Crown Super Deluxe (Under Renovation)

今次同朋友慶生，喺眾多鐵板燒餐廳之中揀咗呢間位於中環嘅Crown Super Deluxe，夜晚主要有三個set可以揀，分別係$888、$1388同埋$1488，我哋揀咗$1488個餐，原本都有諗過會唔會唔夠飽，但事實係飽到個炒飯只食到一兩啖🤣 每樣少少其實食下食下都好飽！餐廳氣氛幾好，音樂偏大聲，未必適合想靜靜地食飯嘅人，不過我哋覺得熱鬧d都幾好。店員同師傅嘅服務都好好，會細心介紹食材同埋同客人閒聊。師傅一開始會用蒜片加油去炒，d油會用嚟做之後每道菜式。•🥢日本芥菜沙律前菜有日本菇加芥菜配上蘿蔔汁，個汁味道似柚子醋，但汁嘅份量偏少。•🥢豐洲市場精選刺身因為我唔食刺身，所以店員幫我轉左我份刺身做天婦羅，有蝦、蕃薯同埋茄子，但比較油膩，而且炸得一般。而朋友照跟餐牌食刺身，佢話正常無特別驚喜。•🥢海鹽德島番茄店員提議第一啖唔好加鹽，試原味先，已經好有驚喜！好juicy又甜，味道有少少似車厘茄。第二啖加鹽食會發覺層次多咗，係人生食過最好食嘅蕃茄💯•🥢牛油鐵板龍蝦餐廳入面有魚缸養住龍蝦，落咗單後就活生生咁喺魚缸拎出嚟等師傅處理。龍蝦好滑，生熟度剛好👍🏻 煎完之後淋上一開始炒好咗嘅龍蝦膏，配兩塊

中環奢華鐵板燒 Crown Super Deluxe可以話係近期食過最印象深刻 最滿足心靈嘅一家餐廳！食物質素高不在話下，裝潢高尚環境寬敞愜意，staff極之友善熱情。坐係軟冧冧嘅天鵝絨椅，望住廚師即席炮製，完全係味覺同視覺嘅享受！細味完鐵板燒美食，仲可以轉移陣地 坐係whisky lounge慢慢嘆好有驚喜嘅甜品。估唔到午餐都可以咁精緻奢華，短短一兩個鐘，已經可以安撫到返工一族嘅疲憊心靈。𝙀𝙓𝙀𝘾𝙐𝙏𝙄𝙑𝙀 𝙇𝙐𝙉𝘾𝙃 (𝘔𝘰𝘯 - 𝘍𝘳𝘪)1️⃣日本芥菜沙律2️⃣ 海鹽德島蕃茄圓潤色澤超靚嘅日本德島蕃茄 甜度比一般嘅高幾倍！蕃茄入口飽滿多汁，相當香甜軟淋。仲可以點埋海鹽一起食，甜、酸、咸交雜，層次豐富之餘，甜度亦會提升，食落有小小酸梅嘅感覺。3️⃣燒時令蔬菜4️⃣美國頂級牛柳或西冷 $488 // 澳洲和牛肉眼 $588 // 鹿兒島A5和牛柳或西冷 $788🐮鹿兒島A5日本和牛西冷 140克 $788和牛油花細緻，初初入口帶爽彈，肉質相當軟嫩，油脂感超重，帶點入口即化嘅感覺！食完難免流露岀滿足嘅表情，極力推薦呢款！🐮澳洲和牛肉眼 150 克 $588肉質同樣軟腍，相對鹿兒島和牛有咬口。燒得香口之

咖啡迷肥肥家族自從成為Nespresso會員後，不時訂咖啡都會獲贈靚杯，上個月先勁，XO仔把握於限定期內買夠配額更成功賺取「Black Sheep Restaurant」$500餐飲券！適逢K哥二號牛一，嘻嘻，為咗可以盡快用咗張券，兩口子就決定於集團旗下間鐵板燒專門店「Crown Super Deluxe」以牛賀牛。餐店位於LKF Tower之M樓，食客必需從蘭桂芳德己立街行上兩層樓梯或從雲咸街行落樓梯方才抵達，地點雖有點隱蔽，幸好其霓紅燈招牌夠突出，大廈大堂職員亦樂於指引。踏入餐廳嘅第一刻起已受到接待生友善熱誠嘅禮待，安心量度體溫時先代為處理手上濕透嘅遮遮，埋位更有專人拉櫈及幫忙綁上圍裙，服務專業又貼身。光線柔和、開揚寬廣嘅鐵板大堂舖上厚厚嘅紫色地毯，令樑上嘅燈飾更覺金亮，配埋厚墊絨櫈即倍添尊貴。三個鐵板舞台中以左右兩邊嘅較為小型，均可容納最多七個人，雖則為搭枱制，但每組客人都會以透明膠板隔開，絕對符合抗疫衛生標準。二人被安排入座中央最大型嘅弧形鐵板區位置，小肥埋位即與「舊相識」嘅日藉美女廚神Ami-san相認，莫非這就是名小說家筆下「剛巧趕上了」嘅緣份？！每位席上都擺有自用嘅筷子、

過往，都食過好幾次日式鐵板燒，但就唔算多，一來日本菜都屬中上價嘅菜系，二來食有質素嘅鐵板燒確喺算高消費。今晚同多年老死豪一豪嚟到位處德己立街嘅「Crown Super Deluxe」嘆鐵板燒，聚一聚加暢談一番。唔嚟過「Crown Super Deluxe」都唔知日式鐵板燒雖然喺日式菜系，但都同美國有點淵源，受其影響下成長、發展。跟好多主打日式鐵板燒餐廳大不同，呢度嘅裝修就明顯走華麗嘅路線，深紫色地毡，襯橙金色嘅梳化櫈，加上燈光效果、少少節奏強勁嘅音樂，加上晌蘭桂芳一帶，客人以外藉人士居多，真喺有少少紙醉金迷嘅感覺。晌防疫方面，餐廳都做得好充足，枱上有支好似香水嘅嘢，其實喺噴霧式消毒酒精，而鐵板燒枱間隔主要喺以二人位為主，每兩個人位置就間咗塊超大膠板，客人都應該安心用餐。再者，鐵板爐嘅抽風採用下抽式，所以，基本上成晚都唔會見到咩油煙，更唔會食到一身氣味。 而枱上，除一貫日本餐廳般擺放嘅濕毛巾供抹手之外，濕紙巾下嘅喺口罩袋，而中間印有店名嘅唔喺餐巾，而喺圍裙，順提一帶，呢度除咗「賣環境」，仲有喺「賣服務」，店員本身嘅服務態度已好好，更會主動幫你推櫈，亦會幫你挷上圍裙，令人感到賓至如歸。 坐