糖宮甜品專門店 (金巴利道)

Open Now

Now Closed

在尖沙咀想找個地方小休吃點東西，甜品店會是一個不錯的選擇。糖宮甜品專門店給客人很 Chill 地享受甜品和休息的地方。除了多款特色甜品，這裡還有中式糖水，都是以自家製的形式製作。由下午2點開始營業到凌晨1點半，想來吃夜宵也沒問題。另外下午2點到晚上8點都屬於下午茶時段，會有 Special Combo Offer。椰青水 + 椰皇燉蛋白 (HKD 78) 便是其中一款。清甜的椰青水冷藏了後更解渴，推薦大家喝這個，當然也有其他飲品選擇。燉蛋白的面層有香脆焦糖，蛋白很細滑、滋潤又好味。榴槤拿破崙 (HKD 64) 將兩件拿破崙疊高，一共會有四件的拿破崙。帶牛油香的拿破崙十分鬆脆，再配上甜甜地的榴槤肉，自己一個吃掉一件都不覺得膩呢。芋圓腐竹雞蛋 (HKD 50) +HKD 10 配花生、芝麻湯丸。腐竹不會煮到完全溶掉。口感滑溜能嚐到豆味，甜度也是剛剛好。芋圓煙韌彈牙，加配的湯丸，芝麻味會較香一點。

早排同朋友在尖沙咀食完飯，打算搵間店坐低傾下計，最後揀左之前都介紹過的甜品店，有齊中式、西式甜品任由大家挑選。店內分了兩層，客人多數都同我地一樣，食住甜品吹下水，上到去仲有貓貓🐱可以玩添！ ⦁榴酷瓏用上蜜瓜盛載着椰果、白涼粉、其他生果🫐等。而雪花冰🍧有榴槤雪花冰同牛奶雪花冰可以揀，當然的挑選了榴槤口味，味道濃郁。搭配起來非常大份，並很解暑！ ⦁朱古力窩夫伴雪糕朱古力窩夫，當然要配埋朱古力雪糕啦‼️窩夫外酥內軟，香氣四溢，搭配上濃郁的朱古力醬同朱古力雪糕，簡直系朱古力多重奏🥰🥰 ⦁椰皇燉蛋白蛋白燉得香滑細膩，口感輕盈，椰香🥥濃郁的椰香。 ✨順帶一提，他們家的拿破崙系列是即叫即整，酥脆好味😋

放工時間、又覺得飽飽地、又五想甘快返屋企、就同同事食個甜品先走、搵左間甜品幾特別架😀門面小清新、簡約嘅設計室內環境一般、比較擠迫、位與位之間都近😅沙冰應該用菠蘿打出黎、好香菠蘿味、食落都幾好、旦雖一缺點就係菠蘿比較酸、旦佢個水晶涼粉ok，好濃的椰香味👍🏻個一般了、略嫌牛奶味未特出、比較淡一點、不過都比較解熱、因為係冰😆因為同事要養生、所以叫左個熱椰皇、椰皇比較細個、幾啖就冇哂、不過都幾香架椰香味😆

響理大行去尖東嗰頭大概10分鐘就到呢間舖! 琴日落大雨舖頭而且係晏晝四點左右，未有好多客人，甜品舖來講鋪面都好闊落，又乾乾淨淨，有兩層，第二層睇落都幾大。椰皇燉蛋白啲蛋白做得唔會太甜，而且好滑，食落啲蛋白同椰皇嘅味道blend埋一齊😋朱古力雪花冰比較驚喜，因為平時好少食到咁綿滑嘅冰🙆🏻‍♀，似食緊朱古力雪糕多啲🤣P.S同老闆傾咗幾句計，佢請咗我哋飲椰青水，佢話啲椰青水係新鮮整嘅，飲落好清甜，啱夏天解渴~🉑️再encore^^

每次喺尖沙咀吃完飯，總係唔容易搵到合心水食糖水嘅地方，最近終於有個好選擇啦👏🏻 大圍嘅糖宮甜品喺尖沙咀開左新分店，而且環境闊落舒適☺️一坐低老闆就推介佢地嘅椰皇燉蛋白，係每天新鮮燉製，咁就試試啦🥥 當店員送上時，椰香撲鼻😌 椰子同鮮奶嘅味道都相當突出，蛋白十分嫰滑😋 果然好值得推介👍🏻而嗰份抹茶紅豆窩夫伴抹茶雪糕 (雪糕可以揀其他口味喔) 外脆內軟，甜度調較得好適中。當日同我一齊食嘅好友係一位廚藝了得之人，佢話要適當地拿捏窩夫嘅軟熟度同甜度並唔係一件容易嘅事，所以呢份窩夫的確係佳作，我地都食得相當滋味❣️當日剛好無拿破崙供應，下次一定會再同朋友們一齊來大快朵頤🥰

六月已經天氣好熱🫠 係尖沙咀街頭要搵間甜品店坐吓先得😮 呢間我之前係大圍食過 原來係尖沙咀開咗分店 急不及待咁過嚟食👍🏻 下午茶餐由兩點去到八點 啱晒我地又食又飲🥤椰皇燉蛋白呢個係呢間甜品店嘅招牌菜🥥 有得揀凍定熱㗎 我就揀咗熱嘅 一整個椰皇入面都係蛋白☺️ 真係好滑 食完覺得連皮膚都會滑啲 味道仲有啲椰青水嘅味道 之後仲可以𢳂到椰肉食㗎即製芒果酥皮拿破崙一層一層非常足料🥭 即叫即焗嘅拿破崙好香脆 仲好厚身 都幾推薦呢個甜品 酥脆外皮配上吉士醬幾正飲品下午茶餐都有7款揀 我揀咗芒冰冰同埋菠冰冰 即係芒果沙冰同菠蘿沙冰🍍 兩者都好適合夏天飲 簡直係呢個天氣嘅及時雨😉 兩杯都唔會太甜 仲要有爆珠增強口感 芒冰冰入面嘅爆珠係芒果味 而菠冰冰入面嘅係乳酸味 兩款都令沙冰更好飲呢間甜品店嘅拿破崙真係鬆脆得好令人驚喜😍 尖沙咀分店有兩層 所以都幾多位 食完飯過嚟食埋甜品先返屋企就啱晒🤪