見見面 (Closed)

中午12點教完班，「見見面」為於學校附近，見裝修幾靚，空間闊落，樓底高又整潔，而且剛開門冇乜人，就行咗入去（我入座後不出半小時~ 全場爆滿🙈～行得快好世界🥳）。冇諗過食物質素咁高，咁有驚喜。👍🏼酸菜魚（生魚）例牌 $188～必食冇諗過較平價嘅生魚片肉質居然可以咁嫩滑☺️魚片完全冇骨（除脊骨位置～當然有骨啦🤣），就算只是例牌魚肉份量也非常充足2-3人食都無問題。魚肉完全吸收酸菜湯的精華，酸菜湯非常濃郁開胃👍🏼落單時揀選了多麻少辣，滿滿嘅花椒完全滿足到我。過癮過癮，完全係震懾味蕾～熗炒土豆絲 $58～推爽脆新鮮唔會過冧或過生，鑊氣十足👍🏼大盤花椰$78～推福花用了大量五花腩肉片&芹菜伴炒，夠晒鑊氣又夠鮮味，而且份量真係超大一盤😋拍青瓜$35青瓜新鮮多汁醋味十足～最大開胃小食。肉末酸辣粉$35調味及配料一流，但薯粉偏冧身。桂花冰粉$30～必食冰粉質地夠挺身得嚟又保持到非常滑溜，加埋黑糖桂花杞子清甜可口～係完美嘅配合，食完咁多重口味嘢，食返一碗冰粉簡直係清泉☺️

出面好多地方標榜自己D辣幾勁幾勁，可惜都係一味死辣，只係得個勁度，但係就無晒味道，不過呢一間九龍城小店就唔同，個辣好有層次感，同埋食得出辣椒之外，仲有其他香料嘅味道。送啤酒必備︰辣子肥腸，睇吓幅相D辣椒，堅正，喺個椒海度摷D肥腸出黎都幾過癮。呢個肥腸最特別嘅地方就係無晒D肥膏，如果想食腸但係又怕肥膏嘅就啱晒，辣椒味當然勁，但係舊肥腸又保留到D腸味，無比D辣椒蓋過晒佢D味，好野。跟住叫咗酸菜魚，條魚可以揀桂花或者龍躉，我地揀咗龍躉，食落都幾好，肉質彈牙，魚身都滑(不過當然無桂花魚咁滑啦)，而且比想像中少骨。個酸菜湯都好惹味，酸酸辣辣幾好食。甜品就叫咗桂花冰粉，第一次食又幾好食，感覺上就係透明嘅涼粉。冰粉本身無味嘅，不過撈埋D糖漿之後又真係唔錯，加埋少少桂花，又清香又可以解下辣。

朋友介紹一齊去九龍城食麻辣, 知道會多人預先一早book定枱, 去到唔駛等就入得. 冷盤先叫左開心涼粉, 麻辣花蛤, 牛肉及肚絲, 全部都係開胃菜, 我特別推薦開心涼粉同麻辣牛肉, 涼粉嘅汁少少酸又帶回點辣椒香味, 但食落卻不會覺得辣, 只想一夾再夾. 麻辣牛肉我就欣賞牛肉好腍又好夠麻味, 辣度適中又夠香. 主菜方面水煮魚值得推介, 雖然面頭鋪滿辣椒但不會如其他餐廳咁油膩, 大大塊桂花魚鮮味十足, 加上麻辣味只會令人覺得唔夠喉相對地酸菜魚我覺得酸菜味及辣味稍為不足, 但兩碟都食到桂花魚嘅鮮味, 不會被辣味蓋過. 炒花菜又係另一推薦, 鑊氣同麻辣香味令這碟簡單的炒椰菜花回味無窮. 鐵板炒水晶粉同乾鍋豆腐都炒得好乾身十分不錯. 甜品我最喜歡桂花冰粉, 甜甜的又充滿桂花香味的類似q彈冰凍啫喱感覺好解辣.十分滿足的一餐四川菜