Yau Veggie Bistro

Open Now

Now Closed

朋友鍾意食素食，荃灣大部分素食都食過，係紗廠搵到間素食主打法國菜，幾特別，所以黎支持下🙌🏻 餐廳走外國舊式西餐廳風格，播住一啲經典音樂🎶，幾悠閒寫意😌🤎Set Lunch 3 Course $188/ 2 Course $158▪️尼斯沙律🥗沙律份量好大，食完都飽左一半🙈用上純植物吞拿魚、蛋、薯仔、串茄等等嘅材料，材料豐富▪️經典核桃沙律核桃沙律配上洋蔥、西芹、黑醋汁等，酸酸甜甜，清新開胃▪️卡蘇萊砂鍋 🍲+$30呢一款係法式嘅地道風味菜，主要以白豆製成，煮至口感綿密，另有素香腸同素油封鴨髀，口感真係好似食緊肉一樣，但又唔會有油膩同飽滯感▪️洛林鹹批🥧我地成枱都覺得呢個最好食😋同樣係法式鄉土料理。牛油撻皮鬆脆，主要係蛋奶餡料，有蘑菇、素火腿、素煙肉等全素食，味道不錯▪️多菲內焗薯千層🥔全份都係焗薯為主，口感軟綿，帶奶油香▪️普羅旺斯釀蕃茄🍅蕃茄製作有心思，將素腸、洋蔥、西芹、飯等炒過再釀入蕃茄入面，然後烤焗，賣相吸引▪️法式焦糖燉蛋🍮燉蛋好質感較水狀，可能我地趕時間走，感覺未燉夠時間🤔表面焦糖夠脆▪️經典檸檬撻🍋檸檬味夠清香，甜度剛好，口感軟滑Lunch時間黎得我地一枱，包左場🤣🤣覺得佢地整野食幾有心

今日帶了素食朋友到荃灣南豐紗廠裡的一間西式素食餐廳試菜，而我自己都是第一次食西式素食，大家都抱住試菜的心態，果然喜出望外。我們一行四人，剛巧有四款午餐選擇，於是我們就試晒四款。🍴尼斯沙律 👉🏼 既有蔬菜的清爽脆嫩，又有番茄、雞蛋、合桃的濃郁鮮美，還配合醬汁的濃郁風味，這些元素相互結合，成為了一道美味可口前菜。🍴卡蘇萊沙鍋 👉🏼 一隻素油封鴨腿伴素香腸，而且底下還有薯仔蓉、紅蘿蔔和芹菜等配料，素鴨腿的酥脆外皮焗得很香口，咬下去時那種香脆的感覺真的很棒。而素香腸的口感咬下去有一種肉質的彈性，讓人感覺彷彿真的在吃傳統的香腸。🍴 普羅旺斯釀蕃茄 👉🏼 番茄內釀了素肉和香草再烤焗。而蕃茄下面放滿茄汁味的意大利飯。整道菜的口感既有番茄本身的酸甜多汁，又有香草的清新香氣，讓人一試難忘。🍴多菲內焗薯千層 👉🏼 一層又一層的薯片堆疊在一起，看上去就讓人垂涎欲滴。當咬下第一口時，感受到薯片外酥內軟的質地，而隨著咀嚼，奶油和香料的味道逐漸釋放出來，為整個口感增添了豐富的層次。🍴洛林鹹批 👉🏼 外皮酥脆，內部餡料口感滑嫩，帶有濃郁的奶油和香料的味道。素肉和蔬菜的鮮美相互映襯，使得整道菜的味道濃郁而又不失清新。

初嚐素食版法國菜。需要經whatsapp預約，並係用餐前3日向餐廳落單。午市套餐上嘅菜式全部都可以走五辛同提供純素選擇。Set lunch2 Courses $158 3 Courses $188Starter 尼斯沙律經典核桃沙律核桃沙律整體味道比較酸。個人覺得尼斯沙律比較好食，唔太酸之餘，食材亦比較豐富，有沙律菜、新吞拿、雞蛋、豆角、橄欖、車厘茄等。Main卡蘇萊砂鍋 (+ $30)普羅旺斯釀蕃茄卡蘇萊砂鍋嘅素油封鴨望落好似真肉，其實係腐皮包住類似竹蔗嘅條狀物，外皮焗到好香脆。底下係白扁豆、薯仔蓉、紅蘿蔔、芹菜等材料，黑椒味濃。素腸爽口。蕃茄入面釀咗素腸同芹菜等材料，有香濃嘅香草同黑椒味。蕃茄下面放咗意大利飯，有淡淡蕃茄嘅酸味。Vegan Dessert法式焦糖燉蛋經典檸檬撻2款都係純素甜品，燉蛋用雲呢拿籽、豆奶等材料製成，表面嘅焦糖脆口。檸檬撻味道比較酸，餅皮香脆。跟餐飲品: Ice Tea Peche