湘川滬 (+WOO嘉湖二期)

Open Now

Now Closed

本來一心想過嚟試片皮鴨，但原來要早一日預訂，想試嘅記得要預早打去同餐廳留定。唯有照舊嗌小菜嘆吓人蔘烏龍，茶香依舊濃香回甘。萵荀絲份量十足，$55勁大碟，顏色碧綠爽脆，入口清香，係餐館中少數口味清淡嘅健康菜式。川菜普遍都加入紅綠辣椒爆炒，香口濃味，夏天食袪濕、冬天食暖肚。份量不多，雖則蝦球帶子均有乒乓波大小，但只有各四隻。不似京滬菜單純油爆香，川菜習慣先裹上生粉炸香再加入調味拌炒，外層炸成香脆，令整道菜更香口，蝦球帶子大隻得嚟都幾彈牙。可能加咗醋嘅關係，味道微甜偏酸，睇落紅卜卜實則食落無咩辣味。肋排加咗鹹甜梅菜炆煮，稔香肉嫩不痴牙，風味依舊，香甜惹味。可惜今次軟骨位唔多，反而多肉又厚身，食肉獸應該好buy

每次放假都會到屋企附近既湘川滬，媽咪愛食上海菜，更愛喝呢度既人蔘烏龍特愛果陣暖滑回甘既味道，順喉解膩，唔係每間茶樓都有供應。比起廣式點心，作為上海人偏好散嗌小菜，感覺更親切更熱鬧冷盤燻魚先炸香再淋上甜香醬汁，主骨易噒、細骨脆身易咬碎，入口充實啖啖肉。選用軟豆腐，比較軟嫩易散，肥豬肉末佔大比數，油香重，個人建議撈飯食辣度屬微辣帶些少麻，如果再辣啲會更香更好送飯。蝦球乒乓波咁大粒俾厚厚既鹹蛋黃包裹住，乾爽不油膩，略微有啲鹹，但蝦肉爽口有回彈力，加返唔少分紅燒肉排食得多，第一次試梅菜煮法，有六大件，味道鹹甜參半，非常惹味。軟骨爽脆，肉質炆得稔軟不韌臨尾都要食返啲碳水先至飽肚滿足銀絲卷比一般包點食落層次更豐富，無論點紅燒汁定本身伴上既煉奶同樣掛汁好味～～～

中秋節前夕跟家人在附近提早慶祝～最後千挑萬選下選擇了「湘川滬」因為有3款不同菜式選擇！·前菜點了上海醉豬手（$60）酒味很出，而且細細舊食落不會很狼狽當然少不了必食的小籠包（$38）還有份量很多的上海粗炒（$65）咸香海蝦球（$108）好香好惹味，但又不會有很油的感覺原本想要點北京填鴨的，可惜當晚太多人了所以已經賣光光啦～很可惜呀！但侍應就推薦四川樟茶鴨（$128/半隻）要注意的是這道菜需要等比較耐的～水煮桂花魚（$188）可以選擇生魚或桂花魚～雖然餐牌寫一隻辣椒🌶️但真的很辣建議叫個菜飯或白飯來食會比較好不過魚肉就超級嫩滑還有超入味的冬粉瑤柱賽螃蟹（$78）梅干菜肋排（$80）排骨煮到很林很入味，配飯食一流整體來說味道不錯，價錢也很合理～而且選擇也多，所以也算是不錯的選擇！