深井陳記燒鵝酒家

Open Now

Now Closed

細細个就習慣同屋企 weekend得閒就入深井食燒鹅～間間都試過～不過我地去為於深康路的陳記最多！因為地方大，有空調～D坐位比較舒服，個洗手間比其他店乾淨好多～坐輪椅都方便～仲有二間 vip房添，同埋有自己的停車場～咁方便又老子號～所以屋企人就多數食呢間！不過佢地個門面係個燒味部，係外面見不到個餐廳的～要係地下商場入去～看箭嘴行～才到酒家！所以，好多人以為得燒鵝外買～其實入面有超多廣東小菜～海鮮～四川麻辣雞煲～水煮魚等！入來就一定吃燒鵝～半隻！個味道好食～慢慢吃～你會發現佢地用左好多靚香料去醃隻鵝～不過～佢個酸梅酱仲好食～有梅肉～有五柳～有辣椒絲等～不係普通貨式！跟住就点左例牌半肥瘦义燒同埋我最鐘意的咕嚕肉！估不到咁好食！個义燒幾好食～咕嚕肉上次食 okla, 今次食就靚左好多～可能不同師父做～個味係有層次的～佢地應駭不係用普通甜酸汁～應加在D野係酸甜中～所以一向愛吃咕嚕肉的我～清哂成碟！

中秋同屋企人食團年飯今次揀左深井陳記燒鵝我地自己都買左小小海鮮比佢地加工📍燒鵝我諗黎得深井既都必食話曬佢地都既家族生意有成70年歷史點可以唔叫黎試下熱辣辣上台 脆皮多汁肉滑真係會令人讚嘆 一試愛上😋📍鼓汁聖子皇好新鮮無沙 再用炒米粉黎做墊底索曬啲汁 真心好出色👍🏻📍薑蔥鮑魚咬落好有口感，薑蔥炒我覺得係絕配椒鹽既話胡時會太酒或炸得太乾身所以呢個值得推介👍🏻📍西蘭花炒班腩食得出啲班腩係新鮮唔係隔籬左好多人個啲輕輕炸一炸炒埋個西蘭花增添左成碟菜既層次咁一家人食飯如有鐘意食中菜不紡可以入配黎呢啲地方人流又無咁多 絕對會再黎👍🏻

今日難得入深井，點都要食個燒鵝先走啦😆大街有好多間燒鵝鋪，午飯時間同朋友隨機揀一間到此一遊啦鋪頭喺商場仔地鋪，保留舊式茶樓裝條風格；環境闊落坐得舒服👍🏼一坐低待應就送上兩碗老火湯🥣🌼燒鵝油雞雙拼飯 ($55)雖然嗌燒味飯，但上碟嘅燒鵝都不失水準，燒鵝皮立立令，皮脆唔油膩；鵝肉唔乾柴唔韌啖啖肉；味道正常唔會偏咸✌🏻✌🏻 記得要蘸埋佢哋自家製嘅酸梅醬！酸甜度適中，每碟酸梅醬都有一粒梅喺入面㗎~小小嘅心思❤️油雞就正常嘅燒味水準👌🏼 🌼 燒鵝叉燒雙拼飯 ($55)超香嘅蜜汁叉燒，肉質都嫩滑唔會燒到乾爭爭，比起油雞我更推薦叉燒😝鋪頭除咗食燒鵝，仲有多款套餐/小炒，價錢都唔貴，下次有機會嗌多人啲嚟再食過😆

親愛嘅食友們，今晚我就係嚟到咗一間擁有老字號招牌嘅小店，一入去就撲鼻嘅係烤肉香濃，真係刺激到我哋嘅味蕾👃！先嚟啲前菜，話俾你知，佢哋嘅涼瓜牛肉，肉片嫩滑，涼瓜清脆，真係一食難忘，好難相信平時唔食涼瓜嘅我會愛上佢！主角當然係燒鵝啦，皮脆肉嫩，每一啖都夾帶住啲皮嘅酥香同肉汁嘅鮮美，無話講，就算係一個燒鵝控，都會啖啖稱讚🦆。跟住，我地又試咗小店嘅手打魚蛋，淨係講呢個口感，已經夠哂彈牙，啖啖魚味，每一咬都感覺到佢哋一絲不苟嘅態度。飯後甜品就揀咗個經典豆腐花，滑溜溜嘅口感真係夠曬嘆，呢啲美食經驗就係要即刻同朋友分享嘅！🥄總結，呢間小店，不單止有傳統味，重有平民嘅價錢，下次約埋好朋友，再嚟打個飽仔喇！🤤👌🏼

HK$218的例牌燒鵝，小小一碟，完全冇肉 ，厚厚的肥羔下薄薄的一層肉，而且只是脾的下半截。完全不值，任何一間茶餐廳食個燒鵝脾飯HK$100以下都好食過佢。而且茶芥超貴，冇得唔要，唔要照收錢，都要幾十蚊,加個餸HK$135,白飯也要十幾蚊，連加一服務費，埋單要HK$455。簡直劏客。永不回頭。室外多人食煙，煙味流入室內，食飯要送煙放題。附近茶餐廳都好食過佢，如果唔熟，一定會被個招大牌誤導而入去光顧。

和另一半閒遊深井，星期六七時多到來也不用等位，有點訝異。兩個人被安排至卡位，裝潢不算新派，也不古舊，有點像停留在約二十年前，簡潔乾淨。燒鵝下庄 $185燒鵝不算太肥，皮脆肉入味，夠二人享用。金銀蛋菜心 $78其他普通小菜索價數十，比想像中便宜。兩個人點多個蔬菜就夠了，菜心超大條又大碟，上面好多肉碎，如果略略切開會更容易進食哈哈。瀨粉吃燒鵝配瀨粉是個情意結，瀨粉滑身，幾口完食。到深井要吃燒鵝可算是一個小小情意結，當普通中菜茶樓光顧價錢合理。

一帶有好幾間「陳記」，今次係去小型商場地下右邊有燒味部嗰間。入去係行十幾步，左轉即見舖面正門。預訂咗今次一行8人以上，要分枱，所以俾咗間門口直入、容納8人枱及6人枱嘅房子俾我地。人太多加上天氣爆熱冇咩胃口就變成選擇困難，所以索性揀個8-10位用B餐就算，再另外散叫幾味。燒鵝率先嚟到，勉強幾做微暖。算唔上深井代表作，皮偏靭唔夠香。散叫之一冬瓜盅——料有：蟹柳、帶子、脆肉瓜粒、蓮子、豬肉粒、冬菇、鵝肉粒。上到枱侍應大叔已分好一碗碗，所以將相得番個冬瓜殼。湯味清淡，當例湯飲清熱解暑可以。散叫之二䜴油皇鵝腸，腸用瘦腸易入口，墊底大大堆銀芽，如果想清清哋唔想要䜴椒炒可揀。椒鹽鮮魷拼九肚魚相對其他餸高分低，細細舊易入口，起碼脆漿薄得嚟夠脆。除咗冬瓜盅嚟到熱騰騰外，其餘餸唔知係咪放咗一段時間先上菜，普遍都攤凍哂。整體餸菜落鹽手勢過輕，餸菜比一般菜館淡；房內電視機預設㩒咗睇賽馬，侍應大叔上菜時因利成便停留喺呢間已經冇乜多餘虛位嘅細房睇賽馬，感覺輕度滋擾。

入嚟深井一定要食下燒鵝，沿路都見到好幾間燒鵝店，朋友推薦陳記，一於試下。陳記燒鵝酒家係深井第一間燒鵝專門店，已經有超過40年歷史，裝修係傳統舊式酒樓，員工非常有經驗，食物方面除咗燒鵝之外，仲有各類小菜、炒粉麵、海鮮等。兩個人叫咗個午市A餐($318)，包燒鵝例牌、兩個小菜、兩個例湯同兩碗白飯/瀨粉，小菜我哋叫咗椒鹽鮮魷同啫啫時菜煲。燒鵝皮好有光澤，鵝味濃郁，肥瘦適中，肉質嫩滑多肉汁，完全唔會韌，配上自家制酸梅醬，深井燒鵝果然名不虛傳。唯一不足係鵝皮可以脆啲，可能因為我哋三點先食距離岀爐時間太耐。椒鹽鮮魷好酥脆，粉漿唔會太厚。啫啫時菜煲，通菜配蒜頭、芹菜、蝦米同肉碎，好惹味！呢度唔只燒鵝好食，估唔到小菜都唔錯，有鑊氣，不愧為老店！

第一次嬲到寫食評、外賣鵝掌北菇煲，成盒係骨頭，餵狗也不吃，外賣盒又熱到熔，成個底已經熱穿，成盒發泡膠味，兩餸飯的質素也比它好，成盒好似豬潲咁，有圖有真相，不知所謂。

我中午去黄埔店lunch,有個厨房長髮中年大叔從厨房走到餐廳食客區來回很多少都不帶口罩，我很有禮貌問他是否没有口罩，我可以给他一個，但是他馬上向我破口大駡！我便問收銀員，她也說最好由食客提出投訴，她們也很無奈此員工不带口罩舉動！希望九記正视！

冬至的下午，週圍塞車，由銅鑼灣揸車到深井，由下午4點半，足足揸咗2個鐘頭車先來到搵朋友一家食飯。唔講唔知，原來陳記己分家有兩間，所以要睇清楚，唔好去錯。4大4小叫了A餐，唔使煩。朋友住深井己多年，同酒樓伙記己熟絡。套餐質素一般，沒有驚喜但也過得去。招牌燒鵝皮薄肉質嫩滑，上枱熱辣辣。其他菜式只是一般，不再逐一介紹。但個價錢係好合理嘅，$1180全包免茶芥加一，夥計亦都招呼周到。幾舒服的一次用餐體驗。

今日老友出動戰車帶我地去深井食燒鵝，作為市區人，真係比較少入去食飯。唔知係咪深井啲鵝特別靚，專門食鵝既飯店都幾十間，以為最出名係陳記，裕記，點知陳記都好幾間。我地就去左最近馬路口嗰間，有免費代泊。三個人，一坐低叫半隻燒鵝同三個白飯先，平時唔點食飯，都為左個燒鵝汁而食。燒鵝皮好脆，鵝味正，同平時普通燒味店叫既係兩個世界。好食。再叫個海鮮孖寶，有聖子，有炒斑腩，燒鵝專門店黎講係合格既。****************評分 : 7.5/10簡評 : 為左燒鵝而黎係值得嘅

中秋節翌日 去左食好西 好歡啊 入左嚟深井 食左個早鳥晚餐 🥣點了三個餸 仲送兩碗瀬粉同飯🍚燒鵝皇半隻 半隻都好大隻啊 舊舊都好啖啖肉的喔🤩😍肉質都幾好 唔會好韌又唔會好肥好漏 同埋啲皮都仲🈶️少少脆的🤏🏽🤤重點‼️隻鵝脾係留左俾我食嘅heeheee✌🏽蒜蓉粉絲蒸扇貝 所🈶️貝類的東東我都很歡🐷🤤哩度嘅扇貝當然唔會好大粒 仲有少少韌 🉑️以唔洗蒸咁耐 哈哈🤣😅 但係蒜蓉粉絲就超級正正 最歡哩個配搭🧄不過哩度嘅味道就咸左啲哈哈 整體都🉑️以接受☺️🙂油泡龍躉球 我唔太歡食魚 最好就夾埋俾我 仲要係揀埋無骨的✌🏽🤪所有哩碟野好啱我食 因為啲魚啖啖肉😛😋不過啲西芹就爭啲 好咸啊😅😅

👁‍🗨深井陳記燒鵝酒家 📍深井陳記商業中心地下A舖@———————————————-第一次嚟深井，當然想試吓馳名深井燒鵝有幾好食？ 正值6點晚飯時間，間間都人潮湧湧，X記X記原來又分正店/老字號/老店，唔想揀又唔想排隊就膽粗粗入依間試吓，酒樓裝修保留懷舊中式酒樓風格，座位算多亦唔算太迫，坐咗一陣都滿座餐牌上款式眾多，有撚手小菜、海鮮🦞專程嚟到，咩都想試吓，叫左3餸1湯，都預咗2人食唔晒要打包😂好食度：✔️✔️✔️✔️✔️➰ 馳名深井陳記燒鵝（半隻） $270燒鵝表皮燒得夠深啡色，充滿油光，半隻份量十足表皮鬆化微脆，滿口脂香，有油份保護肉質軟嫩，脂肪比例平均，無騷味，亦唔會啖啖肥膏非常油膩，但又比乾扁嘅燒鴨好食不得不讚陳記自家制嘅黃梅醬，甜度/酸度/濃稠度恰度好處，仲見到一梅子肉同核，真材實料，清香又酸酸甜甜，配燒鵝食最啱解膩（外間一包包預製果啲通常我都扔😂）➰ 椒鹽九肚魚 $88九肚魚夠粗碌，炸得恰度好處，外香脆內軟嫩，灑滿炸蒜，沾住食一流👍🏻➰ 竹笙魚肚浸勝瓜 $78最後叫個上湯浸瓜清清哋，中和另外2味餸油膩，勝瓜不算甜，勝在竹笙魚肚份量夠➰上湯瀨粉 $12 燒鵝瀨粉喺經典配搭，必叫！瀨粉細細

本身唔係想食呢間，不過未食過就入嚟試試。一坐底就俾大大碗例湯，疫情下真係生意難做，叫咗個3餸餐跟飯/瀨粉3百幾，唔可以話平，但唔算貴。燒鵝例牌：比我想像中肥！好厚嘅肥膏，仲要係入口就溶，絕對唔適合減肥人士食，想拎走d肥膏都有難道，同埋有d騷。啫啫雞煲：有鑊氣，雞件好大，不過好油。椒鹽魷魚：炸粉有d唔同，比較乾身，面頭唔係炸蒜，係炸粉，唔知有咩作用，但整體份量係偏多。