新泰東南亞餐廳

Open Now

Now Closed

特別想吃東南亞菜，見到尼間店裝修得好乾淨舒服，就約朋友仔同來。燒豬頸肉非常好味，幾乎沒有肥肉，燒得表面微微焦香，沾上又甜又辣的醬，每口都是啖啖肉，肉質絲毫唔柴，甜甜辣辣又開胃，抵讚。鹽焗烏頭好大條，絕對夠兩三個人食。烏頭表面烤得雙面焦香，用筷子稍稍用力，魚皮好輕易就可以與魚肉完整分開。揭開魚皮後，豐滿白嫩的魚肉就露出來了。每筷魚肉都好結實，可以見到魚肉沒有小刺，蘸上配搭的醬料，入口更加突出魚肉的鮮甜味。魚肚更是塞滿了各種香料，完全唔腥。越式蟹肉炒粉絲都好驚喜。粉丝完全唔干，口感又爽，配菜好多，有灯笼椒、蟹肉、豆芽等等，没乜油，吃多几啖都唔会有热量负担。東南亚菜点可以唔点椰青同沙冰。椰青更原汁原味，椰青汁好甜，椰肉好嫩好juicy，好貼心配了個細細個的匙可以挖椰青肉食。椰青沙冰都好飲，冰涼透心。甜品點了泰式甜品拼盤。唔鍾意吃太甜的我都忍唔住食曬。最鍾意的是椰汁西米糕，夾心有芋頭，真是好好味，置身泰國享受假期的feel～

疫情兩年黎望穿秋水都未等到可以去泰國旅行呢排實在太掛住，即刻約咗個friend 食下呢間成日排長龍嘅新泰。想講每次想walkin 都幾難等位，今次終於食到！原來入面咁大咁多位，見到仲有vip room。點解可以仲有咁多人排，心諗真係咁好食？本身以為燒豬頸肉沙律係凍食個種，點知同生菜包係friend。唔緊要，我同個friend 一人一個私家生菜籃仲開心。講返個餡，燒豬頸肉係會用埋d 金不換之類嘅香料炒，勁香！雖然油d，用生菜包住食fresh 好多。第一次食鴨肉鬆嘅生菜包，估唔到d 鴨味嘅生菜包都幾match，唔錯嘅創新口味。用咗好多蒜粒加青紅椒炒，好惹味喎！我覺得送啤酒一定好正！不過嗰日冇叫到酒今次個主菜就係明爐烏頭！就係呢種酸酸辣辣嘅味道，仲有下面個火滾住條魚熱辣辣，醒胃又鮮味，好有曼谷夜市大排檔整嘅風味，係可以一解思鄉之愁。其實我成餐最期待就係佢，一上枱噴煙嘅？原來d 糯米紫米飯都係熱上，連個椰汁都係熱架！食落係比平時香勁多倍！加上酸酸甜甜嘅芒果，我覺得個糯米飯係呢間餐廳必點嘅選擇！飲埋個清新嘅椰青，刮埋d 椰肉食，真係心諗幾時先可以去到泰國？

間唔中都想食下泰國🇹🇭菜 今晚兩個人晚餐就簡咗新泰東南亞餐廳！之前成日經過尖沙咀都見到門口好多人排隊，好彩個晚係閒日唔洗等就可以入～ 門面裝修好有泰國風🛺🌴猶如置身泰國🇹🇭個晚兩個人都好肚餓！叫左好多野🤤食到飽飽濟濟豬肉碎生菜包- 食落小辣幾惹味 都包到成8塊 好充料🤤 串燒沙嗲- 我地簡左3雞3豬 雞肉好嫩滑🥰 忍唔住食晒 豬肉我地都以為會好「鞋」但食落又唔會喎！燒原條魷魚🦑 配酸辣醬 - 雖然魷魚🦑唔算大條 但個燒汁真係好香！點埋個酸辣醬 食唔停口～～～～馬沙文牛腩 另加薄餅 - 想食咖哩又想食特別d 唔想簡青咖喱 🍛於是第一次簡左呢款馬沙文牛腩 意外地好食 食到有好多牛腩、薯仔、蔬菜🥬 配埋薄餅 超好食！ 不過因為後期食到好飽 只能食小小🥲芒果糯米飯- 講到泰式甜品點少得芒果糯米飯！就算幾飽都要叫😍 佢有普通糯米同紫米 個人鐘意食紫米多d 加埋椰汁🥥好正～～～～飲品方面叫左椰青😋😋味道不錯！整體而言 好滿足既一餐！餐廳適合一大班朋友嚟食！因為可以試多幾樣野🥰🥰🥰

星期五夜晚既尖沙咀超多人係無book檯既情況下 最後搵到呢間等咗5分鐘左右既泰國菜 於是決定入去試一試我地一行三人 竟然比我地坐到好靚好有feel既梳化位 坐落好闊落舒服 同朋友gathering吹水係唔錯既選擇串燒有6條 豬牛雞各2味道都ok 不過d肉就真係偏硬食泰國菜次次都叫既菠蘿炒飯味道就正常 但入面無咩料搵勻都係得一隻🦐呢個酥炸香茅魚反而好得打卡靚之餘個魚炸得好香 啖啖肉 基本上無骨數埋都有10幾塊配埋個酸酸味味既醬汁同埋青木瓜沙拉（超辣）一d都唔漏超級好食食泰國嘢就唔少得椰青清甜可口最鐘意慢慢刮埋d椰子肉食不過有一點覺得餐廳可以改善 就係員工清潔檯面既時候會噴一d消毒既液體我地個日食到一半既時候佢地係到清潔隔離張檯噴到我地呢邊都有個下搵手遮都遮唔切而且仲要好嗆鼻🤢🤢如果可以改善下就好

位於加拿芬道既呢間泰國菜對正係K11商場對面，位置十分方便，而每次經過都唔知有間咁既泰國菜，係無意中先知，同埋今日見無咩人排隊，咁就入去試試啦～佢既餐廳係要落一層到地下先係食野既地方，而一落去先知佢既餐廳面積都幾大下，咁岩當日係比較早去到，所以都可以揀下位坐，但有啲枱就一早已經比人book左了～而餐牌都係以泰菜為主～椰青（$45）個人認為飲椰青最重要就係溫度要夠凍，而呢間都做得到，椰青既size都大，而椰汁亦好清甜，不過呢度mark up 椰青既價錢就比其他高左小小，不過都係可接受既範圍內～冬蔭海鮮炒飯（$88）整體份量正常，不過可能佢既炒法係將冬蔭功湯不斷收汁炒落啲炒飯度，炒飯就比較黏身，唔夠乾爽，感覺上比較係濕炒既做法。但炒飯既味道唔錯，飯粒係入哂冬蔭功湯既味道，味道酸辣皆有，而海鮮既配料都係蝦，魷魚同青口，配合埋炒飯食的確唔錯👍🏻泰式明爐魚（$188）今次就揀左鱸魚，味道個人認為比烏頭好，而佢都係原條連鍋上，而呢道菜坊間既泰國菜好多都有得食，而呢間都唔錯，魚肉都滲哂味，唯獨個人認為湯汁未夠青檸既酸，未必可以提出魚肉既鮮味～總結嚟講呢間泰國菜係屬於中上價位既餐廳黎，而味道都算正宗，

最近局長行過尖沙咀突然心癮一起 好想食泰國嘢就上OpenRice睇吓附近有啲咩見到有哩間新泰 就決定試吓間野真係勁多人局長都排咗一段時間先入到去食 仲要係平日嘅夜晚所以所以見到呢間舖頭真係好高人氣要食都要早啲嚟排都算係咗座無虛席由於篇幅有限影唔到餐牌 首先黎個椰青滋潤下先 清甜好味局長又叫咗蠔仔煎jerjer聲 好香口 好好食 😋哩個我一個人清哂清清地叫左個椰菜苖 要食菜！又叫左小食拼餅 咩都有 fit哂因為今日得兩個人食飯 叫唔到太多但哩個拼盤有齊蝦餅魚餅春卷同生菜包滿足哂局長所有願望 正呀最尾當然要食芒果糯米飯埋齋 爽呀總括依然今餐都係一餐幾好味泰國菜不過真係好多人排隊 呢間野仲有好多分店如果下次想食泰國嘢都會食佢 貪佢多分店又就腳質素又好最尾食完埋單 都差唔多10點疫情下真係好慘 10點就要關門 想翻枱都做唔到臨走有影下個門面比大家睇

成日經過尖沙咀都會見到呢間泰國餐廳大排長龍，今日難得早收工終於有機會食到👍🏻🥰我哋大概6:00去到都開始要等位，大概10分鐘就入到去。成間餐廳有好多泰式嘅佈置，連啲侍應姐姐都係泰國人，感覺真係好似去咗泰國旅行咁🇹🇭✈️基本上所有講得出嘅泰菜都有得食，我哋叫咗個小食拼盤，裏面有泰式魚餅、蝦餅、春卷同埋肉碎生菜包。個人最鍾意蝦餅，炸得好趣口，肉碎偏向有啲辣，我每食一啖就要即刻飲椰青，所以唔食得辣嘅朋友要注意😂😂另外仲叫咗鐵板蠔仔炒蛋，一上到枱勁有鑊氣，蠔嘅份量勁多，仲有醬汁一齊點，果然係餐廳招牌菜👍🏻到咗今日嘅重點芒果糯米飯！唔係講笑真係好好食，一嚟芒果好甜🥭，椰漿勁多，有兩隻糯米飯揀，啲飯仲係暖嘅，勁有衝動叫多一個食，可惜已經好飽唯有下次再嚟食過～整體來講呢間泰國菜喺香港都算係數一數二好食，而且價錢相宜，下次會搵多幾個朋友一齊encore!!!!

同大家分享件趣事🤣🤚🏻香港地泰菜館好多時都選擇改個好泰風格既名，呀萊乜、Thai乜咁，呢間改名咁正經真系好似搜尋出嚟既結果一樣🤭門口大堂放置左部泰國🇹🇭既「篤篤車」，啱晒去打卡，真系未入門已感受到泰國風情，燈光偏向暗黃色，上樓後見唔少設計/裝飾都系以泰國感覺為主，例如筲箕形燈罩設計、木椅、藤椅、木枱等等，身如泰國感覺👉🏻麵包咖哩焗軟腳蟹 $208除左入面咖哩有加椰奶外，面頭都有再加些少椰奶手🥥，咖哩味好濃椰奶香，可以加多左椰奶關係，咖哩本身唔太辣，用外脆內軟既麵包去浸咖哩入口更加美味，可能個人口味上麻麻地咖嚟咁重椰奶味，如果淡少少椰奶再濃d咖哩更正👉🏻肉碎豬肉包豬 $72芫荽系面，入面味道同平時食到豬肉生菜包差唔多，都系九層塔、香茅 、檸檬葉、蒜蓉碎、洋蔥絲咁樣，呢到既小辣都真系幾辣下，如果怕辣既朋友就要小心，職員都好細心會問客人想要幾辣，可以提出比小辣更微辣既要求會食得更放心生菜份量啱啱好足夠包晒肉碎，每道菜份量都約2-3位左右，非常足料椰青解辣點可以唔預椰青呢🤭😂椰青夠甜，入面既肉都筆到出嚟食，軟硬適中，好似多左味甜品一樣整體來說，餐廳氣氛、服務、食物質數唔錯，可能我地叫既野食偏向

公司未搬前成日去灣仔新泰食晏，$8x左右有大大份泰式美食，平。靚。正！因此，同朋友食飯想食泰國野都會諗起新泰🥴🤟🏻有晚想係尖沙咀食泰國野，一openrice就發現原來尖沙咀依家都有分店！——————可能餐廳範圍係地庫嘅關係，尖沙咀嘅門面主要用作等候同接待區。等候區慷慨到有沙發同成牆植物，令你等都等得感覺舒服過人😂因為冇訂位嘅關係，唯有食早啲，6點幾就已經入座。雖然午市已經食過好多次，但其實餐牌上仲有好多食物未試過。（😂 梗係啦，唔知係第二個餐牌嘛）所以，是晚就同7哥決定叫新野食！———-首先前菜，都係叫返我食開又鍾意食嘅😂1. 醃無骨鳳爪沙律 同 2. 飛天通菜（其實冇諗住當前菜，但佢極速上菜）🔥無骨鳳爪好開胃，沙律部份有生洋蔥等，就比較重口味🤭而食泰國嘢點會唔叫通菜啊😬我8掛望下附近啲人食咩，至少左右兩檯都叫咗無骨鳳爪或/及飛天通菜，果然係熱門美食🥴3. 椰青食到辣辣地，而我又唔食得辣😂梗係要叫個椰青減減辣！冇伏！清甜！由於係堅椰青，啲椰青肉真係刮哂出黎食 😂4. 串燒（豬、雞、牛）$88 有6大串，抵到喊😂 冇特別preference，就每種肉2串，岩岩好同7哥一人3串試勻哂！啲肉

同朋友約咗係尖沙咀食飯，見天氣凍凍地，就想食啲泰國菜感受下泰國嘅熱情氣氛。呢間餐廳位置十分之方便，喺K11商場一出加拿分道對面就係啦！一去到就已經有一個知客姐姐好熱情咁招待我哋，佢個門面非常之靚，真係好值得一去試吓！玩面就已經有好多綠色嘅植物，令人心曠神怡！個餐廳係喺地下，我哋六點半去到已經有唔少人，可見個餐廳好受歡迎！我哋去到之後，見到Menu非常之多嘅選擇，全部都係泰國嘅名菜。我哋一行四人叫咗好多嘢食！1. 泰式生蝦朋友都話好好食，生蝦十分之新鮮，好似係你個舌頭都跳咁！2. 泰式金邊粉金邊粉嘅賣相好靚，食落味道都好好！3. 馬拉盞炒通菜我哋唔係好食得辣，所以要左小辣。味道非常之濃郁，好有泰式風味！4. 菠蘿炒飯菠蘿炒飯有好多配料一齊炒菠蘿同個飯非常之配合！你飲方面我哋要咗經理推介嘅西柚啤酒同埋椰青，果然冇令我地失望椰青非常之清甜，西柚啤酒呢，就好清新唔會有好重嘅酒味，推介大家一試！

同朋友一直都好想食泰國菜，行過尖沙咀發現呢間泰國菜餐廳門面好靚，就一於決定入去試吓佢啦！！入面裝修闊落華麗，唔會太迫，好啱朋友或者情侶入嚟一路食一路傾計。首先我哋叫咗飲品。第一樣係椰青，本身以為會冇乜特別，一飲落口發現唔會太甜，椰子味夠清新，入面仲有厚身椰子肉，開胃一流。另外我哋仲叫咗椰皇沙冰。問過老闆，餐廳將椰子水，椰奶，花奶，煉奶，同埋椰子肉用攪拌器打埋一齊，先做出呢個望落極具視覺震撼嘅椰皇沙冰。我同朋友都覺得沙冰唔會死甜，有椰子香味之餘亦都因為有花拉煉奶嘅緣故令到整個感覺更有層次感，非常㩒飲，去到買單嗰下先飲完，值得推薦。食物方面我哋叫咗一個泰式生蝦作為開胃小菜。蝦肉彈牙香甜，配上蒜蓉辣椒以及餐廳特製嘅辣椒魚露汁好惹味！另外我哋叫咗燒豬頸肉估唔到非常足料亦燒得啱啱好唔會過老。肉質厚實之餘夠多汁彈牙，重點係嗰個汁，係用香茅，魚露，南疆以及等等香料調製而成，較甜帶點小辣，我同朋友都食到停唔到。我哋亦叫咗半隻海南雞嚟到發現都幾大碟，配有兩款汁，分別係姜蓉以及泰式酸甜醬。本身以為雞髀以外嘅位，例如雞胸嘅肉質會比較柴，但意料之外嘅係呢間餐廳將雞胸肉處理得好好，肉質嫩滑，雞味濃厚且脂肪均勻，

一去到門口 就感受到佢門面裝修好靚 有流水 又要位坐 一流 果然入到去 裝修唔錯 卡位寬敞 仲有咕咕 坐到好似返左屋企咁舒服，環境方面都算係咁坐落見到d餐具都幾得意同精緻另外值得一提既係，佢出菜既順序都幾講究，首先係前菜沙律先，之後就係小食，接住既係主菜，即係飯面之類，最後係甜品首先黎左個青芒果沙律先，非常開胃，酸酸辣辣咁之後就係雞翼，幾重牛油味，唔錯，值得推介跟住就係個飯，菠蘿炒飯夠乾身，色澤唔錯總結黎講值得一試，如果2個人黎，可以叫少啲，今次食得好飽

新泰喺香港開咗好多間分店，都係泰國菜。其中喺尖沙咀加拿分道，裝修係特別靚，地牢下面成層，特別有氣派。梳化攤位雅座，都非常舒服，地方闊落。如果夜晚九點幾之後，你想搵個地方飲嘢坐低傾計，可以唔使選擇去咖啡室，不如直接過嚟新泰坐低，凍飲特色可口，又唔需要飲咖啡咁熱氣，糕點可口，坐得舒服，而且仲有Wi-Fi。椰青🥥（$38）去到一定要叫。採用名牌椰青🥥💦，非常新鮮，而且啱啱好熟，唔會太淋唔會太硬。椰子肉咬下去會有香味湧出來，椰青水甘甜多汁，正！蒜蓉貴妃苗🌱 ($82)每一次晚餐都一定要食！材料非常健康新鮮，上碟的時候已經閒到一陣新鮮菜苗🌿，入口的時候有濃郁蒜蓉汁。菜苗每一條非常幼、瘦，但水份非常飽滿，而且清新爽口，令人相當回味。千層糕🍮泰式椰汁千層糕，相當的甜，而且椰汁🥥青綠色糕點非常彈、煙韌，如果叫咗，千祈唔好叫甜野飲，否則會非常膩。最好配合咖啡、奶茶走甜。椰汁冰非常特級甜！🤩如果鍾意高甜ge人，一定能夠滿足。綠豆冰