牛匠石燒 (Closed)

📍牛匠石燒周圍都開燒肉店，但高質又抵食既燒肉就唔係間間都食到！😮‍💨呢間主打石板燒肉，食物款式多，牛嘅唔同部位都食得到🤤環境寬敞，坐得舒服，最重要既係冷氣好夠涼，嘆住食燒肉😙🍴前菜牛蒡作為前菜幾開胃，凍凍地淋上少量芝麻粒，幾香！🐮鹽蔥薄切牛舌牛舌嘅份量係幾多，足足有11塊！牛舌入口即溶，咬落非常爽口！🫶肉質嫩滑，加上用左石燒，完美鎖住肉汁，好juicy!😽食到咁上下覺得膩嘅時候，配埋香蔥一齊食，除咗可以辟牛臊味，仲提升牛舌既層次感🥰🐂澳洲M9和牛肩胛小排和牛既油花分明好平均❄️肉嘅色澤都好靚，脂肪紋理清晰，望到已經流晒口水🤤放上石版燒一陣好快就食得，嫩滑既口感，油脂香喺嘴𥚃面充斥著，每一啖都係極致嘅享受！😍牛肉味濃，軟熟嘅口感真係冇得輸！另外，生菜蒜片都好值得叫，食和牛食到咁上下會覺得油膩，生菜包和牛同蒜片亦係另一種風味😝🫓日式海鮮煎餅個樣就好似成塊Pizza咁🤓煎餅煎得好脆口，外脆內軟～海鮮既份量都好足，有章魚粒🐙、蝦🦐等等，仲有大量既蔬菜，所以食落好有咬口，面頭亦有大量木魚絲，加埋燒汁同沙律醬，好似食大阪燒咁😇🍚味素飯有紫菜、芝麻同蝦乾係飯面，味道咸咸地，用黎伴飯食好正！配埋燒肉食簡

餐廳：牛匠石燒地點：尖沙咀金馬倫道菜式：日本烤肉店，主打石燒牛，即係用熱石黎燒牛。餐牌：餐牌有和牛系列，燒肉盛合，石燒單點，鐵板類，熟食，一品料理，飲品，酒精飲料。呢度都有套餐。落單用QR code。今晚叫左兩份單點燒肉，一份小食，一份前菜，一份配菜，兩份主食，同兩杯飲品分享。枱面上有墊枱紙教你點燒。服務員先加酒精，然後等四至五分鐘就搽牛脂係張牛油紙上面，之後就可以自己動手燒。石燒好處係無油煙，較網燒健康，服務員幫我地不斷加火，好快就有得食。服務員見到我地d肉要反又會幫手反下。枱上面仲有一次性圍裙比我地。澳洲M9和牛肩胛小排 $198 另加一澳洲M9和牛肩胛小排一客10片，油花好靚好平均。我燒得熟嗮先食，食落都非常嫩口，牛味唔錯又多肉汁，高質。伴有一隻大冬菇，椰菜絲同半粒車厘茄，蔬菜量足又新鮮，大冬菇燒黎食啖啖肉。鹽蔥薄切牛舌 $118 另加一鹽蔥薄切牛舌一客12片，口感好有彈性，又唔會太韌。伴有一隻大冬菇，蔥花同半粒車厘茄。枱上有燒肉汁同蒜香芝麻醬，兩樣醬汁都好味。日式海鮮煎餅 $78 另加一日式海鮮煎餅用鑊仔上。一客六片，燒得塊皮少少脆口，入面好濕潤軟淋而帶粒粒章魚粒，仲有生菜，面

呢間石燒幾個月前已經食過，實在係一試難忘🤤今次二訪牛匠石燒😋 叫多幾個朋友一齊嚟試多幾款嘢食！============ヽ(○´∀`)ﾉ♪澳洲M9和牛肩胛小排 $198 ⭐️推薦🫶🏻✰雪花油脂非常豐富，口感並唔係入口即溶化嗰一種，而係有少少咬口，但非常軟嫩，好味🤤✰每碟燒肉都有一隻冬菇伴碟，店員教燒緊肉嘅時候放埋上去燒，等佢吸收和牛嘅油份，更好食😋✰呢度用嚟沾點燒肉嘅醬汁，有生薑芝麻汁同埋果味燒汁，兩種都為燒肉片增添幾分色彩😋😋😋 厚切特上牛舌Combo $158 ⭐️推薦🫶🏻✰牛舌combo絕對係每次必點！係超厚切牛舌拼牛舌薄片。✰牛舌唔羶口感爽口，厚切更加係好juicy彈牙👍🏻鹽蔥薄切牛舌 $118✰同牛舌Combo嘅薄牛舌係一樣，牛舌唔羶口感爽口，燒完包住鹽蔥一樣食😋鹽燒牛匠特選牛肉 $118✰一大塊牛扒都只係$118！口感一樣軟嫩唔韌。💁🏻‍♀️石燒類加點🍚🍜🥬👇🏻✰味素飯-好好味，食咁多燒肉要食吓飯吸油✰醬油湯鳥冬-唔想食飯可以加湯烏冬，佢個烏冬都好滑😋✰生菜蒜片-燒肉必需，包住食無咁油膩============ヽ(○´∀`)ﾉ♪燒原隻日本魷魚 $128 ⭐️推薦🫶🏻✰好大隻魷魚！搽咗

行過金馬倫道，總會比琳琳種種嘅招牌吸引住，今次就同幾個朋友入去呢間牛匠石燒入到去見到8成滿座，好彩有張卡位可以舒舒服服咁坐，員工先預備每人一套餐具、燒鉗同圍裙，非常貼心👍🏻。一行四人order咗以下食物:鹽燒牛匠特選牛肉 $118牛味濃，肉汁多，用生菜連蒜片包來一齊食可以中和油膩感👍🏻鹽蒽薄切牛舌 $118薄牛舌夾埋埋香葱一齊，辟除牛舌嘅臊味，仲提升左成個層次厚切上牛舌Combo $158一碟有齊厚薄牛舌，我本身鍾意薄切，因為怕太厚會好靭，但係呢度嘅厚切牛舌好爽口，唔靭唔臊好好味，沖擊咗我對厚切牛舌嘅認知😆😆澳州M9和牛肩胛小排 $198壓軸出場嘅牛小排，油脂豐富均勻，薄薄一篇好容易燒，入口已經充滿油脂香，口感非常嫩滑，大愛❤️燒原隻日本魷魚$128賣相已經好吸引😍，魷魚燒到啱啱好，咬落彈牙甘香，配埋燒汁同七味粉極之惹味日式海鮮煎餅 $78有d似大阪燒，足料又脆口，唔會好多粉漿👍🏻味素飯、湯鳥冬特別推介烏冬🙌🏻，係我最鍾意嘅幼身稻庭烏冬，煙靭彈牙❤️牛匠彩虹水果茶/ 菠蘿沙冰/ 芝士奶蓋四季春水果茶真係有好多水果，有士多啤梨、藍莓、熱情果、菠蘿等等，甜中帶酸而且茶味濃🫶🏻，朋友飲嘅菠蘿沙冰

上次朋友帶過我嚟食呢間牛匠石燒，我覺得質素幾好又唔算貴，所以今次我約人再黎食，除咗燒牛之外，仲叫咗幾樣野食開頭有碟前菜，食落酸酸地，幾爽口🌟澳洲M9和牛肩胛小排呢間用舊石去燒肉可以慢慢烤，令肉質易啲保持嫩滑，而和牛肩胛小排幾多雪花，油脂夠，牛味香濃🌟鹽蔥薄切牛舌基本上食親烤肉我都必點牛舌，呢度嘅牛舌夠嫩夠淋，放埋啲蔥喺上面一齊烤，連埋牛舌一啖咁食超級香🌟日式海鮮煎餅煎餅整到好似pizza咁，幾厚身，外面微脆，入面好軟身，仲有啲章魚同木魚絲，加埋個醬汁之後，不論口感同味道都好似章魚燒🌟生菜蒜片烤肉配咗啲生菜同蒜片，可以中和下啲油脂，食牛唔會覺得咁膩🌟湯烏冬🌟味素飯烏冬係稻庭烏冬，煙韌彈牙，而味素飯上面啲紫菜好啱送飯，雖然好多地方都買到，但好食就得啦🌟牛匠彩虹水果茶🌟芝士奶蓋四季春同朋友一人一杯野飲，水果茶比想像中大杯，水果份量都足料，唔太甜，所以飲到幾濃嘅茶香味，而我朋友話芝士奶蓋四季春都唔錯第二次黎都冇令我失望，睇黎下次應該要試埋鹿兒島A4和牛

講左咁耐終於去試下好彩有期待無失望澳洲M9和牛肩胛小排 外觀賣相有好均勻脂肪大理石紋，食落唔會好油膩，口感肉質都幾嫩口，牛味都幾出，幾juicy！另外，追加左生菜&蒜片，將肉包埋一齊食，蒜片辣辣地，都唔錯鹽蔥簿切牛舌 個爐火力都幾猛，將蔥花牛舌燒一陣就食得，牛舌都幾爽口，仲有一定要夾埋啲蔥花一齊食，香好多！日式海鮮煎餅 呢款煎餅有少少驚喜，同得預期有少少出入，煎餅外皮沾左簿簿的炸粉，好酥脆，入面有蝦、菜等配料，表面放左木魚，加埋日式醬油&沙律醬，整體都幾好食！芝士奶蓋四季春呢杯奶蓋都幾重芝士味，配搭埋四季春，味道岩岩好，唔會好膩～牛匠彩虹水果茶見咁多人都有嗌呢杯水果茶，就跟住試下，大大杯，都幾足料，甜度剛好，岩哂食左咁多肉，解一解～