癡膠雞 (軒尼詩道)

Open Now

Now Closed

經常途經此店，一早鎖定到訪。我們都點了招牌花膠雞湯，米線轉薯粉，友人那碗加十個大洋轉雞髀。雞湯醇厚順香，啖啖精華，好舒服。數塊花膠不算細塊，滑溜溜的，滿滿骨膠原！雞肉貌似扎實，其實就算不是雞髀亦奇滑無比，雞皮更透出濃濃雞味，極度的滋味！薯粉晶瑩剔透，跟蟲草花一滑一爽，超好食！兩款小食有明太子釀雞翼與及金磚豆腐。飽滿的雞翼釀有不少的明太子，鹹香油潤，雞皮香脆，蘸沙律醬食，大滿足！而金磚豆腐表皮酥脆之餘，落的味粉恰到好處，直接升鮮！最神級的是豆腐竟然水嫩得似豆腐花，太棒了！至於兩杯飲品卻是過淡，可以略過。戀上了，超凡雞湯！

Bookmark咗呢間癡膠雞好耐，一直都好想食呢到養生滋補嘅招牌花膠雞米線！聽講呢到嘅湯底係用咗超過30斤嘅雞肉、豬肉同鯊魚軟骨等等材料去精心熬製而成，用超親民嘅價錢就可以品嚐到美味嘅花膠雞湯啦～招牌花膠雞米線💰HK$68揀咗跟爐上，可以維持湯底嘅熱度！湯底甜美可口，有濃郁嘅雞肉鮮甜味！雞肉嫩滑，花膠軟爽，米線爽滑Q彈，仲有啲蟲草花同埋木耳增加成碗米線嘅口感～椰子雞米線💰HK$60同樣都係揀咗跟爐上！湯底完美地演繹咗椰子同雞湯嘅融合，除咗雞肉嘅鮮甜味之外，仲多咗一種椰子香氣，回甘持久～明太子釀雞翼(2隻)💰HK$40雞翼食落去啖啖都係肉，味道辣辣哋，配埋旁邊嘅沙律醬更惹味～蜜桃烏龍冷泡茶💰跟餐+HK$10係帶有淡淡蜜桃香味嘅烏龍茶～不得不說，餐廳座位闊落，店員親切友善～

平時放工都會係銅鑼灣附近搵野食最近天氣凍左特別想打邊爐於是諗起銅鑼灣-灣仔中間有間《癡膠雞》如果淨係想食麵，價錢都好平大部份飯麵平均只售$60左右但係真材實料，而且湯底幾好飲今次同男朋友一齊叫左一鍋齊齊食《癡膠雞 - $108/半隻》好多雞件同大大塊既花膠，好足料有雞髀、雞翼同雞胸等成個熱鍋份量剛好適合2人前熱鍋一直煲住，所以全程都可以飲住熱辣辣嘅老火雞湯🔥當中我地飲左好多老火雞湯先開始打邊爐lol特別一讚，姐姐見到湯底就快無會好主動無限增加！加分加分另外我地追加了幾款配料：米線($15)已經煮好的米線，另外送上可以直接加熱辣辣嘅老火雞湯食米線麵質唔淋有彈性份量亦都多，男朋友當然要食個麵感覺飽肚啲~美國牛頸脊($38)份量俾我地預期的多出面鋪可能只有4-6塊呢到大約有10塊而且係有牛味，加配呢款ok竹笙($28)感覺份量相對少左啲因為得4條，但size都長身打邊爐就岩曬，吸曬湯底精粹生菜($15)正常size，合理價錢，屬於新鮮爽口~明太子釀雞翼($20/隻)雞翼漲卜卜，多肉又多汁，好juicy餡料飽滿，一咬開啲汁有少少bit左出黎而且食得出多明味道雞肉又滑又煎得香口👍🏻2個人都係座卡

好耐之前已經試過癡膠雞嘅太子店，印象中食物質素都唔錯，最近發現原來佢喺灣仔都有分店，今日就一於拉埋個最識得滋陰養生嘅朋友一齊嚟試吓呢間癡膠雞。招牌菜就當然唔少得花膠雞湯米線，而呢度仲有好多小食可供選擇。我就比較簡單，一於試佢嘅招牌花膠雞米線，花膠雞湯呈奶白色，湯底非常鮮甜，仲有好多花膠同雞件喺面，呢個價錢真係非常超值。朋友就最鍾意滋補，佢話要有咁補得咁補，所以揀咗藥膳黃酒花膠雞米線，呢個加入咗藥膳黃酒，所以帶點微微嘅酒香，仲有蟲草花同黑木耳，絕對係養生自選。我鍾意佢呢度有好多唔同嘅小食選擇，所以都叫咗幾款小食開心share。首先揀咗黑椒薯仔牛柳粒，佢嘅調味相當之出色，有黑椒味之餘仲帶點甜甜嘅蜜糖味，而且份量都唔少，如果唔係已經叫咗米線的話，我真係會舉手要多碗白飯。金磚豆腐係其中一道我成日都會叫嘅菜式，而呢度嘅金磚豆腐製作都唔錯，外皮薄而脆，入面嘅豆腐非常滑而有豆香，調味亦恰到好處，絕對值得推介！而呢個明太子釀雞翼就啖啖肉，不過我都係鍾意佢哋其他小食多啲。食咗咁多肉，當然要叫返個蔬菜類，手拍青瓜夠清爽，可以中和炸物嘅油膩感。飲品有跟餐㗎，鹹檸梳打同柚子蜜都只係$18，飲完梳打真係透心涼。

食花膠夠晒滋補養顏，不過都覺得個價錢會比較貴，見呢到主打花膠雞系列米線，仲要個價錢唔算貴，吸引到我過黎食下😆今次落ORDER叫左 招牌花膠雞米線($68)、沙薑雞酸辣粉($48)、明太子釀雞翼($20/每隻)*2、金磚豆腐($32)、羅白牛腩($42)、椒鹽粟米($32)、柚子梳打(跟餐+$18)、蜜桃烏龍冷泡茶(跟餐+$10)裡面仲有D人手繪製卡通插圖，又畫得唔錯😉沙薑雞酸辣粉：呢個沙薑雞又整得幾好味，雞肉夠滑，沙薑味道濃淡度啱啱好，食落好惹味😋有D餐廳個沙薑醬太鹹，搞到要係咁飲水先得😰至於個辣酸粉愈食愈惹味，有花生、酸菜、雲耳、莞茜等配料，我朋友勁中意食😋招牌花膠雞米線：為左食花膠而來，當然必叫招牌花膠雞米線食下😍佢係好似火鍋咁樣上碗花膠雞米線，下面位置點著火，咁就保持到成碗夠熱。先飲一飲啖湯，幾滋潤鮮甜，清雞湯味帶點花膠甜味，到後期D再飲，會覺得味道更加濃郁🥰雞件數量都唔少，而且都好嫩滑唔會鞋口，花膠食落有口感🤤金磚豆腐：呢碟小食超好食，份量比想像中多，一口一粒夠晒方便，外脆內軟，而且食落唔會太油膩🥰椒鹽粟米：將粟米條切好左一片片咁放上碟，本身粟米嘅香甜配以椒鹽調味，味道又幾特別