牛匠石燒 (Closed)

當日係食飯時間去食的，店內人數唔算太多，入座時間好快，都無感覺要等就已經安排好入座。店員哥哥安排得好好，有簡單介紹，禮貌不錯！價錢同食物質素成正比，又唔洗貴到成千蚊，唯一覺得唔太好既地方就係個爐預熱時間比較耐，同埋舊牛脂肪比較難出油(因為個爐唔夠熱)，要等一段時間個爐真係熱先可以開始燒，所以啲肉來左一段時間先開始熱，不過唔太影響食物味道的。建議可以先試淨燒，之後再配醬汁食，係有唔同既享受，是值得一試的餐廳！

尖沙咀依間「牛匠石燒」主打食石燒牛之外，仲有唔同特色手調飲品。*此餐廳收取加一服務費。牛匠極上盛合（單點$468）；M9牛胸肉、牛小排，牛味濃厚； A4鹿兒島和牛肩肉，油脂分布呈現雪花紋狀，脂肪部分入口即化；牛肋骨肉、封門柳，肉質厚嫩；牛胸膜肉；一口牛，食落好Juicy；薄切牛舌，口感爽口；西班牙黑毛豚肉腩，肉質肥瘦相間；鹿兒島無激素雞頸肉，肉質嫩滑；配菜包括有香菇、車厘茄。蒜片•生菜（單點$38），蒜片、生菜口感爽脆，食落好新鮮。湯烏冬（單點$38），表面鋪有香蔥、芝麻，烏冬口感煙韌，湯底味道鹹甜。味素飯，湯，溫泉蛋（單點$38），米飯表面鋪滿櫻花蝦、紫菜、飯素，食落好香口；味噌湯，內有豆腐、海帶、香蔥，味道正宗；溫泉蛋，表面鋪有芝麻、香蔥、豉油。牛匠彩虹水果茶（單點$68），好足料，包括有草莓、藍莓、西柚、菠蘿、香橙、蘋果、檸檬，味道酸甜，飲落好清爽。芝士奶蓋四季春（單點$38），芝士奶蓋味道鹹香，四季春茶味道清香。

係尖沙咀行街…肚餓時見到石燒…咁就隨緣食石燒啦 未點野先要讚下呢度d冷氣…真係勁到無倫…風口出哂煙。一坐低好舒服…唔夠一陣就覺得凍添…感覺入左雪房咁…正🤩🤩。唔想攝襯就拿拿林點野食點左個牛舌拼盤…特選牛肉…跟左一個烏冬同加滿飯素既飯…店員話可以加配生菜蒜片…ok喎…咁樣無咁漏。再點左杯水果茶同草莓乳酸店員好快送上個石燒板…前菜有我最鍾意既漬物牛蒡…之後食物陸陸續續黎啦…牛舌拼盤有一碌同一片片…特選牛都幾大塊同厚身。店員放左火就準備就緒…石燒板上有塊紙…放舊牛膏上去…感覺無乜料到…店員見狀就問想要燒焦的話…不如拎走張紙…🧓🧓：好呀！之後店員拎走張紙仲放多幾舊燃料…d火即刻燒到含含聲牛舌薄切…燒好放d蔥花夾住食…好清爽。牛舌碌切…口感軟硬適中…點下山薑燒汁幾好味。特選牛肉…肉質軟腍…肉味都幾濃…比少少時間烤到焦香…攞塊生菜同蒜片包住食…健康又好味。見到隔離燒魷魚幾靚…我又要。魷魚都幾大隻…配左甜甜地既燒汁…魷魚肉質有嚼口又唔韌…都唔錯朋友話杯草莓乳酸唔錯…我就幾鍾意我jar水果茶…唔太甜…飲落好清爽。仲要飲極都仲有🤩🤩野食唔錯…服務唔錯…整體唔錯！

餐廳好貼心，會有埋圍裙提供，唔洗怕會整污糟件靚衫。店員服務周到，留意住石燒鍋的情況，主動換紙同加燃料。澳洲M9和牛肩胛小排肩胛肉嫩多汁，燒好後口感軟滑，油脂非常豐富。鹽蔥薄切牛舌牛舌薄切，燒好後有爽脆感，質素唔錯。生菜蒜片當燒好肉之後，夾埋做菜肉包一齊食，口感爽脆又有肉感。日式海鮮煎餅煎餅入面夾住唔同既海鮮，煎得香脆可口，有啲似日本大阪燒。湯烏冬，味素飯湯烏冬同味素飯，加上熱辣辣的燒肉，非常滿足。芝士奶蓋四季春芝士香甜細滑，四季春甘醇順口，兩種味道配合起黎，好好飲。牛匠彩虹水果茶超多唔同種類水果整成既水果茶，飲落夾雜着唔同嘅水果味，味道香甜。

朋友快生日，佢話想食燒肉，想起尖沙咀有間日式石板燒肉相比普通燒肉特別d, 一於就帶佢黎試下, 預祝慶生！🥩前菜-牛蒡牛蒡有少少藥材味，咬落好爽，配埋日式醬汁，感覺好味又健康！🥩澳洲M9和牛肩胛小排$198開鑊就用肉的脂肪代替油，感覺好天然！澳洲M9和牛肩胛小排的肉質超腍，食完一塊又來吃多塊，牛汁多夠juicy !!🥩鹽蒽薄切牛舌$118牛舌好味爽口！夾住生菜同生蒜片黎一齊食辣辣地，仲有蔥花提供，口感好豐富！醬汁有生薑絲同燒汁！🥩台式海鮮煎餅$78一上枱食咗一件好好味又香又脆，後來掛住影相放咗好耐，食到最尾再食都仲係外脆內軟😙配上面嗰台式海鮮醬，好好味😋🥩湯烏冬 & 咊素飯烏冬好彈牙煙靭，湯清得黎不太濃又夠味🍜 咊素飯上面有紫菜同櫻花蝦，味道豐富🍚🍹芝壬奶蓋四季春$38呢度幾正喎，有台式芝壬奶蓋茶飲，四季春清清地配一個甜甜地嘅芝士，幾好飲！🍹牛匠彩虹水果茶$68超大杯！大到兩個人飲都得丫！入邊都好多水過了，仲有兩大件菠蘿！配燒肉食消滯一流！🍱餐廳:牛匠石燒 (尖沙咀)🏫地址: 📌尖沙咀金馬倫道34-36A號福僑大廈地舖

無肉不歡嘅我近來同朋友到訪尖沙咀牛匠石燒。雖然唔係任飲任食，但整體性價比都幾唔錯。叫左兩個套餐，一共有4款牛、2款小食、4個主食同4杯飲品。餐廳係以天然石燒板烤肉，受熱幾均勻，而且火喉夠，令肉汁可以有效鎖住，保持質素。4款牛之中首推澳洲M9和牛肩胛小排。肉質最柔嫩，油花好甘香，一放入口滿滿油香。食得多怕膩可以用生菜力廿埋蒜片包住食。牛舌從來都係我杯茶。厚切牛舌Combo同鹽蔥薄切牛舌就有齊厚同薄切。我第一次食咁厚嘅牛舌，望落去仲以為係午餐肉條，口感好厚實。薄切就彈牙啲。鹽燒牛匠特選牛肉色澤好靚，肉質厚實得黎有豐富肉汁。厚切同薄切嘅牛舌齊哂，任君選擇。前者口感飽滿油脂甘香；後者就彈牙啲。兩者都完全唔臊，個人更喜歡後者😋小食方面燒原隻魷魚烤得好彈牙，一咬落去個種焦香同燒汁味道令整件事好加分。日式海鮮煎餅我平時唔太食，因為好易整到好易散。但呢個質地外脆內軟唔易爛，中間有章魚粒、蝦、木魚花、配合燒汁同沙律醬，整體不錯。有烏冬同味素飯打埋底一定夠飽。4杯飲品包括2杯牛匠彩虹水果茶、1杯芝士奶蓋四季春，同1杯草莓乳酸。都幾大杯，尤其喜歡水果茶，好足料。

最近瘋狂愛上烤肉🤪今次去到尖沙咀嘅《牛匠石燒 》，距離地鐵站3分鐘路程，環境都幾舒適，店員服務態度好好。呢度主要利用特製天然石燒板烤肉，令肉肉受熱更均勻🙌🏻四個人叫左兩個套餐，有牛有小食有主食有飲品，初初落以為唔夠食，點知最後幾滿足😆✨澳洲M9和牛肩胛小排力推🩷！色澤同雪花紋理都好靚，肉質厚實得黎好柔嫩，油花好香好細緻，有幾乎入口即溶嘅感覺，高質🥰✨鹽燒牛匠特選牛肉 好厚好大塊😍肉質厚實有嚼口，肉汁好豐富好香濃。✨厚切牛舌Combo✨鹽蔥薄切牛舌厚切同薄切嘅牛舌齊哂，任君選擇。前者口感飽滿油脂甘香；後者就彈牙啲。兩者都完全唔臊，個人更喜歡後者😋以上可以選擇加生蒜片同生菜食（蒜片烤埋仲好食🤤），醬汁方面可蘸生薑芝麻汁或果味燒汁。✨燒原隻魷魚原隻魷魚大大隻，賣相都好吸引。口感彈牙，一啲都唔韌。魷魚香加燒汁香加焦香，讚🙌🏻✨日式海鮮煎餅煎餅外脆內軟，海鮮餡有章魚粒同蝦，好有口感。加上木魚花、燒汁同沙律醬，很不錯。主食方面有湯烏冬同味素飯。飲品有芝士奶蓋四季春/牛匠彩虹水果茶/草莓乳酸，質素一啲都唔欺場。特別讚個水果茶，有橙/菠蘿/士多啤梨/藍莓果肉，即刻覺得健康哂😆

平時通常都係食牛角果類型嘅燒肉，今次食呢個特別小小係用石板燒，估唔到細細塊板火力又幾夠猛🔥燒原隻日本魷魚 $128 🦑呢個係已經燒好左比你唔洗自己燒，雖然$128但都好大條，燒汁香濃，魷魚彈牙好味😋厚切特上牛舌Combo $158 🐮厚切嘅牛舌唔怕燒過龍，店員教我地燒耐小小口感會好啲而且唔會靭，我地就燒到外層焦焦地，食落去有些小油脂的香味，口感軟嫩多汁又有脆度，而家諗返起都吞口水啊🤤鹽燒特選牛肉$118 🥩牛扒厚薄適中，我地冇燒到好熟，入面仍然略帶粉紅色就夾左出黎，咬落去非常柔軟同多汁，肉味濃厚，配埋蒜頭包生菜食味道一流😋牛匠彩虹水果茶 $68 ｜草莓乳酸 $36 🍓水果茶真係超！級！大杯，啱晒啲吸水豬豬飲，本來唔太期望日式餐廳嘅水果茶會有幾好飲，但呢杯茶入面好多生果，茶味果汁調得啱啱好🍹草莓乳酸都唔錯，唔會太甜，食完咁多肉飲杯酸酸甜甜都幾解膩🍍🍊呢間餐冷氣超凍，凍到出煙🌬️不過正正因為佢開得夠大個冷氣同埋抽風好好，所以完全冇油煙味💨至於價錢方面呢，Emi其實仲加左飯啊烏冬生菜等等，加埋都係六百零蚊，尖沙咀鬧市黎講都唔算貴🤑去開尖沙咀食野呢間都推介❣️

🍴餐廳：牛匠石燒📍地址: 尖沙咀金馬倫道34-36A號福僑大廈地舖好掛住鹿兒島屋台嘅石燒烤肉，無得去旅行，上網搵咗呢間牛匠石燒，見到午餐餐牌百幾蚊就有交易，仲要包埋芝麻豆腐、麵豉湯、白飯、甜品同飲品，今日就和爸爸過來試一試，好深印象就係每人有一條圍裙，好貼心，又會不斷幫你換嗰張牛油紙，飲品叫咗杯熱飲，估唔到係勁大杯外賣包裝，飲唔曬可以拎住走，整體感覺唔錯。🦬特選經典牛三品定食(澳洲牛肩胛、澳洲M9牛胸肉、嚴選封門柳)估唔到澳洲牛都可以咁軟身喎，都有少少入口即溶嘅感覺，牛肩胛好重油脂好濃味，完全唔使點醬汁都好好食🐐殿堂燒（京川味燒羊肉定食）送甜品好少見有羊肉，所以就點咗呢一個定食，呢個餐一直慶住上，熱辣辣出曬煙，調味調教得好好，除咗芝麻豆腐、麵豉湯、白飯之外，仲有甜品同埋沙律前菜，甜品將藍莓同薄荷葉分開，自己加落去布甸。🥤可口可樂、🐝熱蜂蜜生薑茶蜂蜜生薑茶超大杯，食完燒肉之後可以解下油膩感🦐和風脆豆腐、吉列炸蝦(2隻)兩款站物都炸得超脆，脆豆腐嘅特別，平時椒鹽豆腐嗰種食得多，第一次食和風炸豆腐，如果加埋芝麻醬就一流。

人生第一次一路食飯一路寫食評今晚訂左枱 7點食飯，條街勁多人，但一入到去只見到得一枱客，心諗可能訂左枱未到啫。安排入座 ，座喺門口位，開門閂門會勁大風，明明好多枱，唔明點解要安排呢張。個侍應發現我周圍望就問我係咪想換枱，我話係，佢就換左張喺入啲嘅枱俾我。呢度係電話 scan qr code 落單。叫左個 2人餐，有燒肉，有沙律，有清酒大蜆 ，有鹽燒虎蝦，有烏冬同甜品。落完單 5分鐘左右，沙律上，好精緻，個沙律得啲椰菜絲，掂👍🏻唔夠 2分鐘就上個鹽燒虎蝦，呢個冇特別。相隔唔夠 1分鐘就上個清酒蜆。再隔唔夠 1分鐘就上埋個烏冬 😨使唔使咁快手？啲肉都未上就上烏冬？心諗好明顯係趕客啦！到主腳出場，啲肉冇特別，有啲啲嘅肉味。燒燒下嘅途中有個女侍應疑似覺得我哋燒得慢，就話幫手燒，我一口拒絕左，因為忙緊打食評 🤣當夾起最後一塊肉嘅時候，女侍應隨即埋嚟問加唔加肉，你咁樣趕客法，我仲點加。我一話唔加，即刻收爐收埋其他嘢，效率之高係而家香港餐廳唔會見到嘅。全程出菜極快，冇次序咁出，擺明就係迫你嗱嗱聲食完即刻埋單走。既然係咁，我都好快咁食完就走人，以後唔使錢都唔日再嚟食。

平時食燒肉黎黎去去都係個幾間，今次決定試下尖沙咀呢間牛匠石燒😛入面環境都好舒服，有D卡位可以坐，員工都幾Nice😬牛肉方面我地就揀左鹽燒特選牛肉同牛舌Combo🐮個特選牛肉口感超軟嫩，一咬落去陣油香就湧出黎🤪而個牛舌就有薄切同厚切，各有特色，牛味香濃🥰我地仲叫多左個生菜蒜片，夾埋個牛落去一齊食，口感豐富D又唔會油膩😗除左牛肉我地仲叫左個日本原隻烤魷魚，上面掃左D甜甜地既醬汁，再灑左D七味粉，個調味好中我口味😛最正係佢完全唔會韌，燒得剛剛好，我一個人都接近清左成碟🤪主食方面我地就叫左個烏冬同飯，個飯上面仲有對櫻花蝦，食落好香口😍最後野飲就Order左彩虹水果茶同草莓乳酸，杯水果茶分量十足，有好多款水果可以食，酸酸甜甜，開胃又解膩😗

牛匠石燒用咗特製天然石板，令到石板受熱均勻，可以迅速將肉類煎熟鎖住肉汁。店舖有提供濕紙巾同圍裙，避免客人燒肉嘅時候俾肉汁彈到衣服。1. 鹽燒牛匠特選牛肉牛扒好厚，有雪花紋，食落脂肪豐富，但係唔會膩，肉質鮮嫩，食落非常有牛香，包上山菜加上生蒜，可以中和牛既油脂，生蒜可以提升牛肉嘅香味。兩種食性都好食。🌟 評分: 9/102. 牛舌COMBOO有厚切牛脷同薄切牛脷，厚切牛脷食落好有油脂，口感好爽嫩，質感有啲似和牛。薄切牛脷，食落好有牛味同埋好彈牙。🌟 評分: 9/103. 燒原隻日本魷魚魷魚由醬油既醃製，而且經過燒烤煮熟，非常香濃燒魷魚香，肉質彈牙唔靭，有少少七味粉調味，味道鹹香非常可口。🌟 評分: 7.5/104. 味素飯味素份量好多，可以每一粒飯都可以裹住味素，味素同牛肉食一流，食到停唔到。🌟 評分: 7/105. 湯烏冬烏冬好彈牙，鰹魚湯底好清甜，飲落好濃郁鰹魚香，好啱用嚟餸燒肉，可以解到燒肉既膩。🌟 評分: 8/106. 前菜（牛蒡漬）牛蒡好清甜爽脆，帶少少酸，加上有醬油清醃，令到牛蒡更加清香，非常開胃。🌟 評分: 7/107. 牛匠彩虹水果茶甜度適中，入面咗好多水果，充滿果香，有

牛匠石燒主打用特製天然石板燒肉受熱均勻嘅石板可以迅速將肉類煎熟並鎖住水份石板上面仲鋪左牛油紙 唔會怕燒燶痴底👌🏻店舖仲會提供圍裙同濕紙巾 好細心😌🍴芝麻牛蒡漬口感爽脆 甘甜開胃 係一道不錯嘅前菜🍴厚切特上牛舌Combo ($158)有齊厚切同薄切牛舌兩款都好好味 肉質爽口鮮嫩 唔會好羶我個人就比較中意厚切牛舌 口感飽滿之餘油脂比較豐富🥰🍴鹽燒牛匠特選牛肉 ($118)牛扒好厚身 而且雪花分佈得幾靚食落肉味好濃郁 而且超多肉汁！肉質亦軟嫩唔韌口 推薦🫶🏻🍴生菜蒜片 ($38)用生菜夾住燒肉一齊食 可以無咁膩蒜片燒香之後勁香脆 同牛肉一齊食或者就咁食都好正🤤🍴味素飯 ($20)白飯上面鋪滿味素、櫻花蝦、紫菜、芝麻同燒肉一齊食一流👍🏻🍴湯烏冬($38)稻庭烏冬配上鰹魚湯 烏冬好彈牙 而且都幾大碗🍜🍴燒原隻日本魷魚 ($128)魷魚好大隻 份量十足表面搽滿醬汁 醬汁甜甜地好惹味 而且燒得幾好 口感彈牙得黎唔會韌👍🏻🥤藍莓乳酸 ($36)藍莓味幾香甜 唔會一陣藥水味配埋乳酸 酸酸甜甜咁再打埋梳打水 好解渴👍🏻🥤牛匠彩虹水果茶 ($68)好大jar好足料！入面有西柚、橙、士多啤梨、藍莓、熱情果等

【尖沙咀•牛匠石燒 】✨🐝————————————————————————收咗工同朋友一齊嚟食日式燒肉，呢間餐廳燒肉嘅方式好特別，係以石燒嘅形式去燒，成個過程都冇乜油煙，而店員都好細心咁話比我哋知點樣燒。。肉就試左澳洲M6和牛肩胛小排同薄切牛舌，兩款嘅肉質都相當嫩滑，朋友鍾意牛肩胛小排，而自己就鍾意牛舌多啲，鍾意食牛嘅就唔好錯過啦。🍯｜澳洲M9和牛肩胛小排 ｜HKD 198油脂分布均勻，口感嫩滑，肉質鮮嫩多汁，風味濃郁。🍯 ｜鹽蔥薄切牛舌｜HKD 118口感彈牙，配上鹽蔥，別有一番風味。🍯｜生菜蒜片｜蒜片放在石上燒一燒，再把蒜片和肉放在生菜上，這個配搭非常夾，亦能解肉的油膩感。🍯｜芝麻牛蒡｜作為前菜，味道帶酸，非常開胃。🍯｜日式海鮮煎餅｜HKD 78足料海鮮及醬汁，咬落去非常脆口又唔會太油膩。🍯｜味素飯｜味素非常充足，有櫻花蝦、紫菜等，非常美味，飽肚之選。。🍯｜湯烏冬｜烏冬口感彈牙，味道一流，同樣亦是飽肚之選。🍹 ｜牛匠彩虹水果茶｜HKD 68超大杯，味道唔算太甜，非常清新，水果非常足料，加分係有新鮮菠蘿，中和返燒肉嘅油膩感。🍹 ｜芝士奶蓋四季春｜HKD 38朋友係非常愛好飲茶，表示四

📍牛匠石燒周圍都開燒肉店，但高質又抵食既燒肉就唔係間間都食到！😮‍💨呢間主打石板燒肉，食物款式多，牛嘅唔同部位都食得到🤤環境寬敞，坐得舒服，最重要既係冷氣好夠涼，嘆住食燒肉😙🍴前菜牛蒡作為前菜幾開胃，凍凍地淋上少量芝麻粒，幾香！🐮鹽蔥薄切牛舌牛舌嘅份量係幾多，足足有11塊！牛舌入口即溶，咬落非常爽口！🫶肉質嫩滑，加上用左石燒，完美鎖住肉汁，好juicy!😽食到咁上下覺得膩嘅時候，配埋香蔥一齊食，除咗可以辟牛臊味，仲提升牛舌既層次感🥰🐂澳洲M9和牛肩胛小排和牛既油花分明好平均❄️肉嘅色澤都好靚，脂肪紋理清晰，望到已經流晒口水🤤放上石版燒一陣好快就食得，嫩滑既口感，油脂香喺嘴𥚃面充斥著，每一啖都係極致嘅享受！😍牛肉味濃，軟熟嘅口感真係冇得輸！另外，生菜蒜片都好值得叫，食和牛食到咁上下會覺得油膩，生菜包和牛同蒜片亦係另一種風味😝🫓日式海鮮煎餅個樣就好似成塊Pizza咁🤓煎餅煎得好脆口，外脆內軟～海鮮既份量都好足，有章魚粒🐙、蝦🦐等等，仲有大量既蔬菜，所以食落好有咬口，面頭亦有大量木魚絲，加埋燒汁同沙律醬，好似食大阪燒咁😇🍚味素飯有紫菜、芝麻同蝦乾係飯面，味道咸咸地，用黎伴飯食好正！配埋燒肉食簡