Orange Elephant Thai Restaurant (啟德道)

Open Now

Now Closed

放工又去九龍城搵野食 今次係比佢嘅每日$1 menu吸引而嚟😍▫️$1明爐烏頭😳 (原價$169)星期一有$1明爐烏頭！熱辣辣既泰式酸辣湯超開胃🧡魚肉嫩滑入味 底下仲有好多茹 超足料 ⠀▫️泰式拼盤($145)蝦餅、春卷、魚餅、香葉包雞次次食泰國野都想食D香口野 叫個拼盤share食就岩哂😋 蝦餅最香口，香葉包雞有驚喜，平時食都乾爭爭，但依個又岩岩好👍🏻⠀▫️泰皇咖哩炒大頭蝦($182)2隻大頭蝦啖啖肉超大隻🦐 咖哩甜甜地配薄餅一流🤤⠀▫️椰青($42)&芒果冰($36)⠀

星期一去九龍城食泰國菜，最好就係去橙象，因為佢有每日$1菜色，而星期一有明爐烏頭揀，正價$162架，今日非常抵食！所以一坐底即刻叫條烏頭先。上菜時好大條魚，張枱都無咩位啦，睇住啲水慢慢滾起，忍唔住夾下佢面頭既配菜，其中佢既肉碎我最鍾意食，酸酸香香入曬味。等佢滾起時終於有得食，烏頭夠曬肥美，食落啖啖肉仲好入味，烏頭同呢種泰式青檸味真係好夾，唔會淨係得啲汁有味，而係滲曬入啲魚肉入面。除左魚肉，仲有大量配菜，肉碎份量都幾多食極都仲有，食到咁上下會飄曬去魚尾位置就夾到好多黎食，仲有啲煮到淋曬又索曬味既椰菜，夾夾下應該有一碗既份量，又有冬菇，仲見成條香茅成塊檸檬葉⋯⋯睇到真係落足料架！燒左一陣開始乾，唔緊要因為佢仲配一碗湯汁可以繼續淋上去享用，好細心。每次食泰菜都唔少得串燒，今次都叫左半打豬牛雞，每舊肉都好大粒唔會有食完未滿足既感覺。上菜時熱辣辣，係串燒既應有元素。當有好多樣野想食時最好就係叫個併盤，佢既小食併盤有蝦餅，炸得夠脆之餘唔會太乾，仲保持蝦肉彈牙，點埋泰式辣醬就最夾、春卷係咖哩粉絲味，上菜時太熱食唔到，要放一陣先食到但仍然好香脆、魚餅我覺得最好食，好足料有口感，應該加左啲馬蹄，佢既味道

星期六日放完假，又到星期一努力番工既日子。今日就約左朋友去出名多泰國菜餐廳既地方，就係九龍城啦！去到餐廳，一坐低當然要叫番杯泰國特飲珍多冰飲下，杯珍多冰裡面有我最鐘意既班蘭葉做既糯米條，口感煙un，又好好飲👍🏻 原來呢間餐廳每個星期都有$1優惠，每日都有指定唔同款式既$1優惠，今日星期一有$1泰式明爐烏頭魚，$1一條魚咁平當然唔可以錯過啦，上菜既時候有個魚形既盤上，用爐助熱條魚，仲有碗湯比你加落去，食既時候要小心D，因為都多魚骨，開頭食落都好滑，但可能因為一直助熱住既關係，時間耐左D魚肉口感就變鞋，但條魚整體都好食👍🏻我地仲叫左個炭燒牛肋骨同香葉辣豬肉碎炒飯，個牛肋骨好香，薄薄地幾入味，個炒飯賣相好靚，我都食左兩轉，香葉味重，仲辣辣地，好好味 😋

九龍城一向都好多泰國菜可以選擇，橙象係眾多之中出色、環境又坐得舒服！我最推介大家星期一嚟食，因為$1優惠係超大份又扺食嘅明爐烏頭啊😍成條烏頭上，啖啖肉，加埋菜、豬肉等等配料，非常推介。泰式豬頸肉撈金邊粉 - 豬頸肉出色！金邊粉加上特製醬汁，非常醒胃！椰汁青咖哩雞 - 青咖哩一直係我最喜愛泰國菜，橙象嘅青咖哩辣度剛剛好，好香濃咖哩味，食晒成碗飯啊！飲品選擇多，我們選擇咗鹹檸雪碧跟特選椰青，椰青好大一個，很多椰子肉！

九龍城多野食就係人都知，不過對有選擇困難既人黎講太多選擇都未必係件好事。今日同朋友想食下泰國菜，行過呢間orange elephant 就比佢個$1明爐烏頭吸引左。呢間餐廳每一日都有唔同既$1優惠，可以話係日日精彩，詳情如下;星期一 $1明爐烏頭星期二 $1香茅豬扒星期三 $1鳳爪沙律星期四 $1飛天通菜星期五 $1炸蝦餅星期六 $1啤酒星期日 $1黃咖喱雞同朋友二個人食，叫咗兩個餸一個飯，分別係一蚊明爐烏頭，炭燒牛肋骨同埋原個菠蘿海鮮焗飯。先上炭燒牛肋骨，呢間餐廳燒個時間岩岩好，既能鎖住肉汁，又唔會話煮到過熟，再點埋個泰式辣醬，唔會食到好滯。之後上既原個菠蘿海鮮焗飯，賣相好靚令人食慾大增，食材都好豐富，海鮮配料有蝦有魷魚仲有青口添，仲有粒粒菠蘿都好鮮甜。佢腰果同肉鬆會分開上，岩晒我呢啲揀飲擇食既人。最後講下條烏頭，本身以為賣$1咁平會偷工減料，點知原來都用料充足。有好多配料，味道酸酸地咁令人愈食愈想食，再附上一碗湯，根據個人口味可以自行加湯，非常細心。條魚份量都唔小，無腥味之餘仲幾有魚甘香。我覺得食得泰國野，椰汁冰係必點之選，呢度既椰汁冰夠晒椰香，無加好多水溝淡晒。朋友叫左芒果冰特飲

今日做孝順女 帶媽咪去九龍城食泰國菜👩‍👧☺️ 話明孝順女 我梗係一早已經上定openrice做功課 揀咗呢間orange elephant同媽咪食！環境都幾闊落！仲要食得抵啲嘅話就好似我咁揀星期一去食😝 因為有$1 明爐烏頭😏😏😏 （其實佢每日都有一款$1 嘅食物做promotion，例如蝦餅 黃咖喱雞，不過我就覺得明爐烏頭最抵啦！😏)$1 明爐烏頭😏雖然係promotion 但都足足有成條魚 童叟無欺wo😯 烏頭食落好鮮甜 魚肉一啲都唔霉！加埋個湯底酸酸甜甜 好開胃！配菜其實仲有秀珍菇同好多肉碎 媽咪大讚好味又抵😋😋泰王咖喱炒大蝦🍤成個盤勁大碟咖哩😂😂😂 味道會甜甜地 唔太辣😛 大蝦總共有兩隻 size適中 未算jumbo size😛 餐廳好貼心咁幫你分埋頭身 方便食用😛 不過兩隻真係唔夠喉😣🤤 最好點埋薄餅食咖哩😛泰式滷水豬髀焗粉絲煲我唔俾佢夜晚食飯 佢就話要食粉絲煲😂😂 滷水豬髀滷都好腍 夠哂入味！除咗滷水 餐廳仲落咗啲泰式香料 類似香茅芹菜 味道好特別😯 粉絲有勁多👍👍👍 食到我哋飽晒😛😆椰青成日都有得飲 所以我地今晚就要左泰國生啤同芒果冰特飲試下 芒果味道都唔錯 不過冰有啲多

每次去九龍城都會見到呢間店，白色既招牌特別sharp，今次特意黎試吓，順便去隔離買啲泰國香料~入面裝修用咗橙色做主調，當然唔少得招牌象啦！感覺舒適~呢度一星期7日都有特價1蚊嘅菜式，而我地星期一嚟剛好係明爐烏頭，$1真係好抵! 睇返menu平時點要$162㗎~ 眼見應該每一檯都有點！ 雖然係$1但烏頭都唔細條，又無泥味~仲加左好多肉碎、香芹、椰菜、蔥，喺魚上面幾乎遮住曬條魚，味道方面因為有酸梅，酸酸地特別開胃。店員仲附上一碗湯，可以自行添加~ 食泰國菜當然離不開咖喱。今次點咗泰皇咖喱大蝦，一客2隻，無諗到咁大碟，咖喱汁完全遮蓋左大蝦~汁內加左洋蔥、青椒，仲有蛋花，味道唔係偏辣果種，但口感幾豐富。如果唔係一開始時點左原個菠蘿焗飯，一定會叫份薄餅/白飯清一吓d咖喱汁~蝦大隻之餘，仲好鮮味彈牙。至於菠蘿焗飯用料都幾足，飯入面加左臘腸、菠蘿，上面鋪上蝦、魷魚、青口、腰果，仲有我最愛既肉鬆吖！甜甜地又香，增加層次口感~老公點左芒果汁特飲，佢話好香好fresh~ 我就點左熱飲既龍眼茶，滋潤順喉！走既時候差不多9點有人等位入座，原來等宵夜7折！　

有晚媽媽唔想煮飯，去咗九龍城食泰菜，見佢裝修唔錯，坐得舒服啲就入咗去喇！前菜叫咗生蝦刺身，一碟有六隻，幾新鮮又大隻，醬汁清清地小辣，都幾開胃。炸蝦餅麻麻地，個蝦唔夠彈牙，外表唔夠脆。明爐烏頭有大量配菜加肉碎，味道算香，但係條魚略嫌太細，魚肉有少少腥，整體一般。燒豬頸肉份量足，賣相唔錯。可能風口太大攤凍左，食落唔夠香脆！全晚最有水準係依碟馬拉盞炒通菜，足料有鑊氣，唔辣，小朋友都岩食。總結依間泰菜比起其他九龍城菜館偏貴，味道中中挺挺，但地方較大適合大夥兒聚會！