泰簡單

Open Now

Now Closed

依家天氣轉涼，坐喺露天位，微風吹過真係舒服㗎。佢地嘅泰菜都好地道㗎，廚師同侍應都係泰國人，不過唔使擔心語言問題，佢地識講廣東話㗎。🍲 椰汁雞湯 Spicy & Sour Chicken Soup - $75 酸辣平衡，椰香濃郁，是一道開胃的湯。🍍 菠蘿炒飯 Pineapple Fried Rice - $128 甜鹹適中，菠蘿的清甜與其他配料融合得啱啱好。🥖 蒜蓉包 Garlic Bread - $37 好香脆，蒜香濃郁，非常適合用來沾紅咖哩。🌶️ 泰式紅咖哩 Red Curry Paste - $108 香濃微辣，咖哩醬汁濃稠，配飯或蒜蓉包都非常美味。🍹 心有靈犀 Mixed Fruit+Soda+Pearl+Grenadine - $48 清新解渴，水果的甜味和珍珠口感豐富。🍇 柚香鮮提子冰 Honey Citron & Grape - $48 酸甜平衡，柚子和提子的清香清爽。泰簡單 (銅鑼灣) 📍 銅鑼灣謝斐道517號總統戲院頂樓

平時去嗰啲泰國餐廳全部都係室內 嚟嚟去去真係有啲悶難得有間喺天台有戶外空間勁泰勁地道 仲要全部Staff都係泰國人 一秒回到泰國超貼地❣️馬拉盞炒椰菜苗 $125辣辣地嘅馬拉盞醬將柔嫩嘅椰菜苗炒得更香更惹味 條條入曬味超好送飯🥬❣️燒豬頸肉 $96切成條狀嘅豬頸肉食落脆卜卜 沾上羅望子醬酸酸甜甜味道十分特別經火燒過嘅豬頸肉油脂逼晒出嚟 而羅望梅子中和返個油膩感 真係食唔停口❣️椰汁雞湯 $75平時啲冬陰功湯一味得個辣字 加入左清甜椰汁🥥將湯底調整得更易入口 就算唔食得辣都啱飲❣️飯桶 $118鮮蝦欖角同肉鬆一齊蒸嘅飯桶味道好多元化 鹹香肉鬆令醃製欖角更加突出 軟綿綿嘅飯粒似電飯煲打開咁軟熟🍚❣️黃金夢 $60菠蘿汁溝芒果汁香甜得嚟帶點清新 熱辣辣嘅泰國飲呢杯嘢真係啱曬🍹❣️心有靈犀 $48雜果梳打加珍珠芝麻同石榴汁 有得飲有得食仲要果香味濃 夏日炎炎絕對係不二之選☀️

▫️呢間泰國菜十幾年前已經有同朋友gathering食，估唔到質素都仲keep住幾好。餐廳環境好，有室內同室外座位，裝修好有泰國風情，打卡一流～ 坐outdoor飲住泰國啤酒或者Cocktail更chill💕▫️佢哋嘅侍應同廚師都係泰國人，想食正宗嘅泰國菜一定要嚟試吓！✰椰汁雞湯 $135/M▫️有大中細size揀，我哋四個人叫咗中size。上枱有個煙囪鍋盛載住雞湯，有火爐熱住個湯可以慢慢飲。✰柚子沙律 $98▫️滿滿柚子嘅泰式沙律，清新開胃。✰燒豬頸肉 $96▫️有炭燒香，口感彈牙好味。✰椰汁青咖喱 $108▫️可以揀豬/牛/雞，我哋揀咗牛肉。個汁都幾特別幾惹味，如果嗌蒜蓉包或者白飯一齊食更好。✰菠蘿炒飯 $128▫️用菠蘿盛載嘅泰式菠蘿炒飯，炒飯炒得夠乾身粒粒分明，幾好。✰飛天通菜 $95▫️食泰國菜必食飛天通菜😋 好惹味。特飲：✰鮮青檸特Shake冰 $45▫️有埋個Shake Shake壺自己搖完酙落杯，好特別😆✰黃金夢 $60▫️菠蘿加芒果特飲，唔會太甜。✰漫天飛花 $48▫️火龍果加橙汁特飲，火龍果粒粒有啲咬口幾好味。▫️坐坐吓我哋仲覺得幾好feel，叫咗泰國啤酒同埋蝦片飲番杯傾吓偈🍻 ✰蝦片$1

今日帶媽媽食泰國嘢 之前朋友食過呢間 佢覺得環境食物都唔錯 而且冇限時間 可以慢慢食🤣 餐廳廚師同埋侍應都係泰國人 好似帶左呀媽去泰國旅行嘅感覺 好地道🤭 有室內同埋室外 就算係平日都幾多人 ～ 環境好舒服，chill chill 地，仲可以揀室外坐，適合打卡，兩個人叫左4樣菜 食到好飽！ 馬拉盞炒通菜 $105 好香蝦醬嘅味道 炒得好入味 通菜口感爽脆帶點微辣 👍菠蘿炒飯 $128 飯炒到粒粒分明， 份量都幾多，兩大碗飯左右，上面有肉鬆，內裏有唔同海鮮，有鮮魷、蝦球、蜆肉等等，當然唔少得仲有酸甜嘅菠蘿、提子乾，下次黎會想再食！燒豬頸肉$96豬頸肉燒得剛剛好，外層微微香脆，咬落去非常煙韌，又保持到肉汁，又可以點上旁邊嘅泰式甜酸醬，另一番風味。椰汁雞湯 $75 椰汁雞湯味道非常香甜，食到好濃郁同埋香滑嘅椰奶，椰汁嘅奶香同埋雞肉嘅鮮嫩融合，配合車厘茄香菇同埋泰式香料。 另外叫咗嘢飲，叫咗一杯鮮榨石榴汁同埋一個椰青，食完重口味嘅嘢，飲番一啲鮮榨飲品，額外清爽🤣個椰青，仲要好大個，入邊白色嘅椰青肉都好新鮮爽甜。如果你想叫酒同埋cocktail 都有，下次同朋友嚟再試🤣