叁嘗 (Closed)

呢日響天后果邊做野，收工後就同男朋友搵野食醫肚，就俾我地發現到呢間高質黃店🥰店內座位唔太多，平日晚市唔洗等位就入得，野食主要係日式料理+西餐，重點係價錢幾抵，Main大概係$8x-13x，仲要唔收加一，味道相當唔錯😄>原條鰻魚滑蛋飯：大大條鰻魚鋪面，鰻魚肉質軟嫩好似入口即化咁，滑蛋都幾滑的，蒲燒汁濃郁，甜鹹味道配搭得幾好，簡簡單單又惹味💕>明太子蟹肉忌廉意粉：好大份好足料，2個人share都得，醬汁creamy又鹹香，意粉好有咬口，食到有鮮甜蟹肉碎，面頭仲有少少明太子作為裝飾，難怪有咁多人推薦呢個。>櫻花蝦炸豆腐：平時就食得多椒鹽豆腐，櫻花蝦炸豆腐都係第一次食，估唔到又幾好味，櫻花蝦炸到脆卜卜，豆腐軟嫩滑溜，補鈣一流！>比利時窩夫配雪糕：食飽飽當然要以甜品作結，列日窩夫味道比較濃郁，口感偏紥實，配上楓糖糖漿，甜而不膩，幾好味。>蜜桃檸檬紅茶：天氣轉凍飲返杯熱茶就岩，有少少桃既香氣，飲完暖笠笠，仲可以叫侍應幫手加熱水沖多杯。

有咩驅使同天后冇咩拏更嘅大胃，會專登走過海食個晚餐呢？因為天后其實真係好多美食，尤其係良心餐廳都唔少呢間晚市都爆棚，相信一定有保證首先嚟個櫻花蝦豆腐，外皮嘅櫻花櫻多到認知唔到呢幾舊係豆腐，但咬落好脆身，一啲都唔掘喉，裡面嘅豆腐卻嫩滑非常牛板腱非同小可，唔需要醬汁配搭，簡單用鹽吊味，已經牛香撲脷，肉質煙韌，火候剛好薯條粗幼適中，脆口爽身，伴碟一流意粉醬汁足料到不得了，濃厚蟹肉忌廉醬冚住啲意粉，多到見唔到麵底咁滯，食落果然味道濃郁，蟹香四溢，意粉彈牙度亦十足佢地嘅心太軟水準都唔錯，可以烘到外脆內軟，流心稠結度拿捏得宜。配埋豆腐味雪糕，一濃一淡，黑白通食互相輝映梳打果味突出，唔會似溝山寨糖漿咁感覺好fresh，又能解渴

呢間小店嘅裝修非常之雅致清新，菜式選擇型好多，喺Fusion 小店。非常之適合同閨蜜一齊傾偈, 一路食嘢一路chill 一晚👭今餐叫既食物好精緻，而且擺放得好有藝術感。睇得出店主好有心機！🥰食客都深深感受到！要試下no1:吞拿魚他他牛油果醬配多士牛油果🥑牛油果同吞拿魚出奇地搭配，再茶落多士上，好媽食。吞拿魚係生的，但係非常之新鮮，唔怕食到肚痛😂要試下no2:櫻花蝦炸豆腐第一次食咁樣嘅配搭，櫻花蝦好甜好香😋豆腐亦唔會炸到好乾，份量亦10分足夠要試下no3:叄嘗卷用綠色米紙包住，有少少似壽司卷，唔錯，配埋隻碟好靚😍

呢排同媽咪鍾意兩母女自己出去食飯，早排睇完報道就嚟咗呢度打卡🤣原本睇到餐牌有檸檬薏米水，都唔夠膽買，因為驚佢唔係自家製，如果係叫貨嘅話通常都唔會好飲，咁啱有一個媽媽問檸檬薏米水有冇熱嘅，侍應答佢啱啱煲起無耐，所以係暖嘅，我一聽到自己煲，即刻二話不說舉手嗌一杯嚟飲🤤一直鍾意飲呢個飲品就係因為係新加坡嘅時候成日飲，清得黎又可以解渴，最好就係可以去水腫，佢呢度冇落糖，所以都唔會肥，味道調較得好好👍🏻 媽媽睇完報道已經話一定要試佢嘅櫻花蝦炸豆腐同埋慢煮三文魚，所以一坐低已經帶咗呢一個前菜🤪櫻花蝦本身已經係一個輕微處理一下就可以好香口嘅食材，所以用嚟配豆腐再炸，呢一道菜已經可以好夠味道，廚師配以鰹魚汁，就可以平衡到。媽媽驚唔飽，所以喺主菜度揀咗明太子蟹肉忌廉意粉。 意粉嘅texture  啱啱好，有口感，唔會overcooked；蟹肉都好多，唔會食兩啖就冇哂😂 整體來講都滿意西京燒比目魚配日式煮物，一開始先食配菜，配菜都用醬汁煮過，尤其蘿蔔，非常好食，又鮮甜👍🏻比目魚亦做好主角嘅責任，皮脆肉嫩，好juicy  三文魚一向唔易煮，呢個慢煮醬油三文魚柳要等25分鐘，但值得😊 媽咪一開始諗住厚身嗰邊會