大山日本料理

Open Now

Now Closed

約左fd 喺附近行街，諗住是但搵間餐廳食飯，但fd又想食日本野，唯有網上睇下附近有咩日本餐廳，咁岩樓上就有一間就入左去。食完我地都覺得呢餐都幾好食，有驚喜！環境幾有日本風，最緊要係乾淨企理，仲要店員服務態度非常好，介紹我地有乜好食。因為唔係好餓，我地散叫小食為主，炸雞好嫩滑香脆，加埋多蔥沙律醬，正！鰻魚炒飯唔會太咸，有大舊鰻魚粒。啲珍珠飯粒粒分明。海鮮沙律都唔錯，想食吓魚生，又想食吓蔬菜之選。呢個月見雞肉串係店員推介，好好食！同我喺日本食一樣味。將雞蛋同醬油先打散，再將雞肉串點呢個雞蛋汁，堅正！日本旅行回憶返哂黎。今次我地兩個都唔係好肚餓就冇叫好多野，隔離枱叫左鐵板牛排，睇落好正，下次會想試下

大山日本料理以日式裝修搭配黃燈，有居酒屋感覺坐位闊落舒適，食物選擇仲好多𠻹！.➜月見免治雞肉捧串店員大推嘅月見免治雞肉捧串，咬落有粒粒軟骨，好有口感，本身有小小日式燒汁甜甜地，另外仲有月見汁（即係蛋黃呀），令串燒更Juicy！.➜鐵板薄切牛舌 滋滋聲出晒煙嘅薄切牛舌非常惹味，同蒜片一齊炒，香味十足！薄切咗之後都唔會因為炒太耐變韌。.➜鹽燒三文魚腩平時都好鍾意食三文魚腩油香味十足，淨係用鹽燒己經夠滋味，想入口清新啲，仲可以加小小檸檬汁。.➜蕎麥冷麵配日本醬油 上面嘅食物太油膩，唔啱心水？咪住先，好似豬太郎咁嗌返個蕎麥麵！將鵪鶉蛋同Wasabi撈埋一齊，夾起一啖份量沾滿醬油，清爽可口！.#msmessypig_food