柞木炭家

Open Now

Now Closed

是日約了好友V小姐到銅鑼灣lunch, 為她預早慶祝生日😊 揀左金百利商場3樓的柞木炭家食韓燒。服務員安排左我地坐卡位，座位都寛趟，坐得舒服既。之後就端上凍茶，各款韓式side dishes，而且係refillable….😋我哋揀左2個柞木特選燒烤定食set，內裡有和牛上肋肉(main) + 梨汁挑骨雞翼+汁燒黑毛豬五花肉，同set亦配埋柞木韓牛飯。另一set 就揀左和牛上肋肉(main) + 彥陽和牛+豬皮配黃豆粉，同樣配埋柞木韓牛飯。最值得讚既係豬皮，原先以為燒完之後會好硬，似香口膠口感，但⋯放入口即溶，好膠質多collagen果種口感，成個口漿住咁，好令我地驚喜，女士必揀😆😆 和牛上肋肉幾入味，算腍，都幾大舊，味道唔錯。雞翼，五花肉都醃得唔錯，燒起上黎，配上韓式大醬都幾惹味，我就用生菜包起一齊食，又或者配韓牛飯。不得不提韓牛飯，韓式窩蛋免治牛肉飯⋯絕對有CP值，惹味，有蛋香⋯👍🏻👍🏻👍🏻令我會繼續想食落去。整體黎講，食lunch set 既韓燒係CP值高，而且又可以不斷refill side dish 和生菜，真係幾滿足和飽肚。何況環境都舒適，服務員都helpful…可以enco

自從上次姜濤誕 經開呢邊打卡 上左黎食個好好味嘅韓牛飯 一直念念不忘 今次專登book位再食多次佢嘅午餐好唔錯 唔想食太多 又想每樣肉試啲 有呢個一人燒烤餐叫 我揀左$145呢個餐 本身包前菜同一個韓牛飯 肉就揀左我鐘意既牛牛小排 牛前胸 同 牛肋肉前菜好快就到 有芽菜 豆 蘿蔔 同 泡菜 蘿蔔同泡菜係我至愛 好好味 試完前菜 就上主菜 烤牛肉飯 用嘅蛋蛋香味好濃 混和埋牛肉一齊食 好滑溜我同朋友都覺得好好食🤗🤗🤗肉三款都好好食 最好食應該係牛肋肉 好腍 用生菜包住食好juicy 😋😋😋

一連四天假期的第一日碰巧又是佛誕，記得去年今日這個時間已經搭船入去長洲，趁熱鬧睇飄色。估唔到只係一年光景，香港社會的變化如此大，社會運動剛剛靜下來，又受到影響全球的新型冠狀病毒襲擊。隨着三月尾香港政府頒佈限聚令，限制了每間餐廳的枱與枱之間距離，每枱又只能招呼最多四位客人；餐廳生意大減，客人少了很多！所以，即使是假日的銅鑼灣，不祇街上行人少了很多，餐廳也沒有太多食客，整間「柞木」只有兩枱客人。難得假期都有午市套餐供應，款式非常多元化，價錢亦唔貴。但既然來到韓國燒烤餐廳，當然要食午市燒烤餐。上一次光顧「柞木」，是2018年旺角總店開幕初期，當時已經知道「柞木」是「炑八」的高級版，同樣隸屬《富臨集團》旗下；但「柞木」就主力推介高級 1++韓牛，及標榜採用木炭燒烤，供應正宗風味韓式烤肉。唔知道什麼原因，可能因為銅鑼灣分店所處身的商業大廈的消防系統問題，銅鑼灣「柞木」並沒有採用木炭烤爐，只是普通氣體烤爐，但總算是明火燒烤。可能只是午市燒烤套餐，泡菜只有兩款口味：最經典的辣味大津白及小豆芽；另外還有一小份雜菜沙律及小食熱熔芝士粟米粒。至於韓式燒烤必備配料：生菜葉、生蒜片/青辣椒絲、粗海鹽及酸辣醬汁

柞木炭可溫可火，但最重要是火力均勻，不會烤至一邊焦一邊生的情況。炭火網烤比平板煎更有風味，但這裡燒卻一點油煙味也沒有，在旺角吃過一次已經很有好評，這次復活節假期想吃好一點便選址來到在銅鑼灣的新店。餐廳燈光昏暗，再簡單用大燈箱照明，走黑金高雅路線，完全沒有燒肉油煙滿飛的格調。這次來發覺有套餐，比散點更花算，而且包含更多肉類款式可嘗試。我們要了御膳套餐，每位$420，燒肉還有分五道菜，很是講究。店員時不時會從冰櫃拿出肉磚放在推車上，走到點菜的客人面前介紹。客人便可用肉眼看見實物才選擇，是華麗得來又很專業的做法。是晚的和牛有兩個產地可選：左邊的是韓牛，肉味較濃，筋位相對多一點所以較有嚼勁；右邊的是日本熊本產，脂肪多，雪花甚密，口感較腍滑。我們選了日本熊本和牛，畢竟入口即溶的和牛實在很吸引，也就不能怕胖了。其實這裡是韓式烤肉的餐廳，所以前菜四小碟任添，分別有漬茄子、大豆芽、泡菜和醋大白菜。其中以漬茄子最合口味，甜甜的不會過鹹。我們一致認為泡菜的味道醃得很好，酸辣比例控制得宜；不能吃辣的話，清清的醋大百菜像是不辣版的泡菜，也很開胃。包肉的生菜也可任添，款式很多，爽脆乾身。另一邊的沙律則不是任添的