金鶴拉麵 (利民大廈)

Open Now

Now Closed

天氣凍，諗住食碗拉麵暖一下。叫咗雞白湯拉麵，平身怕叫濃厚會太咸頂唔順😓（之前食第二間試過）等咗一段時間，餃子都食晒，碗拉麵都未到。心諗應該人多，未煮到姐，等多陣🙂OK，過多陣碗麵終於到，咁就當然係試啖湯先。😳😳😳個 湯 凍 嘅？個 味 咁 淡 嘅？😳😳😳只可以話同之前食過嘅雞白湯有啲唔同。呢碗食落成口cream咁，口感偏薄同淡，唔係好啱我口味。碗麵唔係好咸，但食完有啲口乾。見佢好多客人都有join membership，可能咁樣先留得住客啦🙂‍↕️🙂‍↕️不過本人就唔會再去食啦。

今晚朋友帶我去吃這間拉麵，超好吃的，已經成為我嚟旺角的必推美食！🍜朋友在佐敦吃過很多次，知道這邊有分店，今晚特地帶我來吃，順便在旺角逛街。店在T.O.P. 附近，加上是地舖，好方便。晚上大約7:30到，不用等太耐便可以入座。環境及燈光都舒服，光線不會太暗，打卡拍照都輕易影到靚相。我叫了本店最受歡迎的「雞白湯拉麵」，有兩塊雞肉和一塊豚肉，個人更喜歡雞肉的味道，似是慢煮而成的口感，很好吃。其他食材的調味也是非常恰當，加上雞白湯非常好飲，不會像其他拉麵湯底那樣太咸、太濃、有味精、多油。邊吃邊飲拉麵湯真是第一次，吃完沒有口乾口渴口咸，也不會有油膩飽滯的不舒服，大推大家去試這個拉麵！朋友叫了黑蒜醬油拉麵，她表示是每次必點的超好味。如果這間店的雞湯不會油膩咸重，大概黑蒜油也十分值得嘗試，會下次試試看。本來只抱著試試看的心，沒有打算做會員。但試了幾口已經超滿意，肯定會再帶朋友來吃，所以已經即刻申請做會員，用100分換支可樂飲。消費$1=1分，100分已經有可樂或者溫泉蛋送，1000分已經可以換一碗雞白湯拉麵，算是很易有獎賞。

除咗一蘭，無諗過仲有拉麵店係開到咁夜！夜晚11點係旺角，好多食肆都已經閂門朋友話有拉麵店未收！我就半信半疑咁去到🫣🫣原來香港人有夜繽紛😬😬香港嘅拉麵店林立，而家普遍水準都好好但專門做雞白湯湯底嘅真心唔多😶‍🌫️😶‍🌫️今次試咗個招牌嘅特濃雞白湯拉麵，鍾意佢有得揀細分量！岩晒胃口唔大嘅人，唔怕食淨野啦😎😎雞白湯質感好厚但唔會好膩，有嘅忌廉嘅感覺😋😋特別一讚佢個炸牛蒡好好味！但要襯佢未淋就食🤣🤣拉麵嘅雞肉同叉燒都係合符水準，保持到軟嫩嘅感覺😁除咗拉麵仲有串燒叫，朋友叫咗串雞肝，唔會太腥唔錯唔錯😆我就叫咗豬腩肉，肥瘦均勻，調味適當！深夜係旺角唔知食咩？可以去食碗拉麵😬😬👍🏻

當金鶴仲响土瓜灣嘅時候，我已經想去食，但當想去嘅時候佢已經執左，而其他分店又比較遠費事去。如事者唔知到幾時，旺角又開左間分店，我都係近排先赫然發現。見咁近，去試試啦。《雞🐔白湯拉麵🍜》如果我冇記錯，早响而家一間响歌賦街嘅神店賣炸牛蒡配雞🐔白湯拉麵之前，呢間金鶴已經做緊。所以，炸牛蒡先至係最大特色。香味 (3.5/5) - 唔算十分香，可能因為本身雞白湯香味並唔強烈，所以就咁聞，香氣係欠奉。聞到主要係炸牛蒡陣炸油味。湯頭 (2.5/5) - 如果你認同，「雞白湯雞味一定要濃」呢句說話，咁你就會有所失望。呢碗湯嘅雞味本身係比較淡，我明白呢度有另一款更貴嘅選擇，叫《極濃。雞🐔白湯拉麵🍜》，但如果你話，要加40蚊叫碗極濃，個湯先有足夠雞味嘅話，我就覺得一開始就唔好做個普通版啦。老老實實，個湯其實係幾順滑嘅，甜度夠，鹹度偏低（啱我口味），只不過叫得雞白湯，我對雞味嘅存在感有一定預期，所以係有d失望。麵條 (3/5) - 目測係中細麵，直身，偏白，小麥味算有，掛呢款湯ok，不過不失啦。配料 (4/5) - 雖然香味，湯，同麵條都唔係高分，不過配料我認為有貨交。先講配料中嘅主角，雞叉燒。雞叉燒用嘅部

第一印象，大熱天時先上熱茶，真心唔太好，心想：唔好因為杯熱茶就扣分。先講拉麵，湯底唔似足本雞白湯，似加奶或忌廉雞湯嘅方式令湯較濃。麵方面明顯煮過頭，屬傳統茶記常見嘅程度。以拉麵而言，在拉麵店林立的旺角區絕對排在底層，唯有擺盤一項達一流水準外，只能歸類作港式茶記拉麵。唯一有驚喜的係套餐炸雞，能算是平均以上。以呢個水準，其實可以專心做炸雞。以份量及質素，套餐價格在90以內比較合理，不過近百四一碗嘅茶記拉麵，加20轉套餐，埋單至知仲有加一。茶記拉麵收米芝蓮星級價格，唔太可能幫襯第二次。整體來說好難想像呢種低水準可以有咁多好評。

呢個價位食到呢個水準嘅雞白湯拉麵真係一言難盡炸牛蒡有種油溢味跟著雞肉又有種腥味、叉燒偏乾偏硬唯一嗰半隻溏心蛋味道係正常發揮同樣價位係香港可以食到更好嘅選擇冇下次

叫咗最貴嗰個雞白湯拉麵, 完全唔熱！都唔知點食！一碗湯麵如果連個湯都唔熱！！就真係好難食！個面底,用膠袋包住嗰啲！完全唔專業！啲雞肉凍冰冰！仲有個蟹肉湯麵, 都係唔夠熱！都唔知點解日本拉麵可以煮到好似冷麵咁!

已經第二次嚟食雞白湯拉麵 會得頭嘅拉麵都有返咁上下吸引力😆😆一個湯底係拉麵嘅靈魂 湯底唔好飲，基本上成個拉麵都可以唔使食 而呢個雞白湯係非常之濃郁，而且好濃雞味食晒個拉麵都忍唔住飲多啖湯 但係飲完都唔會話非常口渴而且個蛋都一定係流心蛋🤤 有幾塊雞胸都幾滑總括嚟講一碗拉麵咁樣質素都算中上 而且佢全港有好多間分店 隨時想去食都得

非常感謝朋友介紹搵到一間好好食嘅拉麵，因為早早收工，人哋一開舖6:00我哋就入去，佢之前仲有買咗OpenRice discount coupon變咗有九折，座位不會太迫，大概20個位左右叫咗兩個拉麵一個係極濃雞白湯拉麵、一個係限定版的龍蝦湯拉麵王牌雞白湯濃郁不油膩，幾乎可以飲晒成碗湯，配料亦都足夠，口感十足！龍蝦湯龍蝦味夠，呢個好緊要，因為好多時標榜龍蝦湯但是實唔夠味，fusion味重值得一試！推介！！！

Nice soup, side dishes. But not the chicken and pork, they were not seasoned. Service was under evaluation, the waiter forgot my order to omit onion, but he forgot and told his chef that the customer missed to tell him.The sausage was the best dish. Very juicy and yummy! 🤤🐖

近排喺旺角嗰邊返工，發現到呢間拉麵做緊午市優惠，最平$58就可以食一碗叉燒拉麵，而且質素仲有係唔差嘅。第一次就嗌咗碗豚骨湯拉麵，照去佢個app度登記咗會員就可以即刻送埋一杯嘢飲或者糖心蛋，咁多嘢計埋都只係$58。本身對呢個價位嘅拉麵就冇話太大期望嘅，所以上到嚟嘅時候都有少少俾佢surprise到。試咗佢個湯底的確係幾濃郁嘅，面嘅軟硬都係適合。Overall嚟講都算係高過average嘅水準。所以自然第二次都有返去試，呢次就試咗個炸豬扒咖喱湯底拉麵，豬扒炸得幾好，湯底同埋個麵都有上次嘅水準。 如果大家lunch諗唔到食咩歡迎去試下

無意中發現到嘅拉麵 超高質！夠濃郁又可以清碗～唔知大家有冇喺出邊食過其他拉麵係就好濃郁但個湯底嘅texture 實在係太膩太重味 飲幾啖湯就夠皮‣ 呢間主打極濃•雞白湯 啱啱好嘅口感 一啲都唔油膩！#空碗無問題 👍🏻➊ 北海道蟹湯拉麵🦀勁多蟹膏喺面 湯底非常香濃 好鮮味 ➋ 🌶️香辣豚骨湯拉麵辣油一啲都唔膩 配上豚骨湯 真係好正 飲完一啖又想再飲多啖嘅湯底!!!叉燒/雞肉非常嫩口亦唔肥 糖心蛋啱啱好完美流心🍳➌ 串燒 ( 黑椒牛舌 / 雞腎 ) 有少少對比下去 比較韌咗少少 同埋好薄身➍ #一番搾り #KIRIN 🍻新會員加$10就有得飲 draft beer!!! 旺角分店都開得比較夜到凌晨兩點夜晚去飲返個熱湯啤一啤好爽🍺下午茶14:30-1600同晚上20:30-02:00 仲有八折～大概有五間分店行會員制度，每次食都可以儲分，之後用嚟換返一啲小食或者飲品😋

好耐冇寫本地食評， 因為成日飛左今日旺角睇完醫生，行過先達見到呢間拉麵做緊午市特價， 就試下啦⋯⋯叫咗碗香辣豚骨拉麵，豚湯濃郁冇味精木耳絲夠爽口，拉麵夠粗夠掛湯兩塊叉燒都夠大嚿，淨係唔夠肥，乾左啲即刻下載加入成會員，送100分可以兌換糖心蛋， 免費都煮得咁靚， 值得一讚。另外，要多多讚嘅係服務態度！ 食得拉麵都預咗冇服務， 自己斟茶自己飲估唔到坐低即刻有熱茶飲，唔夠半杯，就已經再幫我refill，好細心。下次要試濃湯白雞拉麵！

第一次嚟依間 之前上網睇左好多食評因為我本人鍾意食麵多過食飯🤣 所以好多都係食麵網上啲評價都好壞參半 抱住開盲盒嘅心態去試 但又唔係差😂有驚喜我同朋友都係蟹湯 $138 我掙扎左好耐蟹定雞🫣🫣因為雞湯好飲真係好少但蟹就一定穩陣 少有伏😂經過之前一次雞湯嘅陰影 我都係揀左蟹😂😂😂😂 下次我會鼓起勇氣試雞湯😂一上枱 個湯好白🫣🫣一食好有驚喜 好滑又濃又唔會太咸 麵底算合格唔會太淋身 麵叫掛到湯但啲木耳真係多到傻😨食極都有 我都撩左半匙出嚟 真係太多 我頂唔順🫠🫠🫠個湯暖(◐‿◑)如果可以再熱啲就好啦啦啦～～本身個湯幾濃 所以會有啲漏 最好食完飲返杯茶小食叫左有牛舌，五花腩，明太子雞翼 無咩特別 正常嘢～😂錢都唔記得

今日到訪依家別緻嘅拉麵店。這家店位於旺中帶靜的通菜街。店的裝修滿有日本feel, 座位也不會好擠擁。雖然這間是拉麵店，但這裏也有鰻魚飯供應。拉麵嘅湯底除咗基本嘅醬油湯以外還有主打嘅雞白湯、龍蝦湯和蟹湯等等，價格由$138至$198。極濃龍蝦湯拉麵$138（不加配龍蝦尾）這拉麵的龍蝦湯真係幾正，湯汁味道濃郁，口感香滑，有濃濃的龍蝦鮮味，味道鮮甜。叉燒是薄切，肉質軟嫩，半肥瘦。而溏心旦是醬油漬的，口感creamy 帶醬油味；而那拉麵十分軟滑，掛湯力也不錯。朋友點的鳗魚飯幾正$238，但忘記拍照。雖然製作需時，但是物有所值。鰻魚是厚切，即點即燒的，鰻魚口感具彈性，加上甜度剛剛好的醬油，帶些焦香，配上鳗魚汁白飯，正！