金記客棧 (Closed)

話說阿P上次終於帶咗阿J 去金記得冰室食第一次的冰室飯後，今日我們又去金記，不過今次唔係去冰室，而係去在數碼港開張無耐嘅金記客棧。這間客棧的裝修簡潔開揚，部分裝飾上與冰室的互相呼應，都是以香港特色作主題。睇到店內有一個燒味專櫃，所以決定試下它們的叉燒($88)同燒鴨($88)。叉燒入味鬆軟，燒鴨亦皮香肉嫰，再叫個上湯瀨粉一齊食，正。這裡的燒味師傅有d 料到，唔錯。友人話今餐想食香口d的小菜，當然冇問題。先來椒鹽一口豆腐($78)。粒粒豆腐夠乾身，炸得香脆香口，椒鹽味亦不會太搶太鹹。嚟多個椒鹽系列海中蝦($168)。香口的椒鹽佈滿在爽口的蝦身上，我食了3大隻。芝麻黑糖醋骨($88)。酸甜的黑糖醋配以香口芝麻，惹味得來又醒胃，排骨入味香甜。我又鍾意食蛋，又鍾意食韭王，又鍾意食蝦仁，滑蛋韭王炒蝦仁($88)這道菜，Bingo哂。蛋炒得夠嫩滑，蝦仁爽口彈牙，唔錯。以往PJ帶小松松來數碼港通常都係食2樓嗰間西餐，因為貪有露天位置可與小松松一起進食，而金記客棧亦醒目地設有幾張戶外座位，以後數碼港友與PJ 同小松松一樣又多一個開餐地㸃喇。