The Musicbox Grill House & Bar

Open Now

Now Closed

前上司退休，祝佢生活愉快之餘，當然要約佢食返餐，揀咗一間既新穎又懷舊嘅西餐廳The Musicbox Grill House & Bar，呢度有人現場表演捽碟，所選嘅歌曲都係懷舊長青英文歌，夠晒氣氛。我哋志在見面，對於食物都唔會太講究，就叫咗個二人晚餐，由餐廳幫我哋安排。首先係每位一客新英倫粟米周打湯，另外配上蒜蓉包。周打湯唔會過鹹，入面材料豐富，粟米粒尤其多。頭盤嘅香蒜牛油煮蜆份量絕不欺場，食極都仲有，佢嘅蜆肉粒粒飽滿，而且佢嘅蒜蓉牛油汁同海鮮真係好夾，大家都食唔停口。旁邊嘅蒜蓉包都好香脆。草飼澳洲肉眼牛扒雖然話係10安士，但比起平時見過嘅份量多好多，又大塊又厚身。旁邊仲有新薯、蕃茄同大菇作配菜。肉眼扒肉質腍得嚟又有肉味，有口感得嚟又唔會有筋，確係一塊好高質，亦都處理得好好嘅牛扒。另外仲有帶子松露意大利粉，可以選擇長通粉、意粉或者扁意粉，我哋就揀咗最有口感嘅扁意粉。帶子有四大粒，外面煎香而入面仍然保持嫩滑嘅肉質，配合埋濃濃嘅黑松露醬，實在冇得頂。甜品係芝士餅，又香又滑又唔太甜，而且每人一小件，份量剛剛好。餐飲我哋就簡簡單單，揀咗可樂同檸檬茶，走咗甜嘅檸茶就更有茶香。

呢日行銅鑼灣，之前一直掛住呢間以音樂為主題嘅西餐廳，有氣氛而且食物高質，所以決定又再一試😆我哋叫咗set lunch～新英倫粟米周打湯🌽用料豐富，包括脆嘅煙肉粒、西芹、洋蔥、薯仔粒，濃郁香甜，仲配有香脆蒜蓉包🥖草飼澳洲肉眼牛扒配烤薯雙蛋我哋叫咗七成熟，入口軟腍，肉汁豐富，雖然有燒汁同鹽可作調味，但都唔使再加，已經好夠味👍🏻燒雞漢堡🍔雞扒大塊厚身，肉質鮮嫩可口多汁，醬汁又酸又辣，包唔會乾身，配料有蕃茄、生菜、煙肉、芝士，炸薯條粗身香脆😋蒜香辣椒蜆肉意大利粉🍝份量都係一如既往好多🥰蜆肉鮮嫩，意大利粉仲可以揀直通粉或扁意粉～最後又點可以少得甜品作結😚法式焦糖燉蛋表面係脆脆嘅焦糖，燉蛋口感滑嫩，濃郁嘅雲呢拿味，仲有藍莓同士多啤梨伴碟，可以中和一下😆

因為老公腳受傷，真係好彩我地揀啱地方，餐廳寬落，擺到輪椅，出入lift都方便，食物又好味。《Brunch Set - 草飼肉眼牛扒陪烤薯雙蛋+沙律+雪碧》- HK$288沙律係Caesar salad ，有好多parmasan，不過醬you絕對唔係Hea。塊扒都正，牛味濃，又好Juicy，我地叫medium，煎得剛剛好，唔會過左龍。蛋亦煎得好好，唔會油琳琳。《烤燒醬豬肋骨半份》- HK$398須然係叫半份，得6支骨，但真係好大份，好厚肉，唔鞋口，一樣好juicy，有肥有瘦，有油脂香，😋😋醬汁味道剛剛好，仲陪埋洋蔥圈🤩《新英倫粟米周打湯》- HK$58湯好creamy，料亦好足，唔會咸。側邊配嘅麵包，烤得好脆，好香蒜蓉同牛油味，配落個湯到係perfect。

 “Without music, life would be a mistake.” - Friedrich Nietzsche懂音樂的人，才最懂生活，這天就來到以音樂為主題的美式扒房 - The Musicbox Grill House & Bar，享受一頓慢活Sunday Brunch。餐廳裝修擺設加入不少音樂元素，在門口當眼處擺放了一張 DJ 專用檯，放置了黑膠捽碟機及混音處理器，間中還會有DJ駐場打碟，結合豐富佳餚與悠揚樂韻，帶來不一樣的用餐體驗。玻璃窗飽覽銅鑼灣街景，讓午間柔和的陽光滲入餐廳，牆上掛滿音樂poster，還有近年一直為香港狀況發聲的英國殿堂級電音組合Pet Shop Boys。餐牌款式繁多，主打美國本土菜色，提供燒烤、薄餅及地道美食。星期六、日及公眾假期亦有Brunch Set Menu，由早上十一時半至下午五時供應。食物份量也不忘發揮美式餐廳精神，大大份超有飽足感。每份brunch 可選是日餐湯或沙律。周打湯湯身濃稠，內有粒粒甘甜粟米，配上香脆蒜蓉多士。凱撒沙律混合芝士粉、脆口的麵包粒及煙肉片，蔬菜嫩口之餘水分亦充足。草飼澳洲肉眼牛扒配烤薯雙蛋 $288澳洲肉

星期日lunch同老公再黎The Musicbox Grill House & Bar食野，上次食完覺得好食。我地叫左兩個Brunch set同散叫啲野食。是日餐湯係新英倫粟米周打湯配以蒜蓉包，湯夠creamy，好飲。凱撒沙律麵包粒好脆，芝士粉又多，沙律菜新鮮爽脆。中東雜菜蛋鍋配燒牛油帶子我第一次食，幾特別。有兩隻流心既荷包蛋，底層有拉絲既芝士同雜菜，仲有香脆既蒜蓉包。帶子大大隻，而且整得好鮮嫩，好好味。海鮮焗飯海鮮有帶子、蝦、蜆、魷魚，都好好食。白飯底比較健康。卡真辣蝦蝦既味道整得幾好食，又唔會太細隻，都係配蒜蓉包。三重朱古力軟滑蛋糕好大件，朱古力味好濃郁，仲有士多啤梨同藍莓伴碟，士多啤梨好甜，正。餐飲叫左凍美祿同熱咖啡。