素食一家 (Closed)

成日都想慢慢改變生活習慣，試下初一，十五去食素。講左好耐都無做，因為怕食左唔夠飽，但琴日正正係十五，諗左好耐食咩好，諗諗下，就黎個食素新體驗。睇睇餐牌現在的素菜真係多花款。見到一味魚生刺生拼盤。哈哈，聽人講得多，素菜刺身真係第一次食。刺身外表都已經似刺身，食落口真係估唔到，味道都有幾分相似，口感爽爽的，可感受到廚師把賣相、口感，就連刺身的温度也計算在內， 加埋Wasabi豉油，真係幾可亂真。第二道菜係日式芝麻醬山藥，山藥有點像淮山，山藥本身沒有味道，但加上芝麻醬真係別有一番風味。第三道菜係招牌蓮藕沙拉骨，脆卜卜的腐皮包住蓮藕，口感和味道真係好好，外脆內爽，加埋沙拉汁，色香味十足。第四道菜係金莎蘆筍苖，整道菜有蘆筍笛配肉醉連蛋黃混合來炒。蘆筍十分鮮嫩爽口，金莎做得好好，蘆筍和肉碎也平均佈滿香香的蛋黃香味。第五道菜係黑松露豆腐，黑松露味道好濃，豆腐十分嫩滑，有點似水蛋。最後，薑茶菊花，賣相十分吸引，菊花是用豆腐製成，豆腐有豆味和十分嫩滑，加入濃濃的薑汁，味度十分夠薑。估唔到素菜也可以咁出色和多種變化。一定要再來試試其他菜式。特別需要讚賞員工的服務態度和親切的笑容

我呢個無飯主婦，成日都會係Facebook 放毒，每次朋友都會葡萄我。其實大魚大肉得多有時都想食清d，今日就帶埋我個c6去試下食素，清清腸胃先。我地去左一間叫「素食一家」既餐廳，去到睇一睇menu 先知原來呢間餐廳已經開左十幾年，但係內裏格局仲係好新，俾人感覺好舒服，真係有家既感覺，而且職員都好有禮貌，笑容滿面，我心諗，唔通食得齋多，個人心情都好d，哈哈！入翻正題，一打開本menu 同我平時係d寺廟食既完全唔同，款式好多，樣樣都好吸引。先來一個魚生刺身拼盤（$42）兩款魚片，每款四塊，第一口咬落去，真係有生魚片既感覺，上網check過原來素刺身係用蒟蒻及其他天然物質加工而成既。日式芝麻醬山藥（$38），山藥聽聞係一d好有益既食材，咬落爽爽地，加入日式芝麻醬，非常香口，再配上杞子，木耳，成個組合都好健康有營呀！招牌蓮藕沙拉骨（$68）蓮藕係我最中意既爽蓮藕，用腐皮包住炸脆，再加上千島汁味較濃既沙拉汁，一咬，層次好豐富。又脆又爽，少少酸甜，好醒胃。金莎蘆筍苗($78)，平時食西餐既蘆筍多數都好大條，呢到就揀左用蘆筍苗，食落甜d咬落更爽脆。再配埋菇去炒，食落有咸蛋味，唔知係咪真係落左咸蛋去炒

係香港，茹素並不容易，素食餐廳不多，而好吃的素食餐點更加難求！呢間位於旺角的素食餐廳其實我已經幫襯多年，佢地隔一段時間會加入新菜色，menu時常會有新驚喜，亦與一般中式素食不同，有時會加入日式或者西式元素，令素菜都可以變化多端！今次約埋兩個女仔朋友來吃晚飯，叫左一D招牌菜，同未試過的菜色。座位好寬敞，同埋冇擺放任何宗教切物品，令人舒適自在!首先當然係前菜，第一個嚟嘅係"日式芝麻醬山藥"。成日聽人講山藥好有益，但唔知點樣配搭好吃，原來可以加埋木耳，襯埋芝麻醬，好似日式沙律咁！相信冇人會唔喜愛吧！山藥係爽口的，味道稍為清新，感覺仲好健康！第二個菜係店長推介嘅"圍村蓮藕餅"。質感比較香脆，有少許煙韌，味道唔錯，好香口，點D喼汁食都幾開胃。不過煎炸嘢我有D怕熱氣，所以食左一舊！跟住主菜嚟喇，係"金莎蘆筍苗"！呢個要推介下，好香咸蛋黃味！有菇菇(唔知叫什麼菇)、蘆筍苗、紫菜絲！金沙即係好似平常食黃金蝦面頭的咸蛋黃咁，勁惹味！平時食蘆筍係會有D渣嘅，但呢個係蘆筍苗，所以超幼嫩，完全冇渣！唯一係比較油左D~另一道主菜係"招牌蓮藕沙拉骨"。聽個名仲以為係用素肉整嘅沙拉骨，原來係腐皮包住蓮藕，配菠蘿沙拉

喺常識，身為教徒嘅我，咁復活節都要守齋半飽過節！今次同屋企人食依間素食小店收斂吓心神，淨化吓腸胃！因為農曆十五，依間小店真喺超旺場，我都喺門口等咗廿幾分鐘！但為身體健康，等吓都值得，而且上次食過兩次之後，對素食真喺堅有興趣！今次幾個人食，真喺食七咁食！第一樣就叫《一品鮑魚刺身》！無論賣同口感，依個刺身仿真度極高！賣相自己睇，但口感嘅彈牙程度超似！味道都仿到鮑魚三四成左右！《酥炸雲吞仔》 賣相普通唔特別，但香脆可口，好有酥皮味，但食唔到個饀有咩味！《椰汁芋香牛蒡煲》一上枱已經聞到陣陣椰汁味！醬汁杰身！因為太多澱粉質，真喺戒左芋頭好耐，所以冇乜點食！但牛蒡片就好有口感，感覺似食緊半肥瘦豬肉咁，都唔錯！《黑松露雜菌蛋豆腐》喺我致愛，一上枱都聞到好重黑松露嘅清香，配上雜菇同玉子豆腐，真喺送飯一流！《日式芝麻醬山藥》依個日式醬汁做法真喺好特別，喺日式沙律中先可以食到！但配上山藥，味道依然一流！其實小弟對中藥冇乜認識，唔知咩叫山藥！但感覺似食緊馬蹄，非常爽口！依個《海鮮菇肉鬆豆腐》 都好鍾意食，值得推介，海鮮菇味香濃，都真喺幾好！不過冇 menu 賣相咁靚！最後屋企人叫咗兩杯《黑糖薑茶》 驅寒暖胃