金鶴拉麵 (利民大廈)

Open Now

Now Closed

難得可以有自己 Metime,今日好想食拉麵🍜去咗旺角通菜街嘅 金鶴拉麵 我叫左個呢度最出名嘅店長推介 ：💛極濃雞白湯拉麵💛呢個湯底超級超級濃郁，見佢寫係用咗原隻雞烹煮8小時以上，精華係天然嘅骨膠原，啱曬想要保養美顏嘅我🥰主要材料有 2 件慢煮雞肉+ 1 大塊豚肉叉燒，肉質好嫩滑，仲有好鍾意佢地配嘅炸牛蒡👍🏻仲叫左2 款串燒/小食：💛黑椒牛舌串💛💛明太子雞翼💛我係超級鍾意食牛舌同雞翼，呢2 款小食都冇得輸，牛舌燒到好香食落又好juicy，雞翼皮脆卜卜，裡面充滿住明太子，辣辣哋好過癮。好鍾意呢度D座位好闊落坐得好舒服，因為之前去過啲拉麵店相對啲座位係好迫，三五知己同朋友嚟食吓野吹吓水都幾啱。另外我臨走買單仲聽到有兩個客人嚟挑戰大胃王比賽，原來呢度會定期舉行大胃王挑戰，不過係要預約的。

去過北角分店食 味道優質 所以今次同友人黎旺角行過見到就決定入去食😋拉麵店每隔一段時間就會有期間限定既拉麵供選擇 今期有聽過朋友講系牛骨湯 想試下 可惜佢話準備換 所以無得揀了最後揀左人氣之選-🦀湯拉麵 湯底相對雞白湯杰啲 然後有一團蟹肉系中間 岩哂吾鐘意拆蟹既朋友 一啖拉麵一啖蟹肉 正😎配菜既荀好爽口 溏沁蛋個火候剛剛好 優質朋友叫左 極濃雞白湯拉麵 湯底相對比較清 好有雞味🫣 應該煮左好耐 配菜有炸牛蒡 湯以上既都脆身 但咬既時候有啲痴牙😶🤔 然後我地叫左一份小食 - 明太子雞翼顏色吸引 脹卜卜 入面包左好大舊明太子 好抵食 $48有兩隻整體味道好好 鐘情清少少既朋友可以揀雞白湯 鐘意重口味少少既就可以試下佢既蟹湯😚食完之後有少許熱 第一次黎食既朋友可以join會員 即送100分 咁就可以有杯可樂降下溫啦除左堂食 佢仲有得外賣自取😆😆 準備下次想試佢既鰻魚飯😎望落好吸引

之前食過中環店，覺得幾好味，見佢喺旺角開左新店，就去支持下。我放工去到，諗住6點半都算早，入到去見到原來已經有好多人食緊，睇黎旺角店都幾旺～拉麵店一貫黑色風格，有一排2人座位，另一邊有多人卡位，人多人少黎食都無問題。如果唔想堂食, 都可以外賣自取。北海道。蟹湯拉麵 $138我鍾意食呢碗拉麵，湯底用上北海道直送花咲蟹湯，厚滑濃郁而不油膩，邊食麵邊飲湯，個人暖粒粒。拉麵有一大堆蟹肉喺中間，仲有一大塊叉燒，加上半隻唐心蛋和兩大塊紫菜，成碗麵食晒其實係好飽肚架！鹽味拉麵 $88呢個湯底比蟹湯拉麵清，用上北海道函館鹽味湯底配鰹魚高湯。如果想要個溫和啲既湯底，呢款鹽味拉麵係一個唔錯既選擇。拉麵有一大塊叉燒，仲有兩塊雞肉，半隻唐心蛋和兩大塊紫菜，好豐富！明太子雞翼 $48雞翼燒烤得香噴噴，入面既明太子辣辣地，幾野味。