麵屋神匠

Open Now

Now Closed

呢幾日落雨，涼左啲，感覺好想食拉麵‼️（咦？……）近近地，學完結他就有間係左近。<極上蟹白湯拉麵>離遠都聞得到好香既🦀味，湯底濃郁鮮甜，又有啖啖蟹肉，麵身亦都掛湯...... 無投訴‼️慢煮既叉燒亦有驚喜。<神匠蕃茄蝦湯沾麵>身為蕃茄控忍唔住叫左，一樣非常香濃，茄湯同櫻花蝦係絕配‼️平時食開拉麵，今次食沾麵就略嫌湯汁太鹹朋友本身教路可以叫店員比木魚汁......不過今次就用偷佢啲蟹湯代替😛 都好唔錯！麵身比較硬，岩晒我鍾意嘅口感。套餐加左兩款小食🤭🤭<溏心蛋>雨天唔食得炒蛋，但就可以食溏心蛋？🤔（有冇人話我知點解唔食得炒蛋......）有冇咁鍾意食，麵本身已經有半粒，小食仲嗌就知朋友有幾熱愛溏心蛋，正常發揮，好友認證係過到佢個關。<南蠻炸雞>不過不失，雞有雞味...xD 同mayonnaise都夾。<梅酒>少見拉麵店有梅酒‼️cheers🥃

昨天中午見難得唔需要排隊,所以就馬上去嘗試左濃厚蝦湯拉麵,湯底非常濃郁,有蝦嘅鮮味,但又唔會有腥味.叉燒非常軟綿,但厚度又足夠.唯一係筍乾有D硬,雖然我中意食脆筍,但今次又少少硬.拉麵冇的選軟硬度,剛開始我覺得有DD硬,但後面就好好多啦.今晚老媽子聽我昨天講到咁好味,所以就一定要拉我黎再食多次.所以我終於有機會嘗試昨天就想食嘅極上蟹白湯拉麵.湯底本來以為比蝦湯要清,但實際上要更濃稠.講係湯,實際更接近汁了.蟹肉鮮甜,昨天還覺得有點硬的麵條,和蟹湯搭配起來就剛剛好了.最後夜晚本來特別擔心卡路里的我,也沒辦法抵抗湯的誘惑全部清光.罪惡感爆炸啊.

在小巷轉角的日式拉麵店 鄰近油麻地鐵路站 晚上去長期都是長長的人龍 相信我！人龍店跟著排就對了！絕對不會錯的！·店內掛滿了日風燈籠🏮徬如置身於🍜日本拉麵店（就讓沒錢去旅行的我幻想一下吧）菜單上的拉麵選擇也很多樣化 值得一試！👍🏻··🦀極上蟹白湯拉麵[$128]嘩！嘩！嘩！（純屬真實感覺）看菜單已經pick了這個 市面上好像較少有蟹湯 大部分都是蝦湯底 所以這個真的很推薦大家！超濃郁的蟹湯底 還有蟹肉在旁 份量十足👍🏻 細麵條勁道十足 把濃郁的蟹湯都全部吸收了 那種味道就像在海中游泳一樣🏊🏻很鮮的味道 配料還有半只溏心蛋、兩片大叉燒（味道不像平常吃到的叉燒）、筍片、蔥花等… 相比蝦湯這個蟹白湯比較清淡 但個人卻比較喜歡 推薦！·🦐濃厚蝦湯拉麵[$98]剛才提到的蟹湯是超濃郁的話 那麼這個蝦湯一定是超濃郁的湯底了（濃郁度是高了三個層次😀）鮮味程度是在深海中游泳的感覺(旁邊的深海魚在跟您say HELLO👋)配料除了溏心蛋那些外 還有香脆小蝦米sss 令口感增加了不少 必食！·🍗 日式唐揚炸雞[$38]炸得金黃香脆的炸雞 加上沙拉醬一起吃 不會膩口 真的特別配👍🏻

每次喺油麻地行去旺角都會經過呢間日式拉麵店，店裡面掛左好多燈籠🏮做裝飾，有如置身日本一樣🇯🇵！星期一至五2:30pm起有下午茶餐供應，有拉麵配飲品，可以加配小食，而且免加一，認真抵食！😋極上蟹白湯拉麵（$108）有好多鮮甜嘅蟹肉🦀、2大片叉燒🐖、半隻糖心蛋🥚、荀，拉麵🍜軟硬適中，而且份量同其他時段一樣👍🏻追加左2款小食：糖心蛋（+$10）食完先發現今餐原來食左1.5隻糖心蛋🤣～蛋黃顏色好靚，入口即化，甜度岩岩好🤤芝士年糕（+$10）外脆內軟，裡面仲有流心芝士🧀，一塊唔夠喉😆每張枱都有調味料可以自己加，我就加左中間個樽拉麵糊椒，加左之後拉麵嘅湯底更鮮味😉～

好味指數：👅👅👅👅抵食指數：⭐️⭐️ ⭐ .5 回頭率指數：⭐ ⭐ ⭐ ⭐️⭐️次次去油麻地都會經過呢間麵屋神匠，見佢裝修幾靚，終於去左食，真心有驚喜！二人套餐 $ 238極上蟹白湯拉麵🦀🦀👍🏻 湯底真係要大讚！有蟹同豬骨味，油而不膩，好creamy 好濃厚，我全部湯飲晒😎👍🏻冇咩味精，食完唔算好口渴👍🏻 麵底軟硬度適中，好掛湯！👍🏻 蟹肉好多仲要係新鮮蟹肉！唔係果啲蟹肉碎，但用人手拆嘅一大塊蟹肉！ 份量多到食到最後都仲可以一啖蟹肉一啖麵咁食💕👍🏻半熟蛋有蛋香，係用靚蛋👍🏻 份量啱啱好，好夠飽🥹唯一可以改進嘅我覺得係嚿肉，肉好薄，雖然好嫩，但我個人嚟講，鍾意厚身啲嘅神匠火炙叉燒丼飯👍🏻 舊肉好淋，肥瘦分佈岩岩好，油脂唔太油 👍🏻 用珍珠米，有飯香， 口感煙煙韌韌，仲要有少少煲仔飯焦味👍🏻份量好足 餃子 （4隻）🤔 普普通通，雖然好脆口，但略嫌乾左少少總括嚟講：野好食 特別係個蟹肉拉麵湯底！服務不錯價錢合理 絕對可以放心試 我一定會再食！🤤🤤🤤

氣溫突降旺角街頭都只有13、14度，想搵間唔使等位既食店醫肚，朋友好想食拉麵話等位都要食，中午12點半店外已排了一條小人龍，雖然唔係好長但目測店內店鋪坐位唔太多，應該快都要15分鐘左右 係寒風中等咗真係 15分鐘，好彩都係等4枱，入到小店坐位都係日式風情，木枱木櫈整潔衛生。極上蟹白湯拉麵～湯睇落好濃好咸，但答落唔太咸，有鮮甜蟹肉海鮮味，有好多已拆肉的蟹肉，食到好多蟹肉好鮮甜，蟹肉新鮮爽口。拉麵軟硬適中分量亦適中，义燒有兩塊目測瘦的，但入口軟綿淋化，肉味鮮濃，好味非常，溏心蛋流心有蛋香，加上配菜竹筍、紫菜，配出麵的不同層次口感，好味道連湯都飲晒黑蒜細醬油拉麵～因有醬油比較油少少，但不失蒜香味，但湯底有少少似某牌子公仔麵的黑蒜湯底，其它麵裏的配菜同蟹白湯麵一樣唔再多講，但2款比較起來還是蟹白湯麵比較豐富美味。日式炸餃子～炸得外皮脆而不油膩，但沒太大驚喜，同平常日式店餃子差不多，不過不失。總括拉麵水準甚高，麵質軟硬適中，湯底咸淡適宜又鮮味，值得一讚，係寒風中等咗 15分鐘都值得無中伏🤣🤣😋😋

秋季係食蟹好季節🍁市面上不少拉麵店都以蟹入撰🦀推出各式各樣拉麵🍜旺角彌敦道嘅「麵屋神匠」，除咗招牌蝦湯外，亦推出極上蟹白湯拉麵❣️地點咁方便，作為蟹痴嘅🐻點可以唔去朝聖🤪.麵屋神匠正正位於油麻地地鐵站一出嘅行人巷❣️落地大玻璃下，於遠處就見到掛滿日式燈籠🏮非常易認🤓店內裝潢都充滿和式設計🇯🇵都有幾分似係日本橫巷食拉麵😛.🍴極上蟹白湯拉麵💰$128奶白色湯頭入口充滿濃郁蟹肉鮮甜味🦀質感creamy濃厚💕 拉麵麵條軟硬適中，掛湯力強，每口都沾滿甜美湯汁😍配料方面，蟹肉份量超多😚慢煮叉燒肉質非常鮮嫩且重肉味😋流心蛋半熟嘅蛋黃剛剛好👍🏻好快就將成碗拉麵清晒，一滴不留🤣.🍴火炙叉燒醬油拉麵💰$88醬油湯底清澈透亮，味道甘甜順口，唔會得死鹹👍🏻 叉燒肥瘦適中，火炙過後油香更突出🤤.🍴日式唐揚炸雞💰$38三大塊炸雞🍗外皮炸得非常香脆，肉質依然保持嫩滑多汁💦雖然係油炸但油膩感一點都唔重😌.旺角咁方便嘅地方，有如此高質及價錢合理拉麵店🍜啱晒收工食碗拉麵再返屋企😎

天氣轉涼，係時候食返碗熱辣辣拉麵。地點揀左位於彌敦道既麵屋神匠，呢度既蟹湯拉麵同蝦湯拉麵係第二度好少有，而且味道非常好。而家有午市餐牌，有9款拉麵選，包汽水4選1，亦可升級飲品或加小食。極上蟹白湯拉麵 $128極上蟹白湯拉麵個湯真係奶白色，飲落蟹味非常香濃，而口感超滑溜，加埋去殼蟹肉一齊食，蟹味就更濃，真係非常出色！伴有半隻入味滑溜糖心蛋，爽口扁筍，同京蔥加葱花。圍喺碗邊有叉燒兩大塊同紫菜兩片。叉燒係薄切，質感瘦不過夠嫩。拉麵係幼身雞蛋麵，雖然浸左落湯度，不過唔會太腍，硬度適中又有蛋香，再加埋個蟹白湯真心好食。神匠蝦汁拌麵 $78第一次食呢度既拌麵，原來幼身雞蛋麵已經撈好蝦汁，個蝦汁甜甜地好特別，仲帶微微蝦香。我鍾意呢個拌麵特別彈牙，好有口感而富蛋香，可以撈埋櫻花蝦仔，京蔥，葱花同好香既香茜一齊食。肉類有兩塊燒過既叉燒，質感都唔錯。仲有一隻糖心蛋。呢碗拌麵定價非常吸引。日式唐揚炸雞 $28日式唐揚炸雞一客3件，炸得皮脆肉嫩，肉汁豐富，伴有少少鹽比你調味。可樂雪碧（跟餐）汽水係罐裝。服務員自動俾埋獨立包裝飲管你，方便衛生。結論係呢度既拉麵真係堅好食，次次都無失望。愛好蟹湯蝦湯拉麵人士必試

今個星期繼續頻繁搵食，這次來到位於油麻地的拉麵店，店裏裝修格局很有日式風，店舖隱藏於彌敦道彎角處，幸好招牌都稍為耀目所以很容易便找上。。。《三人入座分別點上黑蒜蝦湯拉麵HK$88, 極上蟹白湯拉麵HK$128, 與及蝦汁拌麵HK$78.》（黑蒜蝦湯拉麵），偷呷一口黑蒜味道不算太強烈，但口味絕對適合大眾，薄薄的豚肉片肥瘦適中，這個價錢算是合理～另一個（蝦汁拌麵）由於天氣熱，覺得食拌麵應該是一個不錯的選擇，這一個我相信是整台之中排名第二，我喜歡輕輕火炙過的豚肉片，有很香的火炙感覺，吃在口中雖然豚肉已經冷卻，但這股火炙後味道實在提升了豚肉不少的滋味，拌麵下的蝦汁亦相當充足，令到每一條麵條都充斥着醬汁的香氣，好吃～☆☆☆☆至於全餐中的No.1莫過於便是較為貴的（極上蟹白湯拉麵），湯底非常之濃，而且滿滿蟹肉鮮甜味道，下次再訪我一定會獨佔一碗～☆☆☆☆(煎餃子)可以跟上作為套餐另加HK$10.對於餃子的評價我只是中平，以HK$10. 加上四隻餃子，還會要求什麼？整個用餐體驗自己非常滿意，雖然是小店一間，當日就只有兩名青年職員招呼，但都很禮貌週週，吃畢摸摸肚皮滿意的放下銀両離開。★此店有接受八達通收