Video
Opening Hours
Today
11:30 - 15:45
18:00 - 22:00
Mon - Sun
11:30 - 15:45
18:00 - 22:00
Above information is for reference only. Please check details with the restaurant.
今日咁岩去開荃灣做野,咁就去路德圍睇下有咩食啦。咁岩幾個同事又想食泰國野,咁我地見到有位就入左去。我叫左個海鮮炒公仔麵,再叫左個凍奶茶,同事就叫左個海鮮炒粉絲。個炒公仔麵都等左幾耐,差唔多15分鐘先黎到,可能因為都幾full啦,等到都有D肚餓。個炒公仔麵黎到第一眼覺得都幾大份,但原來麵係比得唔多,但反而配菜係比得好多,食落感覺係配菜比麵仲多D。個麵炒出黎都幾好食,唔會話太重味,海鮮都唔錯,不過海鮮就唔多啦,有10粒8粒咁啦,都可以接受。另外凍奶茶就不過不失咁啦,無咩特別。而個lunch價$57都合理既,食哂都幾飽,如果下次再經過都會再去,同事話炒粉絲好食,下次會去試下。
continue reading
又約咗女友人WK噚（18-10-2024 Sat)晚嚟同我食飯，今次我要外賣自取，我哋喺西餐同泰國菜中揀，佢揀咗泰國菜。咁我揀呢間啦，因為近車站，因為WK行路依然唔方便行路，所以我一個嚟到，就喺地下影menu俾佢睇，同佢商量買咩食。影影吓，有人撞到我後入𨋢，而一直坐喺喥嘅女人就走嚟問我影相？我答咗上面原因，亦反問佢係咪唔俾我買？佢就話上上面買。嗰刻我係唔想幫趁，但因為呢喥方便，同唔想再諗食咩嘢，所以都照上去買。我睇menu都睇咗好耐，因為搵唔到WK之前睇中一個食家，喺2021年7月12日嘅食評https://www.openrice.com/zh/hongkong/review/%E6%84%9B%E4%B8%8A%E4%BA%86%E6%B3%B0%E8%8F%9C-%E9%87%91%E5%9D%8A%E6%B3%B0%E5%9C%8B%E7%BE%8E%E9%A3%9F-%E8%8D%83%E7%81%A3-e4083888中嘅香茅蠔仔煲，直至我想行入去，望到𨋢門口一塊黑板menu至見到，但冇寫價錢。咁我照上去問啦，上到去有個正在拎嘢入去，應該係老闆嘅中年男人問我幾多位？我答我買外賣。佢就叫我睇menu。份menu啱啱有個客人睇緊，我就問香茅蠔仔煲幾錢？收銀就答，你叫咗嘢先。而嗰個男人就話幫我問問。之後佢唔知同收銀定入面嘅職員講，check吓5XXX幾錢。之後我坐喺喥睇menu，但一直冇人答我，我就繼續同WK研究，最後要咗兩樣嘢同落單。收銀問就係兩樣嘢？我答係。外賣原來有85折，俾完錢就等，喺等嘅時候，就同個婆婆客人傾偈，傾到佢外賣有喇走咗，我繼續等，終於攪掂，由落單計，等咗18分鐘。拎住時都嗅到佢哋香味，返到屋企就打問食喇：2. $98.00，折咗後$83.30嘅半打沙爹串燒，有雞，牛，豬各兩串。沙爹醬只有一兜，雞肉唔多夠味，唔好食；牛肉口感實得滯；豬肉叫做好食啲，但都係唔香。沙爹汁唔辣到算，亦係完全唔香。1.5分1. $88.00折咗後$74.80嘅炒鮮蝦金邊粉金邊粉口感腍，味道就只有番茄嘅酸味，蝦仁有4隻係爽口但冇味，豆卜都唔入味，成個都唔惹味。1分3. 買沙爹串燒送嘅甜品～椰青椰汁糕呢個幾清甜，口感腍咗啲，但ok嘅。3分服務就係地下個女人同收銀差，老闆同遞外賣俾我嘅女人都好好，尤其是個俾外賣嗰個女人，佢好好笑容。抵食：連兩個外賣盒係$162.00。1.3分題外話：呢間嘢喺荃灣好多年，我都未幫趁過，但原來佢同喺荃興徑嗰間係同一餐廳，而且我係幫趁過（上次食評係2012年3月13日刊登嘅呢篇：https://www.openrice.com/zh/hongkong/review/%E5%8A%A0%E5%B9%85%E5%A5%BD%E5%A4%A7%E5%96%8E-e2224015）。味 1.67 環 3 服 1 衛 3 抵 1.3 cry
continue reading
依間員工係咪癡左線，我哋book左10位，有吉枱都唔俾我地，叫我地坐住張6人枱，好啦，就俾左對walkin 嘅客，跟住先話安排將10人枱俾我哋，冇病啊？我哋屋企人每年生日都會嚟慶祝，叫我哋哋等咗成五個字，勸喻大家大班人都唔好嚟呢度食飯。最尾係要逼坐8人枱。
continue reading
午餐 J2：海南雞併豬頸肉飯（$63）凍檸蜜（+$3）海南雞約有6-7件，沒有骨，雞肉滑及嫩，適量另肥膏；豬頸肉有5片，比較乾身偏嚡，味道一般；油飯夠乾身唔油膩，不錯；兩款醬汁，咸甜、酸辣，都不錯。另外附送一碗例湯。午餐 503：遊船湯金邊粉（$60）凍泰式奶茶（+$11）湯底超濃郁，略帶微甜，唔油膩，好味道（飲咗大半碗湯，之後沒有勁口渴）；金邊粉份量適中，幼身頗滑；配料有碎豬肉、豬潤、豬肉丸、豬紅，味道正常。泰式奶茶偏甜，無咩茶味，唔太識欣賞，不是我杯茶。PS：沒有加一服務費。
continue reading
老闆及職員有禮貌每個禮拜都有過嚟食晚飯每次都有觀察職員嘅態度無論幾忙，老闆職員到一樣咁有禮貌香港有食肆能夠keep住食物品質及服務態度確實不多。成功是有原因，能夠keep到食物好食，服務態度優良，絕對係成功之道。加油，加油，加油10分推介 值得推介！食物品質有保證老闆好人職員有禮非常好每次老闆都送甜品椰汁糕好好食😋甜品好食好食好食一定要食😋😋😋推介大家試；泰國生蝦炸蝦餅蒜蓉燒生蠔🦪燒魷魚🦑
continue reading