味噌湯和珍珠米，珍珠米可以加$10轉貓飯，烏冬，茶漬飯，小店真係買少見少，真係要好好支持💪一下。🌈招牌蒲燒鰻魚定食鰻魚原條夠大條，上面淋有鰻魚汁，食落去吾會有骨，我加咗錢轉貓飯，飯上面會有紫菜，木魚花，日本醬汁，牛油，真係好抵食👍。🌈香煎和牛漢堡扒定食漢堡扒有照燒和日式咖哩汁兩個選擇，爸爸揀左照燒汁，另外加咗$10轉烏冬，上面都舖左滿滿既紫菜。🌈酥炸生蠔每一次見到生蠔爸爸都好想食，炸到外面非常脆口，入面蠔既size好夠大隻，爸爸食到好滿足😚。📍稚📌元朗俊賢坊18號權益大樓地下3號舖#稚 #日本菜 #元朗 #香港食好嘢 #元朗餐廳 #元朗食好嘢 #元朗必食 #元朗好去處 #元朗美食地圖 #餐廳推介#假日好去處 #ilovefood #hkfood #美食推介 #美食日記 #親子kol #hkkol #blogger #親子 #全職媽媽 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

稚 childhoodJapaneserestaurant📍元朗俊賢坊18号權益大樓3号舖店內每個角落都散發著濃濃日本風，木質家具、和式窗簾同動漫壁畫，為用餐環境增添了一份特別的氛圍。店內堂食坐位不多，但空間整潔明亮，讓人感到舒適同放鬆。鰻魚係這家店既招牌之一，大大條好厚肉，肉質鮮嫩，口感細膩且豐富，入口帶有微微燒烤過既焦香，完全沒有任何腥味。另一款店家推介係豚肉生薑燒定食，豚肉經過炙炒，保持了肉質的鮮嫩，同生薑既微辣完美融合，加上爽口新鮮既麻醬椰菜絲同食，營造出一種清新的口感。小食方面，品嚐了唐揚炸雞同日式炸芝士，炸雞薄薄的外皮炸至金黃色，包裹住鮮嫩多汁既雞塊，非常可口。炸芝士外皮酥脆，內裡軟綿綿、芝士味濃。定食既份量十分豐富，前菜、漬物、煎茶、味噌湯、珍珠米，還有幾款小食可以選擇，絕對能滿足大食量的食客。這家店由幾位年輕人主理，從店內既裝潢同食物既品質，睇得出他們對日本美食既熱情和每一道料理的認真，食物定價不高，絕對值得推介比朋友，係性價比高既１間日式小店。

今日路經元朗朗屏見到呢間小店 主打日式食物 入去食個lunch先日本料理小店 氣氛好似到左日本🇯🇵咁店鋪有動漫既擺設掛畫，播放住日本動漫的歌曲 ⭐️招牌蒲燒鰻魚定食💯鰻魚既份量好大😍有手掌咁大✋🏻醬汁淋上的量又唔會太多，完全食到鰻魚新鮮的風味，又唔會過鹹，完全唔膩！珍珠米我選擇轉左貓飯（個名好得意）貓飯-原來係有木魚，紫菜再加埋醬油係d飯底部撈黎食⭐️吉列豬扒定食💯（可選和風紫菜/日式咖哩/滑蛋）揀左和風紫菜配搭吉列豬扒炸得外面非常鬆脆內裡非常Juicy珍珠米我選擇轉左湯烏冬⭐️蜂蜜芥末雞翼💯雞翼啖啖肉，配上蜂蜜芥末，出奇地好夾既味道。⭐️每份定食均配前菜•煎茶•味增湯•珍珠米白飯食物一上檯見到個份量真係好大份😍，食完真係好滿足👍🏻好飽 👍🏻好味道👍🏻勝價比高

幾經辛苦揾到間平靚正性價比高 | 隱世小店🎏店內環境小🫣只有幾張枱😂牆上掛了日本動漫畫作🖼️主打日式定食及串燒小食🍱🍢招牌蒲燒鰻魚定食🍱半條鰻魚肉質肥美，燒得好香再塗上蒲燒汁好入味😋，但食落有少少幼骨要慢慢食，配上爽口的椰菜絲及醃黃瓜，加$10轉茶漬飯🍚，定食包括有粟米芯做前菜，味噌湯有豆腐粒及冬菇片🍄，唔會太鹹，仲有奉送煎茶🍵西京燒比目魚定食🍱有2塊比目魚🐟外皮煎得香脆，肉質厚實，食落好香及嫩滑，啖啖肉充滿油脂感，定食原本配珍珠米，見到貓飯個名咁有趣😆，所以加$10轉來試試，貓飯🍚上舖滿紫菜，木魚花及熱溶牛油🧈，店員提醒中間有牛油要撈勻先食，食到最尾有啲乾，伴埋味噌湯一齊食更好厚燒玉子🥚玉子好厚切，蛋味香濃，表面有微微燒過特別香，食落甜甜地波子汽水🥤勁耐無飲過，難得見到有一於回味一下🤭，清涼解渴每份定食份量足料，價錢實惠又好味🤤推介🙆🏻‍♀️

元朗除咗掃小食之外，朗屏站附近有呢間被openrice評為最優秀元朗屯門開飯餐廳嘅「稚」星期日晏晝嚟到以為要排長龍，點知竟然唔使等位😙專食日式定食，有多款選擇，假日仲有套餐，價錢實惠每個套餐除咗主食，小食，仲有前菜、漬物、煎茶、味噌湯、珍珠飯前菜係中華沙律，好惹味爽口漬物係醃蘿蔔同醃姜片，識落鹹鹹酸酸好開胃味噌湯味道清淡而有味，唔太鹹▶️ 小食小食三選一(唐揚炸雞／蜜糖番薯／日式炸芝士)蜜糖番薯有三細粒🍠應該係炸過嘅外皮少少香脆，入邊就非常熟食落好甜，甜度天然(我估蜜糖番薯係佢個品種而非真係落咗蜜糖)，可以當甜品食作為蕃薯控覺得好好食👍🏻推介揀呢個小食▶️ 西京燒比目魚定食 ($88)成個定食好精緻好豐富，同日本當地食到嘅差唔多🐟西京比目魚份量超足，兩大條咁上食落超有魚油香味，仲帶少少燒焦煙燻味😋肉質食到一片片咁，口感細膩唔鬆散，最好係無細骨(大骨超易起，唔驚哽親)，啖啖都係肉❣️好耐冇食過啲咁好食嘅西京比目魚🥹旁邊有俾配炸物用嘅沙律醬，味道甜甜地，不過個人覺得冇需要點，因為反而會蓋過咗比目魚本身嘅味道🍚飯係日本珍珠米，上面灑上飯素，感覺缺乏咗少少飯香味，但係餸比目魚同漬物食就OK▶️ 招牌蒲

🙋🏻‍♂️餓底探員今晚去咗元朗調查呢間日式小店，佢主要係食定食，價錢親民，性格比非常高，不論係前菜，湯，主食都好用心去整，睇得出小店嘅誠意，有機會會再嚟試埋其他定食🐟招牌蒲燒鰻魚 $76 (升級定食+$30)📸表示個鰻魚份量有半條或者原條選擇，呢個係半條份量，旁邊仲有胡麻醬沙律同玉子等配菜，升級做定食仲有前菜，味噌湯，珍珠米同煎茶🙋🏻‍♂️表示個鰻魚肉質肥美，燒得好香口，珍珠米加咗飯素，前菜係關東煮，大根食落軟腍，味道鮮甜，味噌湯入面有幾隻蜆，成個定食好豐富🐟西京燒比目魚 $86 (升級定食+$30)📸表示個比目魚有兩大嚿，同樣有胡麻醬沙律同玉子等配菜，升級做定食嘅食物都一樣🙋🏻‍♂️表示個比目魚層皮燒得香脆，食落口感嫩滑，就咁點沙律醬或者餸飯食味道都好正🦪酥炸生蠔 $48📸表示個生蠔有4件，炸到金黃色，配上沙律醬同椰菜絲，睇見都流晒口水🙋🏻‍♂️表示個生蠔外層炸得好酥脆，內層鮮甜嫩滑，夠晒juicy，餓底推介呢個生蠔係必食嘅📈吃貨指數😋好味度 9/10🔙返啅度 9/10

餐廳：稚地區：元朗地址：元朗俊賢坊18號權益大樓3號舖日期：30/9/2021時間：20:00人數：2人 等位：0 min價錢： ＄292之前已經有朋友介紹話依間稚啲野好好味，今次難得黎到元朗，終於有機會試一試🤩日式和風牛肉定食 $90:超正超多嘅牛肉，肉質有彈性又唔會過熟，而洋蔥亦索晒啲牛肉汁🧅再加上七味粉同埋滿滿嘅牛肉汁撈飯食真係超正🤩而且份量十分！好食到唔夠飯撈嚟食咁濟呀🤣招牌蒲燒鰻魚定食 $108:鰻魚燒得焦香加上燒汁配飯食真係一流！叫半條食真係唔夠過癮😂下次都係嗌一條過食個大滿足先🤣豚肉生薑燒烏冬定食 $94 （外賣）:食完兩個定食覺得太正，再買多個外賣比未食野嘅屋企人加餸同埋自己都可以偷食🤣豚肉生薑燒做得做得幾香口，微微嘅薑汁味加醬油味濃而不厚，味道剛剛好，烏冬亦好滑身，個個都話正👍🏻3個餐都加左$30轉做定食，有一份前菜小食、玉子沙律、胡麻醬玉子豆腐同埋蛤蜊麵豉湯，全部都非常唔錯，由其係個湯都幾足料而又唔會腥，加$30真係抵食！

呢間日本菜之前都聽好多人講 都有啲小名氣 所以就去試吓入到去比佢個裝修吸引 因為有One Piece啊😍😍嗌咗兩個set「招牌蒲燒鰻魚定食」同「吉列豬扒定食」 包前菜、漬物、煎茶、味增湯同珍珠米 招牌蒲燒鰻魚定食 ⭐️⭐️⭐️⭐️鰻魚肥瘦適中 好厚 咬口軟林林 魚身燒得香口 微微有焦香 呢個價錢食到咁高質嘅鰻魚真係超值吉列豬扒定食 ⭐️⭐️⭐️⭐️⭐️豬扒肉質厚實 好大條勁足料 炸粉唔厚 炸至金黃色 十分香脆 點埋燒烤醬配沙律醬 十分夾！流心芝士年糕 ⭐️⭐️⭐️⭐️⭐️呢個年糕真係出色 炸得好脆 未食已經聞到濃濃芝士香 一咬芝士漏出 正呀！整體 ⭐️⭐️⭐️⭐️⭐️真係會再encore嘅一間店 前菜好豐富 海蜇皮同豆腐都好正 而味增湯仲有香菇 成個定食CP值極高呀！

今日約了朋友到朗屏食午餐！經過一間不太起眼的日本料理餐廳，雖然座位不多，但環境企理乾淨。我們點了兩個午市定食，吉列豬扒定食及蒲燒鰻魚定食，非常有驚喜、高質！吉列豬扒定食（和風紫菜）：🐥🐥🐥🐥🐣一般餐廳的吉列豬扒非常摻次，有時炸得太硬，或者沒有肉汁！但這裏的吉列豬扒炸得非常好，炸粉非常鬆軟，吉列皮鬆軟得來很乾身，但完全沒有影響豬扒的肉汁，非常Juicy！配搭秘製酸醬，去除多餘油膩感覺。招牌蒲燒鰻魚定食（轉貓飯）：🐥🐥🐥🐥🐣真的對得住招牌二字，餐廳沒有吝嗇咁將好似手掌✋🏼咁大塊的蒲燒鰻魚奉上，暖暖的鰻魚襯上濃郁的蒲燒醬汁，大滿足嘅享受🤤總結，兩個定食都非常高質，雖然餐廳位置不多，但食物非常高質素，味增湯也非常濃郁好喝！非常推薦喜愛吃日本料理的朋友。

元朗一向多美食，菜系品種多元化，而且日式餐廳同小店都唔少～今次就試左呢間比較近朗屏而唔係元朗市中心嘅日式人氣小店，就算我下午2:00去到，店入面都坐🈵️人。（P.S. 不過佢哋3:00左右就會落場，注意唔好摸門釘😉）既然餐廳推介，我哋就點左一個 《招牌蒲燒鰻魚》配《貓飯》。定食本身係配珍珠米，轉《貓飯》需要加$10，不過真係物超所值👍🏼我係第一次食貓飯，即係珍珠米到加入紫菜、木魚花、日本醬油同牛油🧈，估唔到呢幾樣簡單嘅材料配搭，令到碗飯好味同埋香咁多😍😍而《招牌蒲燒鰻魚》超級肥美，又唔多骨，肉質亦都好滑，加埋啲汁❤️夠晒多汁，一啲都唔孤寒❤️真係超級好送飯😋除咗定食，重點咗兩個小食同小朋友一齊share。🐥餃子雞翼外脆內軟，雞翼入面塞左滿材料，超級Juicy, 咬第一啖就流晒啲汁出嚟😂🍳厚燒玉子同出邊嘅唔一樣，唔會過分甜，味道啱啱好，仲一啲都唔老好軟，配埋少少嘅日式沙律醬同燒汁，真係好好味😋連我仔仔平時唔食玉子燒嘅都食左2⃣️件😌Menu👇🏼👇🏼👇🏼

今次黎食呢間係元朗都左幾年嘅日式小店，主打日式定食、日式小食同埋燒物！之前黎食過定食都唔錯，餐廳嘅門面十分低調，我都唔小心行過左幾次🙈😂😂餐廳入面用左啲好靚嘅漫畫黎裝飾😍店主應該係一個愛漫畫之人呢😃⚠️主食可加$30轉定食（前菜·煎茶·味噌湯·珍珠米）◾️招牌蒲燒鰻魚定食 （半條）• $72鰻魚塗上蒲燒醬汁，可去除本身嘅魚腥味，肉質厚而鬆軟，口感唔錯，配埋飯食非常夾！😋◾️泡菜炒豚肉定食 • $64泡菜爽脆，豚肉片又入味，少少辣再帶啲啲酸，十分開胃，係送飯一流嘅一道菜！！◾️厚燒玉子 • $28玉子係偏甜，上面有木魚碎、紫菜碎、燒汁同沙律醬！作為餐前小食都Ok◾️餃子雞翼 • $24熱辣辣，釀係雞翼入面啲餡都幾飽滿😋

唔好睇小元朗小店「稚」外表平平無奇，其實係深藏不露，令人食過翻尋味！見到餐牌上嘅午市定食，每款都好吸引，我最終揀咗個👉🏻招牌蒲燒鰻魚定食，我見到可以加$10由珍珠米轉做貓飯/茶漬飯/湯烏冬，我就揀咗茶漬飯！我仲揀咗個流心芝士年糕！可能我近期食得太多減醣餐，需要啲邪惡芝士衝擊我嘅味蕾🤣招牌蒲燒鰻魚定食放喺我面前，我先攪勻個味噌湯，估唔到湯入面有幾片冬菇片，咬落好鮮！而青瓜片做前菜，表面有啲蒜粒，食落濃香清爽，好特別！夾起舊鰻魚，軟硬厚度適中👍🏻我最怕厚身加硬兼有好多軟骨嘅鰻魚，但呢個鰻魚揀得好好，好juice，仲有好多油脂，大大刺激起我食慾，加上個茶漬飯，飯上加上木魚絲同紫菜絲，用料相當豐富，令口感更加層次😋食食吓突然諗起四年前去過福岡時食過鰻魚茶漬飯，好好食！但當我食咗「稚」嘅鰻魚茶漬飯，仲好食過日本嗰個，食完返唔到轉頭！我仲話係叫少飯，但我都差唔多食哂啲飯，真係忍唔住一啖又一啖咁食😋😋😋流心芝士年糕名符其實，一咬芝士不斷流出嚟，食得慢啲都接唔住呀🤣我以前都有食過嗰啲流心芝士年糕，但從來都未有過芝士流出嚟囉！呢度食真係好得，勁好食😋😋😋難得有咁用心製作食物嘅小店，大至定食好味到不得了，

充滿和式日本風的小店，簡約卻帶有一股小溫馨的情調。食物以定食、燒物等常見日式料理為主。豚肉生薑燒定食 ($60)• 定食配送沙律、味增湯、熱茶。• 當天前菜沙律是玉子車厘茄，配上特配醬料，感覺清新而開胃。• 豚肉處理得相當均勻入味，薑汁味道剛好配合炒洋蔥，變得得惹味。豚肉肉質帶點彈牙而有咬口。招牌蒲燒鰻魚定食 ($72)• 非常香腍入味的蒲燒鰻魚，表面帶有一點焦香，而內裡肉質幼嫩香滑，是我喜歡的口感。• 燒汁亦很惹味，跟珍珠米很搭配。• 飯後喝下一杯味增湯，完美✨