雞翼山 (Closed)

小店位於黃埔站A出口，轉個街口直行就會見到粉紅色裝橫既小店而同朋友係黃埔附近食完晚餐先過黎食宵夜，所以今次都係淺嘗一款口味，兩個人share＄48/6件雞翼，檸香山葵蟹籽雞翼＄48/6件小店好貼心安排左一個打卡位等大家可以影相，而雞翼即叫即煮，等大約10分鐘就有得食，熱辣辣好惹味！重口味既我揀左檸香山葵蟹籽雞翼，酸酸甜甜得黎d醬汁唔會搞到雞翼脆皮淋晒，係唔錯既，真係要多謝朋友既介紹不過由於小店得兩三張高凳俾大家係戶外坐或者立食，所以天氣太熱或者太凍都會有少少辛苦呢

地頭是紅磡，喜歡這裡小店多多。走著看見這裡開了家新的小店，專賣雞翼，竟然也有一條人龍，也就趁墟試試。這裡的雞翼口味很新穎，其中有些更是別的店沒有的。花多眼亂之下我們要了四款，每款四隻試試。小店走文青路線，簡約的裝潢打卡不錯。原來這裡沒有座位，只有企吧枱的小空間，在大熱天時下要拿著袋子汗流浹背地站著吃畢雞翼也有點難度，最後我們還是外帶品嚐，吃得滋味一點。之前在銅鑼灣的Little Vegas第一次吃這口味的雞翼，甜度有點人工。但這裡的版本十分清新，甜度來自蜂蜜，滿佈玫瑰花瓣既帶香氣又能點綴色彩，連男生吃到也讚不絕口。鹹檸七十分能夠代表香港風味，鹹鹹酸酸的味道蘸滿了每一隻雞翼，調味足夠且突出，是我是晚的至愛。避風塘口味雖不是創新，但也很有風味。這裡的炸蒜做得十分乾身不油膩，份量夠多，令雞翼味道更濃郁。 辣度也是剛剛好，不會太過火但也不至少得失真。檸檬香與山葵的味道出奇地合襯，帶點辛的刺激很過癮，加上檸檬令醬汁不會太膩。蟹籽下得很慷慨，加添口感。味道來說這個十分討好，女生會較喜歡。留意這裡的雞翼全部都是即點即炸，而且是生炸雞翼，外皮脆口但不會有太厚粉的情況。不會過份油膩，雞翼內裡肉質嫩滑多汁

身邊總有一、兩個朋友好鐘意食雞翼，而我肯定係個雞翼控，一個月食幾多隻實在統計唔到。最近終於試左呢間好多人介紹嘅雞翼山。事實上，中環cafe出品嘅玫瑰雞翼，亦一直係我嘅口袋名單，而家更加方便小店以雞翼作為主打，有多款特色口味，例如玫瑰雞翼、避風塘蒜香雞翼、鹹檸七雞翼，甚有創意。裝潢走少女心路線，配合主題：不要儀態，只想吃雞翼。鋪面裝潢以粉紅、白色為主調，設置小型打卡位，滿足相機食先嘅客人。由於面積不大，不設座位，以外帶生意為主；但如果想即場享用，亦有幾個立食位置。平日晚上都有不少客人，大部份以外帶為主，相信為附近街坊。由於即時製作，需時等候，天氣稍熱都無阻雞翼控的決心餐牌方面供應7款口味雞翼，分別為玫瑰、鹹檸七、熱情果、避風塘蒜香、芝士、山葵蟹籽、味噌，自家醃製過並即叫即做。價錢方面，4件$38、6件$48，可選一款口味，雞翼或雞搥，有優惠價加配飲品。而最划算就是點算套餐，$128包括16件雞翼 (可選兩款口味)、飲品兩杯。文青風玫瑰雞翼 $38/4件雞翼本身頗大隻，面頭鋪滿香草，再加上少許玫瑰花製成，口味獨特，適合喜歡甜味的客人。雞翼外層沾滿自製玫瑰糖醬，香脆肉嫩，完全不乾柴。味道甜而

去到聽店鋪老闆講，呢間外賣店係來自中環人氣Café，因太好賣就係黃埔開左呢間以玫瑰雞翼做主題的手羽專門店。作為雞翼控嘅我，當然黎呢度打打卡啦。今晚我同朋友share咗四款雞翼：文青風玫瑰雞翼聞落去已經好有玫瑰花糖香味，完完全全包住雞翼，甜而不膩，花香細溢，肉嫩多汁。港式避風塘蒜香雞翼好港式風味嘅元素，港式避風塘蒜香注入雞翼，帶點麻辣，口感超香脆，蒜香四溢惹味。濃味三重芝士流雞翼三重芝士味濃，芝士醬淋滿炸雞翼上，好芝味！不過有啲肥膩。檸香山葵蟹籽雞翼青檸的香甜同山葵好match，酸酸辣辣，再加上蟹籽嘅鮮甜，非常惹味！

「不要儀態⋯⋯只想食雞翼」，一間以雞翼為主題的專門店，店舖雖然面積不大，但外型設計吸引，白色為主配以紅、粉紅色，旁邊有一條小小梯級，可供小朋友站高拍照留念分享店舖不提供座位，只供客人即場享用或㚈賣，而外賣餐具都是採用完全可被自然分解的無塑餐盒及凍飲杯，是一間對地球負責任的小店我們二人即場先試試檸香山葵蟹籽雞翼，淺綠色的醬汁，加上豐富的蟹籽，視覺上已很吸引，還插上一支小旗子🚩，放在雷米金杯前面，賣相吸引極獨立包裝的手套，方便客人手口並用，想得周到，又容易引起話題，全都是賣點初嘗一口山葵味道，非常不錯，如果是 Wasabi愛好者，建議一定不能錯過，還有淡淡檸檬香味，而蟹籽就牢牢的混在一起，果然不負所望另外三款決定帶回家享用，外賣餐具十分精緻，環保♻️材料，值得一讚包裝得很細心，似乎沒有因為運送過程而令食物水準降低避風塘蒜香口味，沒有想像中的重口味，反而蒜香你特別出色，不錯和風濃口味噌雞翼，雞翼味特別濃厚又不失細緻，實為「濃口味」者必選。我係鹹檸七雞翼，咸咸酸酸，又有七喜汽水的甜度，好得意過癮創意小店，值得支持，下次一定要試埋其餘兩款

一向鍾情和風日系的我，非常喜歡糅合咗 Wasabi 同埋蟹籽嘅食物，一直都搵緊究竟 Crossover 點樣嘅味道，會帶有日本之味，又不失香港地道風味？無錯，就係雞翼！好開心遇到呢間雞翼山，諗到呢個檸香山葵蟹籽雞翼創新配搭，令我好似遇到故知一樣，做出我心目中想要嘅小食！講返個雞翼，隻隻都係即叫即炸，粘上香甜青檸醬，外面仍然是每啖脆卜卜，而裡面繼續滑溜入味，醃料味道啱啱好。加上口口Wasabi加蟹籽，辣吓辣吓更過隱。一次過食到咁多層次口味，我個人十分滿意！雞翼山，一定有下次！

食乜野最無儀態？雞翼一定係頭三位！見到呢間雞翼店的粉紅色打卡牆金句，決定同朋友黎試下佢地o既雞翼！ （Btw， 我地試晒7款雞翼，總共食左近30隻，店家都話次我好俾面清晒）除了打卡牆，店家都特別Set左個靚靚拍照區，道具仲好有文青感。文青風玫瑰雞翼呢個係中環Sogno+ Cafe嘅招牌菜，以花入饌九成係伏，但呢個玫瑰雞翼從來唔會伏（我自己好鐘意食），玫瑰蜜糖薄薄地包裹著雞翼，甜甜地唔係好人工嘅花味。加埋少少玫瑰花瓣，吸睛度大增。我係咸檸七雞翼呢款係有返咁上下年紀先會喜歡，咸檸七降火呀！酸酸甜甜泛著真咸檸檬味，唔係味粉，雖然就無乜7UP味，但雞翼夠大隻熱辣辣啖啖肉，非常喜歡呢個咸酸Coating！如果有杯咸檸七就好。和風濃口味噌雞翼甜甜地O既麵鼓汁加埋木魚，好日系好 match！檸香山葵蟹籽雞翼呢個配搭會聯想起陳根記手撕雞，但因為wasabi 個味太濃，不過望住佢添蟹籽又好治癒，如果喜歡wasabi 好攻鼻的感覺可以一試，我自己就一般啦。價錢：$38/4件， $48/6件  $128/16件+2杯特飲只有128的可以揀兩款口味，其他都是單點一款口味，不設雞槌雞翼雙併。雞翼是即點即炸再加C

屋企最細個個最鍾意食雞翼, 知道開左間雞翼專門店,特意黎拜訪.店舖用上了粉紅色裝修, 真係收賣好多少女心,仲有一幅自拍牆, 可以慢慢爬上去影相.知道店舖用了無激素雞翼黎炮製, 食得好放心, 特別係俾小朋友食.我地試左4款雞翼+2杯飲品,4款味道有:文清風玫瑰雞翼 – 片片玫瑰灑有雞翼上,每隻雞翼都沾滿了玫瑰味的蜜糖, 好香好清新!濃味三重芝士流雞翼 – 可能係外賣關係,芝士醬另外分開裝的, 芝士味濃又唔會稀, 我地食一啖點一下,勁愛呢隻芝士醬!我係鹹檸七雞翼 - 鹹檸七雞翼又係第一次試,鹹檸七少少酸又少少咸, 原來都幾FIT雞翼架喎!檸香山葵蟹籽雞翼 – 呢個Wasabi蟹籽醬又係無得頂,微微的刺鼻感再加上蟹籽的卜卜脆, 個醬係第一個被吃完的!由於店舖沒有坐席的, 我們要轉移到附近公園食,原來袋內店舖都準備埋手套俾我地呀!炎熱天氣下飲埋2杯特飲, 消暑又解渴!片片綠 - 青瓜特飲 及 天空藍- 鮮檸檬特飲, 2杯都好REFRESHING, 好清唔會濃, 可以沖淡一下雞翼的油膩感.下次經過我一定再食!

跟朋友約定，每隔個星期去行一次山，過一個健康的暑假。但我今日偷偷地撇開行山友，同一班大食朋友去行了另外一個山，哈哈，就是黃埔的新開小店 - - - 「雞翼山」！Menu簡簡單單，有三種不同的套餐；4隻、6隻、16隻雞翼，任君選擇。朋友們想試多幾款不同口味，所以今次大多點了細Size的4,6隻雞翼。人多真的好辦事，一口氣食真的吃了很多雞翼！文清風玫瑰雞翼、我係鹹檸七雞翼、熱情果寶寶雞翼、港式避風塘蒜香雞翼、濃味三重芝士劉雞翼、檸香山葵蟹籽雞翼、和風濃口味噌雞翼。我自己特別喜歡「我係鹹檸七雞翼」，別看他其貌不揚，普普通通，其實每隻雞翼都由7-up煮成的醬汁四方八面的包圍，加上咸檸的濃郁點綴，酸酸甜甜非常過癮，是一個喜出望外的新奇味道。而招牌點題作，文青風玫瑰雞翼當然如相片一樣，好吃又好看。每隻雞翼都沾滿玫瑰糖漿，加上一瓣一瓣的玫瑰花瓣，味覺視覺嗅覺都被召喚起來，絕對沒有欺場。另外一款我覺得值得一試的是「檸香山葵蟹籽雞翼」，脆卜卜的炸雞翼外面，鋪上一層層Wasabi醬汁，Topping更有粒粒蟹籽，完全是和風味道。有層次之餘，辣辣地很惹味，也中和了雞翼的油炸感，甚是喜歡。