DHYC Dimsum Restaurant

Open Now

Now Closed

「DHYC」原來係「得閒飲茶」嘅意思。餐廳位於MONTEREY Place，面對將軍澳跨灣大橋，仲係寵物友善，客人可以邊飲茶邊欣賞海景。 碧螺春/人蔘烏龍先揀茶，可以一人揀一種。碧螺春好濃味，人蔘烏龍有回甘唔苦澀。 焗叉燒包菠蘿包面焗得鬆脆，叉燒餡料肥瘦適中。 鵪鶉蛋松露燒賣已經唔多茶樓有鵪鶉蛋燒賣，加咗松露增加香味。鵪鶉蛋仲做到流心效果，好嫩滑。 韭菜金錢蟹盒外脆內軟，韭菜份量都幾多，香味濃郁。 生拆蟹粉大良炒鮮奶以蟹肉、鮮奶同蛋白為主炒製，入口順滑，食得出真材實料，火喉亦控制得啱啱好。加埋陳醋則可以解膩。 魚香脆肉寶炸肉餅入面加咗芫荽同洋蔥，幾香甜，粒粒洋蔥亦令口感冇咁單一。 櫻花蝦家鄉煮米粉櫻花蝦釣出少少鮮味，成鍋米粉樸實無華。

今日搵食搵到將軍澳南嘅DHYC Dimsum ，DHYC意思姐係夠鐘飲茶。餐廳裝修佈置比較新式，同酒樓或者其他點心店唔同，坐位比較闊落而且坐得比較舒適。餐廳望向將軍澳跨灣大橋，環境幽靜又夠chill，可以望住個夜景食點心。叫得夠鐘飲茶，當然講講佢啲茶先。餐廳以細細壺嘅茶壺上茶，可以自己加水，細細壺可以保持住水溫，唔怕好似一大壺茶飲到一半就凍晒。鐵觀音($9/每位) 佢呢到茶葉好靚，鐵觀音茶葉完全無苦澀味，飲落好好香好順口，飲完個人好舒服，超推薦。餐廳主打傳統同新派點心，點心即叫即蒸，仲有好多傳統同新派家鄉功夫菜。今次叫左幾款試下，全部都好正。蒜蓉粉絲蒸鮮魷($48)鮮魷爽口彈牙，而且充滿蒜香，墊底嘅粉絲吸收鮮魷同蒜蓉嘅精華，超惹味。鵪鶉蛋松露燒賣（$55）鵪鶉蛋燒賣係一款傳統點心，DHYC將佢同黑松露結合埋一齊。豬肉嘅油香混合埋黑松露嘅香氣同鵪鶉蛋鮮嫩嘅口感，食完一啲油膩感都無，而且口感豐富。焗叉燒包($38)叉燒包用酥皮焗成，入口香脆鬆軟。叉燒同叉燒醬汁亦配合得好好，唔會太甜。最重要新鮮出焗，熱辣辣勁好食。蟹肉大良炒鮮奶（$148）呢道功夫菜，好考廚司功力。鮮奶炒得好滑，唔怕散晒，