研香

Open Now

Now Closed

食完晚飯再俾哦耐性等嘅糖水舖～舖頭裝修環境幾靚木系元素，但座位數量不多，所以要排一段時間20-30分鐘先有位，剛好晚餐落格又有戰鬥力可以甜品胃出場啦。楊枝甘露芒果份適中啦，楊枝甘露味道正常發揮龍眼冰唔多地方有得試，龍眼肉好Fresh好新鮮，味道一流夠晒凍紫米露最傳統不過的港式糖水，正常味道椰奶重味正呀！

兩溝果仁糖水，果仁香濃一濃一淡，醇香出色😚！・・・・・・・・・・・・・・・・・・・・🥣 芝麻合桃 HK$38・味道：芝麻同合桃兩者好夾，平衡得好好。芝麻味好香好濃，合桃嘅果仁香亦都好足，一濃一淡咁樣mix埋，靠果仁本身嘅甜味，好香好食！・口感：聽落以為好杰好厚好漿口啦，點知完全冇！！！普通糖水嘅液體狀但完全冇溝浠，唔會好厚身好kick，出色喎👍🏻🥭 楊枝甘露 HK$46・味道：正常香甜芒果，餡料都夠足，柚子粒唔苦，芒果粒香甜冇渣，西米煙韌，掂。・口感：熱辣辣時最啱食keke・・・・・・・・・・・・・・・・・・・・🤰性價比：高～🤰9衝度：9衝～🤰結論：雖然食唔到開心果糊，但其他糖水都不錯，唔使排隊嘅話可以一食。都幾大碗，呢個價錢嚟講幾抵食！・・・・・・・・・・・・・・・・・・・・

呢間收藏咗好耐，試下招牌開心果露豆腐花，話原價$68減到$48，仲叫咗楊枝甘露。開心果露第一☝️次食，感覺新鮮。但豆腐花好食過開心果露，好滑。第一☝️次豆腐花加湯丸（加$10），不過不失。楊枝甘露既柚好甜，好開心。週圍全部國內人士，小紅書功不可抺。有國內人士喺店內食肥哥俾職員話，不過店內又冇告示話不可食外來食物🥘，班國內人士照食完肥哥先走，有d無品

朋友介紹研香@尖沙咀厚福街，高度讚許榴槤冰所以專程去尖沙咀食午餐，再去食研香食甜品榴槤冰（$58）在店門外已經可以聞到榴槤香，喜愛榴槤的朋友必試。榴槤冰非常出色，榴槤果肉都不少，再配搭榴槤雪糕及榴槤味的碎冰，味道很好，大推。楊枝甘露（$46）楊枝甘露都不俗，不過相對榴槤冰就略遜一籌。雖然味道不俗，以這個價位卻又顯得不值。總結： 榴槤冰出色 但店鋪空間不大 座位略顯狹窄服務沒有特別出色 價錢略貴 CP值不算高味道： 8.5/10服務： 6/10環境： 6/10打卡： 7/10CP值： 6/10推介值：7/10

曾經開到成行成市嘅港式糖水舖，執吓一間執吓又一間，而家價錢合理又用料靚嘅糖水買少見少。 研香係著名扒房 Top Blade 嘅副線，疫情期間跨界開始做網上團購，去年喺尖沙咀厚福街開設實體店，設計好似一間 Cafe 咁坐得舒服。店內主打傳統糖水，選用進口果仁利用精磨機自家慢磨，一般係用嚟研磨可可豆，聽聞每次要用接近八個鐘先達至理想嘅細膩度，花費大量時間成本心機，呢份堅持可以話係不惜工本。為咗令味道更濃郁，小店非常揼本，招牌嘅限定開心果露 ($48) 以來自意大利西西里嘅開心果磨製而成，每日只做到兩輪賣晒就無得食啦！堅果嘅天然油脂同香氣特別濃郁，味道香醇餘韻悠長，比平時食到嘅開心果 Gelato 濃郁幾倍！質感極致幼滑，細味會感受到少許顆粒感，甜度好輕微食落健康啲，配埋滑溜豆腐花，嗜甜嘅朋友可能會覺得有啲淡，但對我嚟講啱啱好。本人係杏仁茶愛好者，好多人唔鍾意嗰隻獨特嘅味道，可能係俾茶記杏霜嚇親，但好嘅杏仁茶應該有種清香。研香嘅杏仁茶濃稠度剛好，加埋大大粒麻茸湯圓 ($43)，食落似手工搓咁煙韌軟糯，喜歡 🤍間間糖水舖都有嘅楊枝甘露 ($46)，可以睇到係勁足料啖啖芒果肉，又唔會有啲奇奇怪怪