鱈卵屋 (Closed)

說起高質素於銅鑼灣的日式餐廳，鱈卵屋當然是其中一間。今天晚上，跟朋友又去了鱈卵屋再吃各款明太子美食。餐廳面積不大，桌子與桌子間的距離很近，但環境整潔、企理。服務不錯，員工要做的也有做到，而員工說話有禮，要是必須找地方去挑剔的話，只可說上菜速度較慢，需時約20分鐘。但我認為要為是次晚餐的食物質素去等15分鐘是絕對值得的。我們這次點了明太子蛋捲、明太汁燒雞翼、罐頭吞拿魚 x 明太蛋黃醬配麵包及明太香蒜辣醬烏冬。先談明太子蛋捲，蛋捲雞蛋味濃郁，且軟滑，內裡包入明太子，味道十分配合，而明太子味不太鹹，且有微鹹香，不會有腥臭味，故好評🐠而明太汁燒雞翼也屬推薦之一，雞翼燒得恰到好處，雖明太子味不突出，但帶微辣，故我和朋友也吃得津津有味😋把罐頭吞拿魚 x 明太蛋黃醬直接淘上麵包上，以為吞拿魚醬會把明太子味完全搶去，但仍吃到淡淡明太子的鮮味。把醬塗到麵包上，比直接一匙吃該醬更好吃！而且我們把吃剩的醬用作配白飯也是一流🤭最後，明太香蒜辣醬烏冬，味道有點辣，而辣味不會搶去明太子味，使同一時間也會吃到兩個味道，而且明太子量也不少，故想吃一點飽肚的食物，仍可一選🍝

話說表弟多謝我介紹份新工比佢 要請我食飯咁話，餐廳由佢發板，就揀左呢間鱈卵屋。本人絕對懷疑佢係假公濟私，搵我黎做藉口去試新野。鱈卵屋既位置都幾方便，地鐵站一出三分鐘就到，選址方面值得一讚，方便我呢d路痴覓食。由於我地book左位既關係，所以唔洗等位，侍應仲預留左靠窗位比我地，可以一覽銅鑼灣既夜景。餐具擺設都什具日式風味。打開menu既第一頁 就可以睇到鱈卵屋既簡介，唔好睇小每間餐廳背後既使命。估唔到可以用明太子烹調出咁多種類既食物，真係想今晚就黎個明太子全席，各黎一碟！先上既係號稱黎鱈卵屋必先黎一碟既極上明太子，我地就揀左雙拼 原味加燒明太子。原味明太子可以完完全全地食到明太子如海水般既鹹香味。但本人更鐘意燒明太子，外層燒到有小小脆，帶小小煙燻既感覺，味道微辣，整體味道層次更高。明太汁燒雞翼，用明太子調成既汁塗成雞翼再燒烤。雞翼開半，味道更入味，雞翼燒得呈金黃色， 難得地仲保留肉汁，唔會太乾身。食落同樣有小小辣，十分惹味。鬆軟明太子上灌湯蛋卷。初睇表面，以為係普通既玉子卷，點知夾起一睇，中間填滿明太子，可以一次過食到明太子微鹹既鮮味同蛋既甜香，果然係人氣no.1。筷子一夾 明太子多到滿

如果你係明太子迷嘅話就一定要黎試下呢間係銅鑼灣嘅日本餐廳因為你會見到成個餐牌都係明太子今日就同個朋友上咗黎食明太汁燒雞翼 $65首先叫咗有個前菜係明太汁燒雞翼真係夠特別 我諗出面都好難食得到食起上黎好野味 啲雞翼好入味配埋檸檬汁總和下 個味道就更加正！鬆軟明太子上灌湯蛋卷 $78然後就到小食嘅環節啦見到呢個蛋卷真係認唔到好想快啲食入面啲餡係明太子 而且啲蛋溝咗啲蔥落去整顯得格外香蛋卷口感都拿捏得適中 較為嫩滑牛油果吞拿魚刺身辣味沙律 $94呢個沙律呢 係就係好食 但係個價錢有啲貴而且入面啲吞拿魚刺身份量都唔多 性價比偏低但係味道上面 吞拿魚刺身同牛油果配合得好好火炙三文魚鱈卵碗 $138之後到主菜啦 就係本店最出名嘅鱈卵碗有好多刺身選擇 最後我揀咗火炙三文魚我貪佢火炙三文魚比起鮮三文魚多咗陣香味啲三文魚都算新鮮 成兜野撈埋一起食真係好幸福三文魚山葵明太 $68點解突然間又呢個呢 因為我地一早叫咗但係原來我地食完主菜先上其實係三文魚刺身加埋明太子同山葵撈埋一齊個味道好工鼻 而且明太子應該落得太多 搞到少少偏鹹明太子同山葵嘅味道有啲搶曬三文魚嘅味道 完全食唔出三文魚嘅鮮味 呢個感覺配合得唔

最近食了多餐日本菜，今晚食飯，朋友說想食日本菜。不太想又食刺身、壽司、拉麵等日菜，上網找到間號稱全港首間日式明太子主題餐廳- 鱈卵屋。明太子其實是鱈魚卵，始創於1950年代，再經過多年時研製改進， 演變出各式各樣的明太子創作料理。 餐廳雖然是樓上舖，但環境舒適寬敞，裝潢走歐日格調，還播著輕快的爵士音樂，打破傳統日式料理店框框，別樹一格。 餐牌選舉眾多，由小食、主菜均配有明太子成份，感覺新鮮，定位獨特，應可吸納一班喜歡明太子料理的常客，可在香港市場有所作為。

最近於網上發現一間以明太子為主的餐廳，相當吸引，決定一試！所說的就是位於銅鑼灣的"鱈卵屋"，準時剛開鋪的時候到達，所以很快便有位置可以安坐。博多芝麻醬油甘魚($88)前菜點了這個油甘魚，餐牌說這是"博多名物"，便試試到底有多厲害。單看份量，有相當多片油甘魚，大概有7－8片，而每片油甘魚都平均地沾上芝麻醬。細嚐一片油甘魚，先吃到芝麻的香味，然後吃到油甘魚的鮮甜甘香，比起平常的油甘魚，芝麻醬的出現更能彰顯魚的鮮，別有一番風味，更會令人一吃停不下來。明太汁燒雞翼($65)另一前菜是雞翼，雖然是五件，但五件均是單骨的雞翼，故比想像中的少。還是要試試味道見真章！雞翼腌好然後燒，明太汁鹹與辣之間平衡得好，雞翼的肉汁保留之餘更明太汁的味道更是惹味。三文魚鱈卵碗($98)這裡的鱈卵碗用上大量的明太子，有兩種份量可以挑戰，有大碗（大概二人份）則$138，而這次選了一人的份量試試，鱈卵碗由蛋絲、竹筍粒、明太子組成，明太子的份量是相當慷慨，一大排呢，然後配搭不同的食材，這次選了三文魚，竹筍粒可以變為四季豆。把碗內的材料攪拌起來，然後直接食用，竹筍的爽口為整碗增添口感，而明太子與三文魚的味道互相配合，三文魚肥

忙完手頭上既Job,和同事係銅鑼灣食晚餐。平日lunch都已經周圍搵食，差不多間間地鋪都食過晒，同事話有一間樓上鋪佢好有興趣，就係咁，傻頭傻腦跟住同事走入永光商業大廈14樓 ～位於14樓的 鱈卵屋 (講白Ｄ就係專食明太子既餐廳 ）。話說隨了明太子意粉，明太子串燒，就很少食用明太子製成的食物，難得可以 "參觀＂ 明太子既屋企，當然要試多少少啦 ~~~~~~~~~~~~~~~~~~~~~~~~~~~~~~~明太汁燒雞翼 賣相:7.5分香氣:8.5分味道:9.5分質感:9分雞翼用明太子汁既精華醃製而成，經過慢慢燒製，為雞翼帶來破格創新既味道。取代了其他調味料，透過明太子醃製，咸香帶點辣味的明太子味道透入單骨雞翼裡頭，無論裡外都充滿住明太子的味道，辣味，咸味，配上檸檬汁的滋潤，最佳的佐酒小食就此誕生！雞翼是我既心頭好，尤其係單骨雞翼，可以痛痛快快地品嚐，不像原隻雞中翼般要顧著儀態，不但要小心翼翼地食,更害怕吃不乾淨浪費了雞肉，單骨雞翼就有它的好處。從前，愛上Greyhound Cafe的脆炸單骨雞翼，炸至金黃色，香脆的口感。但更愛的是明太子雞翼，因為它不經油炸，而是慢慢燒製，沒有