榮哥煮場 (Closed)

呢間餐廳我都已經bookmark左一段時間，終於都去食到，好多人都推薦二人餐，因為非常抵食，包括是日小菜、一個煲類、一款小菜連白飯，仲送埋個甜品。二人套餐 $268套餐A1️⃣ 招牌酸菜魚煲🐟好快就黎上到枱，份量都唔少，除左有魚片，仲有萵筍、木耳、酸菜同菇類，湯底只係帶少少微辣，味道偏酸，非常之惹味，飲完一啖又一啖，魚片完全無骨，都幾鮮甜嫩滑。2️⃣ 麻醬豆角四季豆應該之前灼過，先拎去雪凍，所以特別爽脆，加埋啲麻醬， 十分開胃🤤3️⃣ 胡椒雙肚胡椒味好濃，非常足料，雙肚其實係豬肚同魚肚，豬肚清洗得好乾淨，完全冇蘇味，魚肚好淋滑，吸哂胡椒湯嘅精華，仲有好多菇類同木耳，非常滿足😋4️⃣ 楊枝甘露食完啲餸其實已經好飽，但係都唔可以錯過個糖水，除咗有楊枝甘露嘅一般果肉之外，估唔到會有小驚喜，入面仲加左爆珠，令到口感更加豐富👍🏻👍🏻

響旺角行完街想簡單啲食吓小菜，嚟榮哥煮場就啱曬😌呢度有個$268二人套餐，自選一個煲+一個小菜，配一個前菜、兩碗白飯同兩客甜品，非常抵食🫶🏻店員話加$12可以將一碗白飯轉米線、淮山面、烏冬或是煤炭飯；如果兩個白飯都唔要亦可以將兩碗白飯免費轉米線、淮山面、烏冬或是煤炭飯一碗。首先上檯嘅前菜係麻香四季豆，麻醬真係百搭嘅醬汁，加乜嘢我都覺得好好味🤣招牌酸菜魚煲呢煲酸菜魚係用生魚做，魚肉嫩滑，味道唔錯😋上檯仲有個爐仔一路熱住個煲，食食下侍應姐姐細心地過嚟熄咗個爐仔，話再煮落去魚肉會老👍🏻 細心抵讚。自選煲另外仲有藥膳黃酒雞煲、濃湯花膠雞煲同埋胡椒豬肚雞煲可供選擇。柚子蝦球呢個蝦球真心推介，炸咗嘅蝦球彈牙爽口，柚子汁酸甜開胃😋 個配搭好match～ 好好味😋椒鹽粟米另外叫咗呢個小食，$38無諗過份量咁多，甜粟米配搭惹味嘅椒鹽，又係另一個必食推薦！食到停唔倒口😋是日甜品：楊枝甘露香港地道甜品👍🏻清甜爽滑。樽仔奶茶、檸茶叫套餐+$10可以配樽仔飲品，用樽仔飲港式茶餐廳飲品另有一番風味。埋單3百令蚊，抵食

上次FD到旺角食咗一間煤炭飯勁得意，今日終於得閒，我都去試下先。餐牌都算多嘢食揀，有數款泡飯，米線同煤炭飯可以揀。FD推薦咗＄268二人套餐，話勁抵食，咁我都試試啦。套餐包埋一份是日小菜，一份煲，一份小菜同兩個白飯，最後仲送埋糖水，OK喎。如果想食二人餐，又想食煤炭飯，可以用套餐一個白飯+12HKD升級到米線/淮山面/烏冬/煤炭飯，如果好似我同我FD咁細食，用兩個白飯upgrade到煤炭飯就唔洗加錢啦！套餐揀咗招牌酸菜魚煲，薑蔥灼墨魚同煤炭飯。是日小菜喺涼拌麻醬四季豆，四季豆微灼咗水，食落好脆口，點埋D麻醬，好夾，作為開胃菜黎講，唔錯。招牌酸菜魚煲好快黎咗，分量都幾大，搭配咗魚肉，酸菜，萵筍同白玉菇。酸菜魚有少少改良過，未至於川菜果款酸菜魚咁酸咁辣，不過都幾惹味，尤其喺湯底，飲落好鮮甜，食完魚肉我都飲咗3碗湯。魚肉食唔出喺乜魚肉，但喺一D骨都冇，食落好鮮甜，唔錯。配菜尤其喺萵筍絲好吸湯底味，全部食曬！薑蔥灼墨魚配咗一碟辣椒豉油，可以點落墨魚食。墨魚都喺微灼咗水，食落好彈牙同鮮甜，配埋D蔥絲一齊食，好好味。煤炭飯真喺好得意，喺用紫米做成粒蜂窩煤咁樣，紫米已經做過處理，食落會有少少甜味，同

同朋友見到呢間餐廳個招牌幾盞鬼而2人餐只係$248包一個鍋物 · 前菜 · 自選小菜 · 糖水 · 白飯好似幾抵食 · 決定試一試佢♡ 前菜：日式麻醬拌四季豆四季豆爽脆 · 配胡麻醬整體幾開胃 ♡ 招牌酸菜魚煲用小爐上枱 · 邊吃邊加熱一黎先飲啖湯 · 夠酸而帶辣勁但唔會好嗆口既辣度飲落好舒服岩哂而家凍凍地 · 飲完即刻暖唒酸菜魚本身已經煮熟左魚肉本身去哂骨 · 肉質滑身唔會一夾就散食食下 · 員工會較番細火話驚魚肉會變老夠哂細心💓♡ 薑蔥霸王雞上枱好香蔥油味份量有成半隻雞而雞肉好嫩滑 蔥油配醬油 · 寧捨惹味♡ 木瓜雪耳糖水好鍾意佢d木耳煮到好軟綿 · 黏黏地咁好似好濃骨膠原咁而木瓜清甜 · 非常滋潤