素年 (黃埔天地百寶坊)

Open Now

Now Closed

素年都係其中一間我好喜歡嘅素食餐廳開咗紅磡分店都有一段時間襯住嚟到呢邊又嚟食吓🥰紅磡分店空間都算大而每間店嘅餐牌都會有啲唔同如果大家未食過最經典嘅漢堡同咖喱豬扒飯仲有蕃薯條都好推薦‼️日式吉列豬扒定食之前去其他分店食過吉列豬扒都唔錯見到紅磡分店有呢個定食就試下新嘢！豬扒用新豬肉製成炸得好脆 唔會太油膩味道同口感都好似真正炸豬扒咁雖然冇咗浸肉香但調味都好唔錯🤤好juicy!仲加咗啲茄汁係上面配菜有蓮藕 蕃茄漬 味噌湯酸酸地夠清新減低咗油膩感飯裡面仲特別加咗梅子金菇漬第一次食醃金菇 酸酸甜甜好有趣🤣不可能肉醬意粉肉醬意粉係我次次去素年必食！肉醬味道真係非常唔錯蕃茄味嘅酸酸甜甜加入新豬肉肉碎絕對唔會輸比普通肉醬意粉🍝但比起之前食好似冇咁濃味醬汁都稀咗啲有少少失望咗😢不過意粉質感好彈牙而且好掛汁以往係煮得比較軟身意粉方面今次的確有驚喜-食物質素都算唔錯最有驚喜係甜品🥧氣氛好好好適合一班人聚餐或者飲嘢！

日式吉列豬扒定食 $128定食可走五辛 而且採用新豬肉去製作吉列豬扒 味道其實同真肉幾相似 當然口感上有分明🙈 配上金平蓮藕、番茄漬、海帶味噌湯、梅子金菇漬配珍珠米真係非常豐富✨ 最鐘意佢既珍珠米 軟硬度適中夾埋吉列豬扒食真係輕鬆清哂成碗飯🍚Tonkatsu made by the impossible pork meat, which had a similar taste to the real pork meat😎 while there’s a slightly different of the texture between impossible and the real one😌 Set meal included Lotus Root Salad, Seaweed Miso Soup, Japanese Rice with Golden Needle Mushroom🍱 Japanese rice was cooked just right & matched with the tonkatsu🥰評分: 8/10🌟聖誕特別版不可能漢堡 $138漢堡同樣採用不可能肉配白甘筍

經過呢間餐廳好幾次，都係比較吉無人龍，呢次黎食都直入，想試新派素食既朋友仔可以黎支持下😎💪🏻另外要讚服務唔錯，我同朋友手殘係咁整跌野，麻煩到侍應唔好意思🙈▪️ 日式吉列豬扒定食（6.5/10）💲128前菜有金平蓮藕、七味粉枝豆、海帶味噌湯💁🏻‍♀️主食係用新豬肉整既吉列豬扒，外層帶脆，內層就略為鬆散多顆粒口感，不過始終唔係真肉尚算可以接受，加上偏酸茄汁會更為開胃😌仲有個梅子金菇漬配珍珠米，個人幾鍾意個梅子金菇漬，可惜珍珠米黏身糊口，唔夠粒粒分明🤨▪️ 芫荽芝士不可能漢堡（7/10）💲138包身比預期中遜色，無咩烤烘過，入口差咁少少🤫不過內餡係重點，幾欣賞大量芫荽同埋微酸既芫荽醬，仲有蕃茄、半溶既純素芝士連同不可能肉，食落感覺唔會太乾身😍無曬蕃薯條既關係，變左做普通薯條，熱辣辣粗粉身🍟▪️ 焙茶燕麥奶（7/10）💲38 (Hot)入口夠滑身無咩粉末，燕麥奶味較重，焙茶再濃些少更好🤔▪️ 士多啤梨大黃燕麥奶 💲48🔎 整體評分（7/10）

深水埗coffee shop盛行已經唔係第一日嘅事，但甚少見到有素食coffee shop，其中最出名嘅係呢間素年，近期喺黃埔開咗第四間分店。 老闆之前任職公務員，工作苦悶，毅然放棄穩定收入，創立素年。 老間希望改變人們對素食嘅睇法，表示素食唔只得沙律，可以食得飽之除款式都可以多元化。 素年有四間分店，但每間分店嘅名都有少少出入，黃埔呢間就叫「be」。 店舖並非位於大街，面積頗大，格局寬敞。 門口有座超大型自動門，裝修簡潔。 主打素肉漢堡，燕麥奶咖啡等等。 日式吉列豬扒定食$ 138素食嘅價錢定位一向都偏高，對我而言性價比偏低，好食就ok啦。 豬扒likely用咗新豬肉，平時用黎蒸肉餅今日就整豬扒，但當然，與正常豬扒相比，出入一定好大。 因用上素肉，唔可以好似一般做法咁：上麵粉>上蛋液>上麵包糠>炸。 呢度只上麵粉，外皮微脆，內裏食落一片片，脂香高，軟糯，食過就明，的確有少少似真豬肉。 配菜方面，墨西哥辣椒經過火炙後抹去濃位，口感軟淋，甜中帶辣。 豆腐比一個字佢：齋，也味都冇，前所未見，建議加入麻醬。主糧係十穀米，粒粒分明，口感多元。 豬扒上面有一大pat茄汁，

其實我一向好少選擇素食，素食對我黎講仲停留喺用腐皮整既素鵝個年代。今日，朋友帶我黎食呢間素菜，揀直癲覆左我對素食既概念，原來素菜可以一啲都唔似素菜，健康得黎菜式仲可以咁新式，又好食! 我諗我以後都會多啲食素，一定要再encore!香辣泰式炒意粉 $98 -  用左豆乾、雞脾菇、金不換、車厘茄、蘆筍、芫荽同花生炒意粉，味道偏辣但非常惹味，好夠泰式風味。日式吉列豬扒定食$138 – 新豬肉造既豬扒，吉列炸到很香口，唔講真係唔覺塊豬扒係素黎；配味噌湯、日本唐辛子及日本豆腐配柑橘沙律汁前菜，加埋十殼米，真係食好健康。 西柚橙鳳梨果汁 $48凍泡沫咖啡 $38

見素年最近開左幾間分店，愛吃肉的姐都忍唔住去試試，原來素都可以好好食！不可能磨菇芝士漢堡- 用左impossible meat 去做中間的扒，一切開入面仲係微紅，好似切緊真肉咁-素芝士加上大量磨茹，加上烤過的麵包，好滿足！-自家製牛油果醬好香濃好滑！沾上粟米片食好有Mexico 風味吉列豬扒定食-十殼米飯，健康！-吉列豬扒好有驚喜，唔油膩，炸粉唔厚，非常酥脆。第一次食新豬肉，同真豬肉幾乎一樣😅Piccolo latte -本身對呢杯咖啡冇咩期望，點知出乎預期地好飲！咖啡非常香濃，完全可媲美出面專門賣咖啡的店！

最近素年係黃埔開咗新分店，menu上嘅菜式同其他分店有所唔同。我之前只係去過深水埗總店，相比之下，黃埔分店嘅空間感大好多、好好坐。我哋星期一嘅午飯時段去到唔使等位，約莫都有8成滿，2點後人流開始減少。日式吉列豬扒定食 ($138)吉列豬扒係用新豬肉整成，表面淋咗茄汁，旁邊再放咗椰菜絲，感覺好和風，不過如果椰菜絲可以放多D就更好。我鍾意味噌湯嘅味道，夠濃味，接近係日本飲過嘅味道，味噌湯入面仲放有豆腐粒。日本山芋淺漬味道好酸，感覺似檸檬嘅酸。精進料理 ($178)好多人嘅打卡之選。店員係上菜時細心咁講解菜式嘅特別之處，仲比咗張九宮格卡仔我哋。金菇天婦羅食落酥脆，即使放涼咗亦唔會韌，味道帶有麻味。高湯啫喱感覺似大菜糕，少少鹹味，幾得意。金平牛蒡飯糰冇咩味道，只有表面沾上醬油嘅部分有少少味，建議配埋配菜一齊食，咁先夠味。

深水埗零負評人氣黃店之前久仰大名但一直未試，終於等到紅磡區分店今日正式開業，緊係即刻去食個Lunch先拉！雖然午市繁忙時段要等位，但店員服務態度好好，眼見執枱擺盤都快手，抵讚！不過令到可以照鏡既刀叉望落有少少漬，紙巾抹下會令啲。素年經典不可能芝士漢堡 $128 賣相吸引，漢堡扒好似半熟咁，口感同味道都堅似牛肉。不過生洋蔥味太搶，其次係食到意大利黑醋個味。墨西哥粟米片好脆，個自家製牛油果醬好好味！會一塊接一塊咁食唔停。日式吉列朱扒定食 $138 前菜有自家製金平牛蒡同日本山芋淺漬，前者係牛蒡絲加蘿蔔絲拌麻油，好香！後者比較淡味，但咬落爽口，又有點似秋葵咁有少少黏液。吉列朱扒幾脆口，但塊「朱扒」無咩質感可言，有點薄，味道亦全靠表層的茄汁。十殼飯唔錯，唔會太硬而且夠健康。味噌湯略鹹，但其實幾好飲。飲品加$36配水果特飲，我們叫了奇異果蘋果羽衣甘藍燕麥奶及芒果鳳梨燕麥奶。前者唔覺有蘋果味，後者無咩鳳梨味，飲落嗒到少少燕麥質感，都幾特別。.整體雖然唔算好優秀，價錢亦唔平，但我同朋友異口同聲想再試下其他餐牌上既食物。埋單要留意返張單，本身跟主食叫飲品有優惠，但落單計左原價，我都係比完錢先發現，搵店