金記客棧 (Closed)

星期日好好天同大人和朋友黎左數碼港曬下太陽食個飯聽朋友講金記幾好味就入黎試下啦! 紅燒乳鴿乳鴿皮香脆的，非常之熱，香噴噴，肉質唔會太梅，亦唔鞋口，非常好味，我冇用懷盬已經夠味！看落應該唔係ＢＢ鴿，因為骨都好硬，而底下不算多脂肪，食落唔油。椒鹽海中蝦中蝦ｓｉｚｅ一ｄ都唔細！！香口的椒鹽佈滿在爽口的蝦身上，脆卜卜的，連個蝦殼都好好惹味，好有避風塘味道！蝦肉爽口彈牙，唔似死蝦，非常新鮮！我都忍唔住食左３隻！蜜汁叉燒入門口時見到有個燒味專櫃，就決定試下叉燒。叉燒入口鬆軟，而且好入味，有蜜汁係面，令叉燒唔會太ｄｒｙ，變得非常ｊｕｉｃｙ！叉燒亦都唔係好濃，有個蠟燭爐熱住ｄ叉燒，ｄ叉燒ｋｅｅｐ左好暖，好好味！　

話說阿P上次終於帶咗阿J 去金記得冰室食第一次的冰室飯後，今日我們又去金記，不過今次唔係去冰室，而係去在數碼港開張無耐嘅金記客棧。這間客棧的裝修簡潔開揚，部分裝飾上與冰室的互相呼應，都是以香港特色作主題。睇到店內有一個燒味專櫃，所以決定試下它們的叉燒($88)同燒鴨($88)。叉燒入味鬆軟，燒鴨亦皮香肉嫰，再叫個上湯瀨粉一齊食，正。這裡的燒味師傅有d 料到，唔錯。友人話今餐想食香口d的小菜，當然冇問題。先來椒鹽一口豆腐($78)。粒粒豆腐夠乾身，炸得香脆香口，椒鹽味亦不會太搶太鹹。嚟多個椒鹽系列海中蝦($168)。香口的椒鹽佈滿在爽口的蝦身上，我食了3大隻。芝麻黑糖醋骨($88)。酸甜的黑糖醋配以香口芝麻，惹味得來又醒胃，排骨入味香甜。我又鍾意食蛋，又鍾意食韭王，又鍾意食蝦仁，滑蛋韭王炒蝦仁($88)這道菜，Bingo哂。蛋炒得夠嫩滑，蝦仁爽口彈牙，唔錯。以往PJ帶小松松來數碼港通常都係食2樓嗰間西餐，因為貪有露天位置可與小松松一起進食，而金記客棧亦醒目地設有幾張戶外座位，以後數碼港友與PJ 同小松松一樣又多一個開餐地㸃喇。