友拉麵

Open Now

Now Closed

大前日(3-10-2021 Sun)晏晝同老公整袋同買餸前食晏,去邊喥食?記得10月1 日去一家食晏時見到呢間,咁我哋嚟就嚟試啦.離遠見到佢嘅舖頭好sharp醒,而入面只有兩個客人,咁我哋就入去啦.坐低睇完menu,決定要:1. $83.00嘅蔥山拉麵,要麵質普通嘅曲麵,材料有蔥山,火炙豚肉,味玉,蔥,竹筍同海苔上到嚟,蔥山真係高.火炙豚肉因有油脂,口感好鬆軟,唔錯.味玉係流心嘅,而且都夠味.啖湯嘅鹹淡亦適中,濃度亦啱啱好.味道:5分2. $78.00嘅魚介拉麵麵質普通嘅直麵,有魚介粉,火炙豚肉,味玉,蔥,竹筍同海苔呢個魚介味道適中,而呢個味玉嘅流心部份極大,羨慕死我.味道:5分直麵原來比曲麵白啲,而且味道淡啲,曲麵有少少蛋味.3. $28.00嘅免治雞肉棒呢個正常冇問題.味道:3分4. $30.00嘅日式三重芝士春卷一共有4件,咁啱我反轉睇,咦!?呢面深色啲,燶啲噃.春卷皮脆,配以三重芝士嘅鹹香同煙韌口感,感覺唔錯嘅.味道:4分環境:sharp醒之餘重超日本feel,張bar枱夠闊,又有掛勾俾客人掛袋,開頭冷氣夠嘅,但食食吓就覺得唔夠.4.5分抵食係2.8分

//< 友·拉麵 >呢間拉麵算係新開，聽身邊唔少人講話幾好食！小編當日平日夜晚都要等陣先有位啊🤪————————————- 魚介拉麵 （曲麵）$78 -呢度嘅湯底相對上冇咁鹹！小編本身唔係拉麵控，唔特別愛食拉麵～ 但係覺得呢度嘅拉麵湯底厚身濃郁得黎唔會越食越口渴或者越食越膩😝 叉燒燒得香口，蛋帶有煙燻味～ 好食😋————————————- 期間限定拉麵 （完熟蕃茄大盛）（直麵）$93 -呢款幾特別！🥰 係小編無食過既拉麵感覺同湯底！雖然店員推薦呢款湯底配直麵啱啲，但係小編覺得直麵冇曲麵咁掛湯咁好食🤪湯底酸酸甜甜得來帶有少少辣味，幾鍾意個味道🍅叉燒如上，整體唔錯～————————————- 日式三重芝士春卷 $30 -我見到隔離枱叫覺得好靚就忍唔住叫上一份😝😝食落口又唔覺得有三重芝士，少少軟糯感～ 唯獨炸得唔夠熱，如果唔係應該更正😆————————————評分：8/10地址：荃灣昌寧大廈一樓53-54號舖營業時間：12:00-21:00#友拉麵 #拉麵 #荃灣拉麵 #荃灣美食 #荃灣必食 #荃灣日本菜 #香港美食 #美食博客 #香港美食指南 #hkfood #hkfood

今日喺荃灣呢頭返工，所以就去咗附近一間都好出名嘅拉麵鋪食Lunch啦😀一入到餐廳職員已經好快手比杯我倒水飲，餐廳入面仲播緊日文歌，感覺都幾似去咗日本㗎🇯🇵餐廳有好多貓嘅相做裝飾，相信店主係一個好鐘意貓嘅人嚟嘅🐱同在多數嘅拉麵鋪一樣都係用填紙仔嘅形式落單嘅，今日真係好肚餓呀所以我就叫咗一個拉麵同埋一個小食😋餐廳嘅即棄 筷子好高級，一啲都唔似即棄咁🥢辛肉碎拉麵好大碗，一開始食頭一兩啖都唔係點覺得辣，點知最後食完之後辣到出曬汗，大家叫嗰陣記得量力而為呀💪🏻個人特別覺得佢地嘅火炙豚肉好好食👍🏻佢地應該係專登用火燒燶塊豚肉先嘅，食落有啲啲燶味咁勁正！！！麵質同硬度都處理得好好😆隻蛋仲要係流芯温泉蛋嚟㗎🥚好食到我連湯都飲曬😮‍💨特別要同大家推介日式三重芝士春卷🤩新鮮出爐熱辣辣嗰陣食真係好正的！啲芝士量勁多而且仲可以拉絲😏$30有4件非常超值！地址：荃灣西樓角路202-216號昌寧大廈1樓53-54號舖

如果唔係友人帶路，都唔知原來荃灣地鐵站附近呢幾個商場咁多野食，仲好多野賣，掃完貨坐底食野就岩哂。魚介拉麵 拉麵可以選直麵或曲麵，香港唔係有好多地方有我最愛既曲麵食，呢度竟然有，麵質可以揀軟、硬或普通。湯底呈奶白色，湯底濃得來又唔會太咸，拉麵入面有魚介粉、火炙豚肉、味玉、蔥、竹筍和海苔。日式餃子 餃子皮夠薄，餡料有滿滿豚肉，唔會煎得太燶。日式三重芝士春卷 芝士味好濃，上檯時好熱，入面仲流心，而外皮炸到香脆。信州白提子碳酸汽水一打開就聞到陣陣白提子味，估唔到又幾好味。