百樂小館 (Closed)

走到去美麗華百樂小館，店內走新派路線，一洗潮州菜老土感覺。餐廳裝修設計用木材為主調，門口有型格雀籠包箱 餐前店員先奉上濃濃功夫茶「夕爹」(潮州話飲茶)，呷一小啖，茶味回甘 是日燉湯 $148(4位用)是日燉湯有蟲草花燉雞，打開非常足料，湯水香濃，飲完好滋潤 滷水鵝肉拼盤（例） $168有滷水鵝片、腩肉、魷魚、滷蛋，滷水汁香而且無搶食材鮮味，鵝肉同腩肉滷得好香，肉質依然好滑 黃金炸雙棗 $140蝦棗和蟹棗係最有名的潮州名物，入口用鮮蝦蝦肉同蟹肉加入爽脆沙葛粒製成，炸得香口有鮮味，還有沙葛粒爽脆，口感層次豐富 糖醋麵 $128 我最喜歡糖醋伊麵，百樂小館煎得好好，香脆不油膩，加上糖同醋食，好食到停唔到口杏汁蛋白芋泥 $48杏汁同芋泥係我鐘意，加埋一齊超級好食! 芋泥細滑有芋香，加上香滑杏汁茶，完全滿足兩個杏汁同芋泥願望最後，餐後奉上回甘功夫茶，消滯解油膩感．Menu

好耐冇見啲大學同學，難得約埋一敍就揀左大家都稍為就腳嘅尖沙咀，因為想坐耐啲傾下偈，所以偏向揀地方大少少嘅中式酒樓~見openrice評分都不俗，所以就訂左里度❤️晚上六點幾近七點黎到，人不算太多，見到兩個好似壽桃樣嘅陳設，內裡各放左一張大枱好有趣，不過有人坐緊，就冇影相了，哈哈，下次多人睇下可唔唔可以係壽桃裡面開番圍🤣我地坐左係餐廳嘅中心位置，地方幾寬敞，我地4人都offer左一張6人枱(定知我地會叫好多野食lol)餐牌見除左一般潮州野都有不少新派口味~ 沿正常潮州野嘅風格，一開始同最後都有serve功夫茶🍵入正題，先黎左頭盤😀 滷水鵝肉拼盤有鵝肉、五花腩(?)、豆腐、滷水蛋同墨魚😛滷得好入味，尤其鵝肉唔會過老，保有彈性😚個人最喜歡鵝肉同豆腐跟住好快黎左個湯~老黃瓜粟米煲唐排，估計日日唔同嘅，好濃同有黃瓜同粟米嘅甜，正🤤而家好追求湯水，要養下生~湯渣睇落都幾足料，飲完唔會覺得好口乾，就算有味精應該都只係少量~再黎就到主食啦，乳香骨，本身以為會係腐乳，不過食落又好似唔係🤔甜咸甜咸咁，都幾有趣朋友最近好迷咸蛋黃小食，所以見到金沙炸魚皮涼瓜就話要叫，估唔到超好食的！炸魚皮好香脆，沾上咸蛋黃醬(

潮州菜要揾好嘅都唔算難，但要兼顧埋少油鹽嘅就唔太容易，今次同幾位朋友一齊食嘅就做得到，整體係正宗，好食，不失健康。餐廳門外睇都幾得意，位置唔少，驟眼睇大枱都集中喺近門口枱之間距離都幾好，所以唔會太嘈吵滷水鵝片併盤 （例） $168滷水汁唔係死咸，各種肉類入味得嚟帶少少清甜鵝肉帶好多膠質，正滷豬肉肥得嚟好香，魷魚片都好爽唔會韌侍應幫我地4人將是日老火湯分好，將湯汁從老黃瓜入面撳出嚟，夠晒味道雖然有唐排，但啖湯飲落唔肥膩，仲好清甜好似屋企咁嘅味道👏🏻👏🏻👏🏻湯渣都見到係足料，唐排好腍，點少少豉油食已經好好味黃金炸雙棗 (各4粒) $148球型係蝦棗、長型係蟹棗兩樣都好出色，表面唔會油淋淋，點埋潮州桔油食甜甜地真係好好味入面嘅蝦肉同蟹肉都幾多，而且味鮮馬蹄平均分佈喺成粒棗之中，爽口、增添層次又解膩金沙炸魚皮同涼瓜 $68近一兩年鹹蛋黃真係勢不可擋，嗰種獨特嘅咸香令人難以抗拒！呢個咸蛋炸魚片無論係味道同食感都好優秀，夠香夠脆，齒頰留香苦瓜都處理得幾好，苦味唔係好明顯但注意瓜類都會比較吸油，小心燙口家鄉乳香骨 $128肉質好軟腍，香口，餸飯就最好欖菜肉碎四季豆 $98肉碎係好鬆嘅免治豬肉，帶少量

約友人到美麗華廣場去食潮州菜，很久沒有到這商埸，沒想到這商場現在有這麼多的食肆。好不容易才找到這店，因沒想到門面開揚，設計新穎，非一般傳統潮州菜店。而且每枱都可自成一角，沒有壓迫感，有些設計似雀籠，雀籠內的桌椅很有心思及細心的設計。圓枱的椅子與其他酒樓的圓枱椅子不同，用幾張弧形的長椅子圍成，但椅子與椅子之間又有D距離，原來這設計是方便店員執拾、換碟或奉上甜品用的，不用食客去傳遞給店員，很貼心呀 飯前、飯後都奉上一杯功夫茶，飯後的功夫茶可消滯。我們點了「滷水雙拼(鵝肉拼滷牛)」、「雜菌炒牛仔粒」、「秋葵炒牛肉」、「潮州蠔烙」，當然唔少得「糖醋伊麵」。滷水雙拼(鵝肉拼滷牛)，大大塊肉，鵝肉、滷牛肉質嫩滑，滲透了滷水汁，非常入味！雜菌炒牛仔粒，最特別是那塊圓圓的蒜片，整碟菜炒得很香，很好味。秋葵炒牛肉，遠處都聞到酒的香氣，牛肉肉質嫩滑、秋葵咁大條都很入味，再加上秋葵和牛肉都是我的至愛，這碟菜非常棒 潮州蠔烙，蠔烙不是酥炸，而是煎，但仍很香口，蠔亦十分足料！糖醋伊麵，大大塊的麵餅，灑上砂糖和醋，令伊麵口感脆中帶軟，滋味豐富。見到「甜品糖水」餐牌，款款都想食，其中「杏汁蛋白芋泥」，既可食到杏仁茶

病癒後要出山啦~相約朋友飯聚, 之前看過有人介紹呢度本人覺得裝潢甚特別, 近門口的幾張大檯, 改用若隱若現的設計來代替密室式房間中菜館配上時尚感裝潢, 一d都唔老土好彩今晚人數剛好,可以預留一檯, yeah~單看餐館名字, 以為只是提供中菜而已一坐低, 侍應便送上功夫茶及前菜, oh原來是吃潮州菜呢前菜 - 咸酸菜, 果仁仲有我最鐘意嘅潮洲辣椒油, 勁香有辣味, 但又不麻潮州菜又點少得來個滷水鵝肉拼盤唔知點解一向鐘意食配菜(墊底的豆腐片及花生)多過主角(鵝片)當然有好多人都相反, 今次我全部都有食過豆腐片好滑, 花生夠淋, 鵝片入味肉質嫩重點菜式果然做得其實我唔係潮州人, 唔理係唔係潮州菜, 好吃就會放落肚鮑汁扣鳳爪喂, 又係我鐘意既配角炆花生出現啦, 超正而鳳爪都炆到好淋, 連伯伯婆婆都容易食到夠淋夠入味, 好似一"lun" 骨肉便分離 雜菌炒牛仔粒有鮮花同紅蘿蔔做伴碟主菜牛仔粒加入色彩鮮艷的甜椒, 又有乾蒜片, 賣相好靚, 真的做到色香味俱全!唔係潮州人既我, 當然對潮州菜見識少 檸檬燉鴨湯, 在坐幾位朋友都未試過侍應幫我地分好, 還即場介紹, 湯料則另上 第一次飲潮式湯, 真有點

家中長輩為潮州人, 經常回味家鄉菜, 出面大多酒樓都出品廣東菜, 要搵間好食而又正宗既潮州菜的確唔易, 今日我地去左尖沙咀美麗華商場呢間百樂小館品嚐一下潮州菜, 果然令我大開眼界, 終於明白長輩們對潮州菜回味無窮既感覺!! 呢間潮州菜平日晚都經常爆滿,幸好我已為大家預先訂檯, 免得浪費等位時間~ 一坐低但先有小食開開胃....同時點左幾款菜式試試....【滷水骨香鵝肉片】HK$148食潮州菜必食首選一定係滷水鵝, Order左個例牌試試, 滷水鵝肉質柔嫩, 皮外脂肪唔太厚, 滷水汁亦很入味~【椒鹽豆腐茄子粒】HK$48炸物配上椒鹽一向都是絕配! 一啖一粒既豆腐同茄子粒, 炸得外皮好乾身, 唔會好油膩, 超級脆口...特別係茄子粒, 茄子已被去皮, 咬開脆皮, 內裡有熱辣辣軟心茄子...【潮式蘿蔔灌漿】HK$48呢款菜式我都係第一次食, 家人話呢個菜式唔係間間潮州餐廳都可以食到, 事關烹調技巧比較煩複~ 但呢款正正給我帶來驚喜, 令我一試愛上, 下次再來定必encron!! 色澤金黃, 外皮非常脆, 入面包住爽甜蘿蔔粒,濕潤既饀料亦冇影響到香脆外皮, 外脆內軟岩哂形容呢款菜式, 正!!【

平日外出食飯, 多數食日本野或西餐, 今次我地決定轉下口味, 去了位於尖沙咀的百樂小館食晚飯. 這裡的裝修幾有心思, 令人感覺舒服. 這裡是食潮州菜, 所以坐下後侍應先奉上功夫茶, 餐前小食和辣椒醬. 我地點了胡椒咸菜豬肚湯, 椒鹽鴛鴦魷魚和蘿蔔絲煨飯. 本身鍾意飲湯的我, 點了胡椒咸菜豬肚湯. 這個也是我愛飲的湯之一, 清洗豬需要心機和時間, 豬肚清得夠乾淨, 軟硬適中. 而個湯的胡椒味相當濃郁, 好啱我的口味, 非常好飲. 椒鹽鴛鴦魷魚, 當中包括土魷和鮮魷. 外層炸粉夠薄身, 加上有椒鹽, 特別惹味. 兩款魷魚完全不覺得乾和硬, 仲幾有彈性, 口感不錯. 蘿蔔絲煨飯. 食完濃味的菜式, 食番個簡單的飯. 這個飯清得來, 味道也不錯. 入口仲食到帶爽口的蘿蔔絲, 雙重口感. 最後就是食糖水. 我鍾意食中式糖水, 選了杏汁蛋白芋泥. 冬天最啱食滋補的糖水. 入口有香濃的杏汁味, 而當中更有蛋白和芋泥, 甜度適中, 非常好味. 食完感覺舒服好潤喉.

百樂小館是百樂潮州的分支，走年輕路線，份量及價錢都相當親民。對比打冷潮州菜，百樂小館固然是走截然不同的風格，高雅精緻得多。潮州人在餐前餐後都會喝一杯功夫茶，茶味濃郁香醇。滷水骨香鵝肉片 ($148)之前在外面吃過的滷水鵝片大多相當肥膩，滿口鵝皮脂肪，但這裡的鵝片脂肪比例適中，十分入味，而底下的滷水豆腐更是錦上添花。鮑汁扣鳳爪 ($78)鮑汁扣鳳爪不會像一般酒樓出品一樣煮得軟爛，毫無口感，反而入味之餘肉質爽彈。梅子肉碎粒豆腐湯 ($88/4人份) ($68/2人份)清澈見底的豆腐湯相當足料，滿滿盡是豆腐及肉碎。湯底清甜不油膩。潮式北蔥羊腩煲 ($288)寒冬臘月當然少不了暖洋洋的羊腩煲，除了羊腩之外更有冬菇、馬蹄、腐竹及竹筍等材料。無骨羊腩肥而不膩，肉質不韌。另外有一碗羊腩湯補上，更可以將生菜浸入湯中盡吸羊腩煲精華。金華炆大芥菜 ($98)鹹香的金華火腿與炆得軟腍的清淡大芥菜同吃味道能夠此消彼長。蘿蔔絲砂煲煨飯 ($168)當砂煲煨飯上菜的時候隨即飄香萬里，香氣撲鼻，恰似濃郁版的瑤柱蛋白炒飯。煨飯固然不如炒飯般乾身、粒粒分明，但是卻更加惹味，當中啖啖清甜蘿蔔絲，令人回味無窮。花生糖糠湯丸