玉桃軒酒家 (鱷魚恤中心)

Open Now

Now Closed

有同事想食片皮鴨，所以在觀塘找了間有片皮鴨食的酒家︰玉桃軒。七點左右到，剛好有檯，如果遲多一點就可能要等一段時間了。 一到埗馬上點了一客片皮鴨。 薄餅由蒸籠送上，薄餅與薄餅之間更有蒸籠紙加以分格，令薄餅容易拎起。個人喜歡薄薄的薄餅，因為可以親手做到皮薄餡靚。 片鴨大小平均，色澤均勻、有鴨油香，再自行以大蔥絲、黃瓜絲、甜麵醬，用薄餅卷著食。 個人特別喜愛以薄餅卷著鴨皮食，尤其可以食到它的香脆。 在酒家食飯一定會點湯、羹，今次點了燕窩芙蓉花膠羹。 花膠羹用料十足，口感又綿又滑。 另外點了一客花膠北菇雞煲，上檯時是熱辣辣的，北菇和雞的香氣樸鼻，肉質嫩且彈牙，餸飯一流。 最後和同事們決定在這裡食甜品，因為方便，而且感覺甜品選擇不俗。 招牌蛋黃大蟠桃飽 大大個蛋黃，不會太甜。 椰汁百合燉雪蛤的用料豐富，陣陣椰香，少少甜，女同事的選擇。

一早同家人飲早茶，唔算難等位，又坐得舒服。蜜汁叉燒腸$19.8，夠熱，叉燒味香，北菇棉花雞$21.8，巨型北菇片一大塊，相信隻菇好大隻，魚肚棉花都有成三四舊，夠新鮮彈牙，索晒雞湯味，還有滑雞，新鮮、嫩滑。再來早晨孖寶，鳳爪排骨飯加粟米雞粒餃$29.8兩樣，迷你盅頭飯都算夠多餸。粟米雞粒餃真係第一次見，好新穎的配搭，外皮雖然較厚，但餡內雞肉鮮甜，粟米及芹菜粒極爽口，還有冬菇粒，健康食品選擇。重點推介新星，酒樓都有土匪雞翼$48有6隻，皮脆乾身，唔油膩，有啲芝麻香，又夠大隻，我一人食左三隻，超香脆。壓軸叫埋甜品椰汁百合燉雪蛤$38@，椰汁味香，有蓮子多舊雪蛤夠多料，滋補甜品。

現在觀塘已經唔同哂，多左好多樓上cafe ，今天諗住來試下點知⋯⋯朋友仔居然㨂左飲茶，去左酒樓集中地鱷魚恤大廈 6/F 玉桃軒蜆芥炸鯪魚球外面炸得香脆，魚肉唔腥，配埋蜆肉一齊進食，更加惹味鮮蝦菠菜餃蝦肉新鮮彈牙，菠菜味道清新多汁，餃皮煙煙靭靭有口感燒汁釀茄子，喺原條上，中間夾住滿滿鯪魚肉，而為左方便進食，廚師已經把茄子切好了茄子面上灑上花生粒及香蔥茄子肉幼嫩多汁，鯪魚肉新鮮，配埋花生一齊食，好味又有口感北菇棉花雞，魚肚大塊，滑溜，雞肉多汁，唔駭椰汁百合燉雪蛤，雪蛤本身冇味，椰汁味道清香，混和一起，又好夾喎這款糖水既凊潤又好味