Video
Read full review
2016-03-06
956 views
呢間分店新開店時，有少少係用嚟分流路德圍總店嘅客，當時路德圍嘅接待哥哥會叫我哋呢啲荃灣友識路嘅去新店，唔使等又有折。當時真係無咩客。我哋仲喺半年前左右收到新店郵寄嚟嘅送芒果糯米飯嘅優惠券，於是直覺覺得新店生意應該唔會太旺，於是無訂位walk in, 點知星期日晚超多人，等咗成個鐘先有位，啲等唔慣位嘅長輩級家庭成員黑哂面。不過留意返繁忙日子訂位都要預早，即晚都無得訂。其實身為荃灣友之前已經食過好多次，早前入院又剛好與金坊嘅開山泰籍女大廚住同一間房，大廚嘅友善同見到佢兩位年青老闆當佢家人一般嘅尊重同關心，出錢出力，令我對金坊大大加分。芝心蝦丸，雖然個價錢$88可以點到碟咖喱，但仍然係我每次必點之選。有次去路德圍唔想等試咗另一間泰菜但無呢味餸，朋友仔極度失望。我要求原粒上，想要爆醬效果，但最後都係開咗邊，可能驚啲食客辣親嘴。蝦膠彈牙，外層一層薄薄脆皮，大量芝士。今次啲芝士凍咗少少，而且上菜次序好隨意，今次係上哂所有主菜主食先上。建議唔洗點雞醬，會搶咗啲芝士味。柚子沙律，好幾辣，記得以前係無咁辣。大量脆花生同蝦米，啖啖咸香。柚子嘅甜中和咗少少辣味。燒大鱔，金坊燒物一向出名，路德圍店仲有個大燒烤
其實身為荃灣友之前已經食過好多次，早前入院又剛好與金坊嘅開山泰籍女大廚住同一間房，大廚嘅友善同見到佢兩位年青老闆當佢家人一般嘅尊重同關心，出錢出力，令我對金坊大大加分。
芝心蝦丸
$88
31 views
0 likes
0 comments
柚子沙律
$78
23 views
0 likes
0 comments
燒大鱔
$78
32 views
0 likes
0 comments
咖喱扇貝
$88
11 views
0 likes
0 comments
大蝦炒金邊粉
$78
44 views
0 likes
0 comments
海南雞飯
$51
28 views
1 likes
0 comments
海南雞飯送嗰個冬瓜湯仲送多隻雞腳。樓面人太少，令服務未盡完美。
我哋係唸住用咗張月尾到期嘅優惠劵芒果糯米飯優惠券先尊登幫襯，我哋落單時出示就叫我哋食完正餐埋單時先用。到埋單又話今日好多客唔用得，一時又話無哂(雖然我唔係好信)，叫我哋袋好張劵下次先用，之後仲賴神秘細細話送多啲原本枱枱都送嘅大菜榚俾我哋，但我話我唔鍾意食，唔使。
落樓後，家父仍對接待姐姐念念有詞咁話等返好耐，姐姐後來主動俾咗張9折卡我哋，最終算有少少收穫啦。免加一，食物樣樣都有一定水準，所以仲會繼續支持，不過會選擇閒日。
Post
