Video
Read full review
2024-11-15
98 views
⚜️今日熊妹同樹熊去荃灣行下，行下行下發現了位於聯仁街一間隱世的串燒小店，下午四點幾食返幾串小食都好喎！📌店舖唔算好大，但已經有六人大枱、四人枱同二人枱，足以多人聚餐同二人撐枱腳。📌牆上又掛滿日本風情海報同放上各款清酒🍶，走日本居酒屋風格。蟹籽沙律，$40熊妹餐前一定要食個沙律清新一下口腔同腸胃先！串燒店來講都係蟹籽沙律最吸引。清新的青瓜絲配撘沙律醬，仲有少許蟹柳絲同蟹籽，各款材料比例剛好，係唔錯的前菜沙律！牛肉稻庭烏冬（午餐），$58五點前仲有得叫午餐，午餐有飯同烏冬，大概$50-$60，包一客小食同飲品，幾抵食喎！大大大驚喜🤩，一碗午餐份量的烏冬係大大碗！用上味噌鹹味湯底加入一堆海苔，浸淋左都好有味道，重點在牛肉，係厚實的嫩牛肉，食落勁粉嫩，無根無渣啖啖肉好有咬口，仲要份量好多，成碗烏冬超抵食。明太子薯條，跟餐小食小小一碟，都有十條八條！炸薯條好脆口，係脆身款，面頭淋上明太子醬一啲都唔吝嗇，午餐仲有小食食下過下口癮，開心🥳！燒芝士腸，$10燒燒賣，$12燒花枝丸，$14串燒店竟然有平時一般燒烤食物，腸仔、燒賣、花枝丸、紅腸、鴨胸等等，驚喜地搽上了蜜糖去燒🍯，十足十bbq的味道！牛油粟
⚜️今日熊妹同樹熊去荃灣行下，行下行下發現了位於聯仁街一間隱世的串燒小店，下午四點幾食返幾串小食都好喎！
📌店舖唔算好大，但已經有六人大枱、四人枱同二人枱，足以多人聚餐同二人撐枱腳。
📌牆上又掛滿日本風情海報同放上各款清酒🍶，走日本居酒屋風格。
蟹籽沙律
$40
0 views
0 likes
0 comments
熊妹餐前一定要食個沙律清新一下口腔同腸胃先！串燒店來講都係蟹籽沙律最吸引。清新的青瓜絲配撘沙律醬，仲有少許蟹柳絲同蟹籽，各款材料比例剛好，係唔錯的前菜沙律！
牛肉稻庭烏冬
$58
0 views
0 likes
0 comments
五點前仲有得叫午餐，午餐有飯同烏冬，大概$50-$60，包一客小食同飲品，幾抵食喎！
大大大驚喜🤩，一碗午餐份量的烏冬係大大碗！用上味噌鹹味湯底加入一堆海苔，浸淋左都好有味道，重點在牛肉，係厚實的嫩牛肉，食落勁粉嫩，無根無渣啖啖肉好有咬口，仲要份量好多，成碗烏冬超抵食。
明太子薯條，跟餐小食
小小一碟，都有十條八條！炸薯條好脆口，係脆身款，面頭淋上明太子醬一啲都唔吝嗇，午餐仲有小食食下過下口癮，開心🥳！
0 views
0 likes
0 comments
燒燒賣，$12
燒花枝丸，$14
串燒店竟然有平時一般燒烤食物，腸仔、燒賣、花枝丸、紅腸、鴨胸等等，驚喜地搽上了蜜糖去燒🍯，十足十bbq的味道！
牛油粟米
$14
0 views
0 likes
0 comments
半條粟米搽上牛油🧈同蜜糖去燒，夠入味又不失粟米水份，🆗！
雪梨牛肉卷
$38
0 views
0 likes
0 comments
燒雞軟骨，$18
雪梨牛肉卷，$38
各款肉類串燒都好齊全，豬、牛、羊、雞大路部位都有，全部都灑上椒鹽去燒，上枱好香，雞腎，雞軟骨都係串燒必叫之選，特別在雪梨牛肉卷，薄切的牛肉燒得好香，包裹著清甜的雪梨🍐，減輕了油膩加了清新感覺💫，兩者配撘得幾特別。
$20
0 views
0 likes
0 comments
燒西蘭花苗，$20
當然要點菜類喇！燒菜🥬充滿醬油味，加埋本身菜的水份，濕濕地一啲都唔乾，食啲菜又有纖維感覺健康啲。
焦糖菠蘿
$32
29 views
0 likes
0 comments
菠蘿面頭加了蜜糖去烤，變成焦糖脆面，瀑汁的菠蘿🍍酸酸甜甜加埋蜜糖味，非常解膩！
$36
0 views
0 likes
0 comments
一大個大啡菇面頭加了流心蛋同一整片芝士覆蓋著，切落去蛋黃即時流出來，仲加了洋蔥粒🧅有點爽口口感，要趁芝士🧀熱食溶化的口感最佳。
月見免治雞肉軟骨棒
$38
0 views
0 likes
0 comments
月見雞肉棒從來都係熊妹最愛的串燒，月見燒汁加了一隻日本蛋黃，雞肉同雞軟骨攪碎後製成的雞肉棒啖啖肉又多點雞軟骨的脆口，呢款串燒的美味係會令人一試愛上！
汁燒牛舌尖
$38
0 views
0 likes
0 comments
牛舌尖👅有三大件，超級厚切一件，牛舌尖比牛舌質感軟淋一點，更能滲入醬汁味道，熊妹認為淋身的牛舌尖比起爽口的牛舌更為滋味。
雞泡魚干
$46
0 views
0 likes
0 comments
下酒菜一流的雞泡魚干🐠係令人難以抗拒的㕋食，塗上醬汁燒烤，收乾醬汁水份變得醬油味好濃稠，一條條再點埋沙律醬，真係超好送酒的下酒菜。
羊架
$48
0 views
0 likes
0 comments
灑上椒鹽的羊架🐩做到一啲羊騷味都無，啖啖肉咁食真係大快朵頤，仲有少少肥美的羊脂位加重羊架的滋味！
燒聖子
$42
0 views
0 likes
0 comments
聖子今日的巿價$42一隻，食海鮮一定係加蒜蓉，係加左好多好多蒜蓉，燒出個鮮味，聖子好爽口，蒜蓉味濃🧄，海鮮黎講唔錯選擇！
$26
0 views
0 likes
0 comments
青檸梳打，$26
📌本身唸住食幾串過下口癮，點知叫下叫下，叫左十幾款叫到成枱都係，串燒小小地都可以吃到好飽！
22 views
0 likes
0 comments
0 views
0 likes
0 comments
Post
