金田家 (Closed)

見到好評如潮便來試試吧！柚子辛辣拉麵$88味道清新特濃豚肉拉麵$78無咩特別另加$14一隻糖心蛋👍🏼好好味大將餃子$30只有4隻皮薄餡多梅乃宿果酒(柚子味) $36夠冰凍可惜太甜食物質素可以可惜有兩大點要改善❌店舖旁邊是停車場出入口大門每當有人進出，門口便自動大開一陣熱風即時感受得到怕熱的你一定不能接受尤其在夏天大熱天時下❌❌店員工作態度極之有問題廚房煮麵的一群員工跟樓面的一群員工大聲嘻嘻哈哈興高采烈地討論今晚放工後節目談話內容粗口橫飛不知所謂完全無視顧客感受有顧客落單呼叫多次他們才有反應本人都是第一次去到食日本拉麵店舖遇到這樣的員工

話說今日同男朋友入去元朗睇戲，佢話想食日本菜所以順便去咗戲院隔離嗰間金田家到食晚飯。環境幾闊落，我哋揀咗坐側邊！因為晚飯時間都幾多人食。拉麵有10款， 我就揀咗柚子辛辣拉麵，因為呢個係廚師推介，而且我個人有好鍾意食辣加埋柚子嘅拉麵，酸酸地勁開胃嘛！拉麵嘅軟硬程度同蔥嘅份量可以自由選擇，而且仲可以追加toppings。最好嘅係佢仲有好多小食同飲料俾我哋選擇。 我叫左一碗柚子辛辣拉麵＄98，價錢唔算太貴，因為有三塊黑豚叉燒，每塊都好似拳頭咁大塊，而且唔肥膩入口既溶。拉麵入邊仲有好多芽菜紅蔥頭同蔥做配料，湯底唔算辣，仲酸酸地好重柚子味。我仲加左$14追加流心蛋一隻，簡直一流！toppings我仲追加左一碟豬肉叉燒＄20有四塊，瘦肉再加少少肥肉，咬落去口感一流，真係食過返尋味啊！另外我仲叫左一碟芝士年糕，一咬落去即刻流晒嗖的芝士出嚟，勁creamy 而且唔會濟，yum yum!好想食多幾碟，但$38得三粒。最後我仲叫咗一杯可爾必思，見個名奇奇怪怪所以想一試，發現原來只係乳酸，哈哈！不過都幾好飲，下次去試下啲酒先~~