香港華商銀行公會 (Under Renovation)

肥肥家族一向愛飲好食，與親朋好友相聚時總離不開談食經。有一晚食飯時，其中一位長輩突然提起話近排都只會揀喺中環「香港華商銀行公會」同屋企人做節，因為啲套餐又抵又正。得知席上未有人聽過個會，更未有機會試過會所餐廳o既中菜，長輩就好客氣咁即場擇日請大家拆餐勁o既。顧名思義，會所餐廳只招待會員。據悉，會員全部都要通過會員銀行入會，而現有o既二十間會員銀行亦好清晰地列咗喺門外塊大玻璃牌上。主人家早已安排派對於廂房內進行，有電視睇，私人空間足，成晚仲有專人服務，十分周到。眼見菜譜上印出九道菜，出名反應快o既大肥爸爸即以「九大簋」黎形容，也實在太恰當了！桌上餐具齊備，整潔企理，衛生非常。餐前小食之金磚豆腐：炸豆腐真係成個金磚咁大件架！講真菜式賣相未必特別吸引，但食落外層極其鬆化香脆，豆腐餡心軟嫩無比，超！松茸螺頭燉水鴨湯：水鴨湯熱辣暖胃，芳香鮮甜，濃而不俗。足量o既湯料中有腍滑o既雞腳，但個人最愛必選清脆潤甜o既松茸菇。上湯焗海蝦伊麵：上湯焗海蝦伊麵金黃橙美，海蝦量足，每人可分成對，外觀夠哂震撼，意頭又好。海蝦不單樣靚身材正，咬落就知蝦隻厚脆彈牙，鮮甜爽潤，配上軟腍且入哂味o既伊麵可謂正爆！焗釀鮮響

中環寫字樓大廈内其實有唔少商會或會館餐館，不過大多只招待會員。好似今次一有機會就必定掹衫尾嚐味。餐館位於五樓商業大廈，踏出電梯即見商會會員銀行列表幾巴閉咁。坐低環顧四周食客多數品嚐家常小菜。第一份上檯嘅係松茸螺頭燉水鴨湯，湯水清澈，水鴨加雞腳燉煮，鮮甜香味唔在講，連油都唔多先至好嘢，入口後味蕾更加感受到滴滴都係精華，松茸、螺頭、水鴨等湯料都仲可以食得出鮮味，新鮮食材可見一班。 接著下個菜鮮百合夜香花炒蓮藕片，蓮藕片片超爽口清甜，加入鮮百合與夜香花完全係清新健康嘅選擇。食完清淡食濃味獅城蝦球，無殼蝦球大大嚿又啖啖肉，蝦肉鮮味亦無被香辣開胃嘅醬汁蓋過，刺激嘅醬料助煎米餅食用絕對比白飯更加美味合適。最後咖哩牛筋腩煲，牛筋淋腩肉嫩咖哩香唔太辣，鍾意刺激但係又唔食得太辣就啱晒。雖然是次晚飯人少少，只可以食三餸一湯，不過幾碟都食出選料新鮮，食過幾碟後完全明理解左右食客都點家常菜就係為品嚐呢度嘅新鮮食材。期待下次咁嘅部機會快啲出現。

一個雷雨晚上，在中環工作的朋友突然打後問有冇興趣食飯，有飯開無問題啦用餐地點在香港華商銀行公會，細問之下原來餐廳是會員制，難怪我沒聽聞過這餐廳名字，亦不曾有作宣傳介紹。到步後，留了陳生訂位，侍應很熱情招待，而用餐的客人也不少，十分熱鬧。松茸螺頭燉水鴨湯 $398今晚點了燉湯，朋友跟我也慣性捱夜，要點d 湯水來滋補一下，湯料十分豐富松茸螺頭令湯十分鮮甜，味道一流獅城蝦球 $168好友讓著一定要試這道菜，還以為只是外間一般的甜酸蝦球，但原來還帶點辣，甜酸辣不同的程度有別於一般甜酸蝦的味道，而更細緻的是有蟹肉混在汁内，令這道菜更加鮮味，另還有一碟煎米餅更是精粹，底面煎至簿脆，但留有一定的厚度，加入剛才的獅城汁，一碟二餸互相配搭，確實十分滋味咖哩牛根腩煲$168有牛腩牛筋，而咖哩味很入味，特別喜歡牛筋的口感，可補女士骨膠原，來碗白飯也不過份。生磨杏汁雪山包 $38最後以雪山包作完結，外皮帶脆内裡鬆軟，内是杏汁，我們也捧著肚滿足的肚離開很滿意的一晚，亦是難得的機會能到來這種會員制的餐廳，令我大開眼界！