祥仔 (K11購物藝術館)

Open Now

Now Closed

一直都知K11有間港式西餐質素好高！但每次嚟都要排隊等位，但發現openrice有得訂位之後緊係即刻訂位試下！嚟到都見到坐滿人！表示有訂位之後就好快有同事帶入座，座位之間都有膠版間隔，入去又會有人量體溫，做齊防疫工作🙌🏻落單之後好快上嘅 #兩日兩夜羅宋湯 跟餐+$28就可以升級，同湯名一樣同兩日兩夜嚟煲，將食材嘅味道煲晒出嚟，味道特別好香濃！跟著就到我睇menu 已經心動嘅 #零油感蝦多士 $88 一式兩件，真係有條蝦係多士上面！咬落香脆+真·零油感，食完都唔覺得好肥膩👍🏻👍🏻👍🏻另外同男友各嗌咗一份主食套餐 #蒜香特醇橄欖油辣椒意粉 $98 同埋 #爵肉牛柳鐵板 $178。 就咁睇碟意粉好似好簡單，蒜香味加埋少少辣，香得嚟好好食！對於減緊肥嘅豬太郎，絕對係一個誘惑。另外牛柳雖然係鐵板餐，但啲肉唔會硬晒，啖啖香腍軟肉，仲有焗薯同粟米，絕對夠飽！我哋仲嗌咗 #新鮮菠蘿冰 跟餐再+$20 真係有菠蘿喺入面，無花無假！唔好太甜，夏天飲夠晒清爽！

Ricky Cheung給我的印象是一個不安於comfort zone、敢於跳出框框的人。三十多歲便已貴為萬麗海景酒店Scala餐廳總廚；在他的專訪中得知他離任的原因是為了「有得煮」，與某些廚師不同，他是個真正熱愛煮食的人；即使不用開工的日子，他依然樂此不疲、享受烹飪的樂趣。然擔任了總廚後便意味著將從事以管理及行政等工作為主；離「煮」卻越來越遠，偏離了他的初心，因此便拋開了高薪厚職，另闖天地，轉為擔任法國私房餐廳Le Mieux Bistro 的主廚。曾分別到訪過柴灣及灣仔的Le Mieux Bistro，均留下相當美好的用餐經驗！「祥仔」第一間設於長沙灣的店已於開幕初期光顧，這家位於尖沙咀K11 購物藝術館的分店對於我們這些上班族來說就更friendly了，皆因晚市及星期日也能光顧。晚市的鐵板、意粉及飯，只需加$28便可升級至套餐，包羅宋湯及咖啡/茶；如想轉為祥仔特飲，另加$20便可。兩日兩夜羅宋湯～相信無人不同意，這款湯的精華一定不會是新鮮滾熱辣的當下，待到隔天再喝；滋味一定更好！這兒的羅宋湯據説要煲「兩個九十分鐘」，分兩天處理，經第一天的首個九十分鐘後、待涼後冷藏；第二天再來

久仰「祥仔」的大名，但它的長沙 灣店星期日及公眾假期休息，所以一直未有機會光顧，原來它已經進駐尖沙咀，窩夫與蝦子餅終於可以一試。「祥仔」由本地名廚Ricky張錦祥主理。平日中午時間光顧，12時30分前離座或2時後入座可享九折優惠。午餐本身不包餐湯，可另加15元加配兩日兩夜羅宋湯，可能對羅宋湯的期望太高，沒有驚艷的感覺，味道沒有預期的濃，有一點點失望。除了羅宋湯，還可以選擇加配祥仔秘製瑞士雞翼、沙律或甜品。窩夫與蝦子餅還加配了兩隻祥仔秘製瑞士雞翼，雞翼大大隻，稍嫌雞肉不夠嫩滑。飲品方面，加20元改要祥仔特飲，蝦子餅點了新鮮菠蘿冰，用上菠蘿型的杯，可見心思。菠蘿冰用的是新鮮菠蘿，味道零舍不同。窩夫點了「小忌廉」，是非一般的忌廉溝鮮奶，杯底有雲呢拿布甸，上面放了鮮奶冰，自己倒入忌廉汽水，味道和口感都很有層次，值得一試。主菜來了，先是鮮粟米‧真‧星斑飯($138)，賣相非常吸引，星斑以兩種方法烹調，窩夫比較喜歡煎炸的星斑件，星斑件的魚味很濃，跟平日的「假斑塊」不可相提並論，粟米汁亦跟平日吃的不同，不是窩夫很怕的玻璃獻，比較厚身，用上新鮮粟米所以特別香甜。最期待的祥仔脆脆豬扒飯($108)來了，

早前看viu tv 的節目認識了大廚張錦祥，今晚在尖沙咀K11買點東西，順道來大廚的餐廳祥仔 ，試試水準。餐廳座位頗多，位置空間感足夠，裝飾是以新式時尚的禪意為主，環境令人放鬆，正好可以舒舒服服地傾計，十分有特色。餐廳主打精緻的港式西餐，餐牌選擇眾多，有前菜、餐湯、鐵板、飯意粉、甜品等，其中有不少有特色的創意餐品。兩日兩夜羅宋湯點了鐵板、飯或意粉，都可以加$28升級套餐，包括馳名的兩日兩夜羅宋湯，兩日兩夜比老火湯還老火，上枱前還加上一小件香草牛油提香，味香色濃，一呷鮮香酸爽，全是真材實料熬出的味道。新鮮菠蘿冰餐飲選擇了十分懷舊的菠蘿冰，純粹的天然果酸果香，蜜味比一般的糖醋美妙得多。零油感蝦多士前菜小吃點了一客蝦多士，的確全無油膩的感覺，但多士仍然香脆無比，而內裡卻軟綿可口，加上新鮮大蝦爽口彈牙，十分開胃。祥仔脆脆豬扒飯炸豬扒外層香酥脆口而內裡嫩滑，豬扒厚達半吋，所以肉汁豐盈，甘腴可口，入口肉味濃郁，肉質軟腍，伴上非常港式古早味番茄汁碟頭飯，配撘一流，番茄汁一入口就知道又是用心之作，與坊間的化學作品不可比擬。爵肉牛柳爵肉牛柳，取其同音，即是雀肉牛柳，在牛柳上加上鴨肝醬，為本來牛肉味濃，口

尖沙咀舒適高檔茶餐廳和朋友中午/下午聚聚舊, 去一般的茶餐廳一定不會考慮此無他, 皆因大多數本土茶記, 午餐/下午茶時間分秒必爭,最希望客人入來不講究地快速選個 ABCD餐 快來快走, 但今次偶遇的這家餐廳, 有濃厚的本土味道, 但又可以令人稱心如意地享受美食位於 K11 內的"祥仔", 就連名稱也很"本土"原來是本地著名廚師 Ricky 張錦祥 負責的餐廳 !!難怪下午茶時段仍然人頭湧湧由於已經吃過午飯, 本來打算輕食一下,但看完餐廳, 和偷看隔離左右點了些什麼之後, 心動起來,和朋友點了 :吞拿魚蕃茄全麥三文治配薯條脆脆豬扒配鮮果沙律(新鮮菠蘿冰/凍檸檬茶) 吞拿魚蕃茄全麥三文治配薯條朋友點了這個, 份量非常足料, 吞拿魚是滿滿的一個小山丘再有驚喜的是, 下面的多士, 焗至金黃, 很明顯是再吸乾油份才上枱的,完全係"零油感"的, 呢個就係廚師的心機與功力一般的茶餐廳為求快捷, 絕對不會如此有時間及心機的   脆脆豬扒配鮮果沙律大家不可不知, "脆脆豬扒"是此店名物, 午餐的"祥仔脆脆豬扒飯"聞名已久, 據聞午市太受歡迎, 經常售罄!!脆豬扒果然真係脆到爆炸, 但絕不油膩, 很明顯絕

朋友生日來到尖沙咀行街，行街前都要食個lunch的，咁岩行過K11，見到開了一間新的餐廳，看上去環境光猛，而且好似好多人食，所以我跟朋友也試試。這間餐廳其實食物有點像茶餐廳，但是食材用上真材料，令茶餐廳菜式也能有點貴氣。不過這天去到的時候，可以已經2點幾的關係，有幾款菜式都已經賣完了，未能試試，只好選擇其他款式。經典芝士煙肉長通粉伴溫泉蛋，這款長通粉其實很多地方都有得食，這裡跟出面不同之處是長通粉上有溫泉蛋，令長通粉更滑溜。而且這裡的煙肉比出面食到的大粒，更加能食到煙肉的咸味!而長通粉又唔會整得太傑，唔會有種好漏的感覺!紐西蘭牛肉炒蛋福袋三文治.田園素菜沙律，這款三文治炒蛋非常嫩滑，牛肉是粒不是平時吃到的咸牛肉！餡料多到流出黎，好療癒！而田園沙律用上火箭菜、提子、車厘茄和菠蘿，用上意大利醋，酸酸甜甜十分開胃！兩日兩夜羅宋湯，這裡的羅宋湯較出面飲到的酸，而且唔係茄膏整出黎的紅色，湯內有蕃茄、洋蔥、紅蘿蔔等蔬菜，非常健康！小忌廉，呢款特飲其實係忌廉溝鮮奶，不過佢既鮮奶並唔同平時的，呢度係張鮮奶製成冰及凝固，再自行把忌廉倒進，幾創新的飲法！新鮮菠蘿冰，好香菠蘿味，內裡有很多菠蘿肉，飲得出不是