第一郡 (Moved) New Location

《第一郡 Q1》荔枝角道315號地舖 Happy Friday!~ 今晚唔想食太飽，所以揀咗係深水埗，警署斜對面附近嘅第一郡買越南法包做晚餐🥣越式法包，都OK嘅，性價比高，個包軟身，不會太硬太靭，但個人覺得大角咀蔥仔個味好食啲：沙甸魚法包，未見過所以叫來試吓：呢間店嘅法包有大量芫荽，芫荽控會好開心😍。但如果唔鍾意食芫荽嘅，就要預先講定走或者少啲芫荽啦。到甜品啦~先食咗個榴槤糕先，好香榴槤味：之後仲有馬豆糕、紅豆糕、紫米糕、芒果糕同芋頭糕；佢既糕點比較軟身，不是那種爽爽地個隻糕，好好味，特別推薦紫米糕、芒果糕同芋頭糕，好香濃😋 芋頭糕好似食緊竽溶咁～斑斕綠豆糕，底面用煙煙韌韌既斑斕糕，包著中間既綠豆溶，好香好好味，口感亦很好！個人覺得佢既糕點好食過法包，有機會經過再來買糕食～

除咗泰國菜之外，我都好鍾意食越南野。呢間越南餐廳已經有好多朋友叫我去試，結果真係冇失望😛平日夜晚嚟都要等咗一陣先有位，仲要keep住有客排隊，可想而知呢間越南餐廳有幾出名。。。🔘越式法包 $45評分: 🌕🌕🌕🌕🌕評語: 呢個係一定要食！店主會幫我哋切開先上，兩個人share食就啱啱好，法包烘至脆身，而且非常足料，有扎肉、青瓜、醃蘿蔔絲、肝醬、芫荽，令到口感非常之有層次，酸酸甜甜非常開胃。👍🏼👍🏼👍🏼。。🔘烤豬肉撈檬 $55評分: 🌕🌕🌕🌕🌑評語: 豬肉醃得好入味，烤焗完仲keep得好juicy，生熟程度啱啱好，有肉汁得來又唔會太乾。撈檬大大碗非常之足料，配料有花生碎、蘿蔔絲、生菜，口感豐富。唯一可挑剔係麵質比較易碎好難夾起。。。🔘牛油果沙冰 $30評分: 🌕🌕🌕🌕🌑評語: 如果話似沙冰，我會話佢比較似奶昔多啲，而味道偏向重奶味，當中帶有淡淡的牛油果味，而牛油果沙冰都係真材實料，唔會太甜。。。🔘榴槤糕 $8評分: 🌕🌕🌕🌗🌑評語: 本身想試佢嘅斑蘭綠豆糕，但原來斑蘭綠豆糕十分之搶手，要早啲嚟先有機會試到。既然無緣賣晒，就一於試下佢哋個榴槤糕。榴槤糕有淡淡的榴槤香味，質感其實同椰汁糕差唔多

黎到深水埗見到咁多人Like呢間餐廳就梗係要試下! 大約等咗15分鐘就入得，樣樣嘢食都好吸引🤗平時鍾意食熱辣辣嘅湯麵，但今日天氣太熱喇!☀️🔥想食下啲開胃嘅菜式!呢個越式法包超乎想像咁好食，諗起都好想搵日再戰! 個包皮脆脆地勁易入口，調味酸酸甜甜夠fresh!裹面嘢餡料非常豐富，有齊扎肉、腩肉、酸蘿蔔、青瓜、蔥、芫荽! 🥬🥖🥕 食咗半個一D都唔膩，只覺得相逢恨晚🤭之後再食烤豬肉撈檬，烤肉醃得入味又Juicy😚😚配上大量嘅白酸蘿蔔同埋花生碎，口感好豐富令人食唔停🤩事先撈好嘅檬酸甜汁值100分，每個味道都Balance 得十分好! 撈檬爽口又彈牙，夏天食涼拌粉麵係一大樂事!仲有我至愛既牛油果沙冰，口感細滑香濃，用料十足! 🤩🤩鍾意牛油果嘅朋友千其唔好錯過呀!最尾試左令我非常非常非常驚喜嘅榴槤糕! 雖然貌相平平但超有內涵~❤️🧡💛💚食落充滿榴槤嘅香味，仲有絲絲嘅新鮮榴槤肉，非常欣賞老板嘅真材實料同埋用心! 即時同男友打包多每人4個返屋企慢慢慢慢歎😚😋總括嚟講呢間係一間非常值得推薦嘅越南餐廳! 價錢合理之餘~食物質素出色又地道!