金源冰室

Open Now

Now Closed

之前趁住聖誕假去左坪洲行吓 嗰度都唔少冰室㗎 上網見推介呢間嘅炒通粉 當然要黎試下啦~- - - - - - - - - - - - - - - - - - - - - - - - - - -ʕ •ᴥ•ʔ公司炒通 $44一上檯就見到幾大碟 色水都幾靚都幾多配料 例如肉 午餐肉同腸仔 幾有鑊氣 特別在於炒通粉比較少見但食落有乾炒牛河嘅味道~ʕ •ᴥ•ʔ柚子西多士 $27係出面好少見嘅配搭!柚子醬喺西多士入面 酸酸甜甜咁都唔錯個人就比較鍾意食原味嘅西多士(⁎⁍̴̛ᴗ⁍̴̛⁎)*****金源冰室 (坪洲)📍坪洲永興街15號地下

喺網上面見到去坪洲一定要做嘅其中一件事，就係去呢間餐廳食炒通粉同埋柚子西多士🍞。餐廳嘅地點離碼頭大約10分鐘路程，同其他比較出名嘅食店喺埋一齊，好容易就搵到。餐廳內部裝修喺比較傳統嘅香港茶餐廳風格☕️，算係一大特色。我哋單點叫咗一個炒通粉（$38）同埋柚子西多（$27），價錢上唔算貴。味道方面，公司炒通粉其實即係豉油王炒通粉加午餐肉、雜豆同香腸🌭，有鑊氣但係唔係好特別。而柚子西多其實即係有酸味嘅西多士，我自己覺得西多士加糖漿好似好食啲。🤔總結來說，網上話係坪洲名物，我覺得係名過於實，可以一試，但係唔好太大期望，因為只係普普通通。🙃題外話，唔知係唔係廚房太熱所以開咗門，定一話抽油煙機壞咗，我哋坐咗喺近廚房嘅一枱，一直聞到廚房炒通粉攻出黎嘅濃煙味道，如果大家介意成身都係油煙味💨，記住要簡張遠啲廚房嘅枱。😵

黎到坪洲又點可以錯過金源冰室既-「柚子西多士」值得一試既懷舊冰室牆上既壁畫更是手繪畫，充滿溫度👍🏻柚子西多士 $27一開頭見到，以為只係平平無其既西多士仲以為係咪唔記得左加柚子醬原來滿滿既柚子醬係西多士入面！之後加上牛油和糖醬，無得彈👍🏻雞翼（4隻）$28另外，再叫左4隻雞翼相比下覺得西多士抵食好多👍🏻雞翼係炸雞翼，炸得脆卜卜而且相當入味👍🏻唔需要加任何醬料都夠味～

難得嚟到坪洲，今日假日嘅關係好多舖頭都唔開，咁我哋就入咗去一間外表普普通通嘅茶餐廳。點知裏面都有驚喜，而且食物性價比都幾高，歡迎大家入嚟坪洲試試。公司炒丁有鑊氣，而且入面好足料，雖然都係腸仔火腿等等簡單嘅嘢食，啲公仔麵都好好食。 柚子西多士裏面加柚子嘅配搭覺得唔係太好食，好甜，同埋冇咗浸牛油香。都係比較鍾意原本嘅西多士。魚柳多士魚柳唔脆，中規中矩咁。仲有杯奶茶有啲水。

一間外表平平無奇嘅茶餐廳 原來入面嘅野食 非常有出色😍🌟 公司炒通 ($40) 🌟第一次聽通粉可以炒🧐 見到賣相非常深色 非常入味味道同乾炒牛河差唔多😜 好香好邪惡 十分有鑊氣😝❣️🌟 柚子西多士 ($24) 🌟見到有柚子西多士咁新潮 覺得要試下🤣對柚子西多士有少少失望🥲 個人覺得好食 但我會揀返傳統西多士😚西多士炸到啱啱好 香脆金黃 入面嘅柚子醬同蜜糖太似 食唔出層次😅

平日坪洲遊，部分餐廳都冇開門，仲要下午兩時許先入到個島，提提大家最好早D 入去，因為點餐既時間 ， 好多野都已經買哂，想食都冇得食個杯雖然唔係好大， 但俾半粒咸檸檬落去，唔洗我講你都知有幾正，最衰冇帶水樽，唔係我實帶埋走西多士裡面啖啖柚子（係沖柚子茶果隻味，仲要係未加水， 傑撻撻）如果食唔到太甜既話，就唔好再加蜜糖大慨類似係乾炒牛河既味道，不過就轉左炒通，味道其實唔差，不過雖然通粉同河粉都要先煮過再攞去炒，但係通粉煮太耐，口感爛啤啤，有D 奇怪，而河粉原本就係咁冧，又好似容易接受D,睇你個人既接受能力拉