深井陳記燒鵝酒家

Open Now

Now Closed

入嚟深井一定要食下燒鵝，沿路都見到好幾間燒鵝店，朋友推薦陳記，一於試下。陳記燒鵝酒家係深井第一間燒鵝專門店，已經有超過40年歷史，裝修係傳統舊式酒樓，員工非常有經驗，食物方面除咗燒鵝之外，仲有各類小菜、炒粉麵、海鮮等。兩個人叫咗個午市A餐($318)，包燒鵝例牌、兩個小菜、兩個例湯同兩碗白飯/瀨粉，小菜我哋叫咗椒鹽鮮魷同啫啫時菜煲。燒鵝皮好有光澤，鵝味濃郁，肥瘦適中，肉質嫩滑多肉汁，完全唔會韌，配上自家制酸梅醬，深井燒鵝果然名不虛傳。唯一不足係鵝皮可以脆啲，可能因為我哋三點先食距離岀爐時間太耐。椒鹽鮮魷好酥脆，粉漿唔會太厚。啫啫時菜煲，通菜配蒜頭、芹菜、蝦米同肉碎，好惹味！呢度唔只燒鵝好食，估唔到小菜都唔錯，有鑊氣，不愧為老店！

同男朋友去黃金海岸游水同陽光玩遊戲後，揸左架車去左深井諗住食燒鵝，咁多間燒鵝店男朋友揀左陳記燒鵝，揀得呢間就係貪佢就腳，同埋都又比較出名，而且有樣幾方便既野就係有得免費泊車，只要埋單果時印返張印仔拎去陳記既停車場就得嫁啦。 今次總共叫左五樣菜，分別係「馳名深井陳記燒鵝」，「芝士生蝦伊麵」，「椒鹽鮮魷 」，「北菇草姑扒時蔬」同埋「蒜蓉粉絲蒸元貝皇」。1.馳名深井陳記燒鵝例牌 $145兩個人分別叫了燒鵝例牌，招牌菜緊係冇令我地失望啦，燒鵝皮脆肉嫩，又唔會油膩感，同埋餐廳老闆娘話佢地d酸梅醬餐廳係自家制既，比其他餐廳從供應商買入的多了份新鮮梅味。2.芝士生蝦伊麵 $108呢道菜既蝦好新鮮，肉質彈牙，而且份量好足，可以見到一碟入面既蝦都唔少，每食一啖芝士配上伊面，味道一絕啊。3.椒鹽鮮魷 $88外皮香脆內裡鮮味，每食一淡一粒，都覺得好滿足，香口野黎講真係炒得幾夠火喉，真正嘅膽固醇萬歲！4.北菇草姑扒時蔬 $88帶山間鄉野清新氣息的草菇扒芥菜，味道清新，草菇鮮甜可口，為左呢餐多肉少菜既飯作為左一個平衡點。5.蒜蓉粉絲蒸元貝皇2隻 $45/隻元貝大隻鮮甜，仲有好多蒜蓉粉絲鋪係面，蒜蓉粉絲的份量真是

深井燒鵝在香港無人不曉吧在眾多陳記燒鵝中選了這家除燒鵝外還有很多撚手小菜我們二人點了例牌燒鵝下庄甫上枱已聞到香味撲鼻微暖的鵝肉非常甘香美味鵝油香滲進齒甲叫啜指回味鵝皮冷掉後仍能保持脆卜卜絕對是近年吃過最高質素的燒鵝薑蔥魚雲煲份量不少甫上枱已聞到滋滋作響走過油的魚雲香酥味美椒鹽鮮魷鑊氣十足椒鹽調味香口惹味但粉漿略嫌過厚影響口感比起招牌燒鵝鮮魷略顯失色啫啫通菜煲調味出色有肉香有鹹魚香非常惹味點一碗白飯吃得津津有味

Sum tsang bbq goose is probably the first place that springs to mind when one craves for the juicy Canton style bbq goose. Does it live up to the hype?Greeted by free valet parking, despite the odd location, one can easily get here hassle free if you have a car👍🏻 definately one of the perks of this restaurant😀We ordered the signayure bbq goose combo which comes with half a poultry, shrimps and fishThe bbq goose is definately famous for a reason! Juicy, meaty, fresh each bite as satisfying as the

話說有朋來自遠方，難得黎香港當然要盡地主之誼帶朋友食好西，朋友說晚飯想食一些比較有風味地道的菜，我認真諗諗深井燒鴨都係一個唔錯既選擇，就帶朋友去陳記食。深井陳記燒鵝有兩間店，一間係商業中心總店，另一間就係附近，今次就選擇左商業中心呢間，室內有冷氣，我地被安排住到卡位都幾闊絡。黎得呢到當然必點最馳名既深井燒鵝，我地人不算多，所以就叫左一份例牌($145)，其實例牌都唔少，好多肉，唔怪得個個都話深井燒鵝皮脆肉嫩，食過先知係咩一回事，外皮真的燒到脆脆，又唔會有好打戈肥膏，再沾上酸酸甜甜既酸梅醬，零舍開胃。深鵝的拍檔瀨粉($12)當然又點少得，清清的上湯瀨粉一人一碗，瀨粉不碎容易夾，一啖燒鵝一啖瀨粉令朋友都大贊好味只係燒鵝瀨粉並不足夠，我地見有好味推介係蒜蓉粉絲蒸聖子皇($38@1隻)，叫左兩隻一人一隻，上枱時剛蒸好，蒜蓉味超香，粉絲又唔會話乾左，聖子都算大條！見好似差d惹味小菜，就黎多個椒鹽鮮魷($88)，鮮魷上的炸蒜好香口，略略覺得椒鹽可以最多少少會更加惹味，每條鮮魷不會太大條過韌。最黎都食飽飽，原來仲有糖水贈送，係久違的番薯糖水，甜甜的，好完滿的一餐。