翠林辣蟹舫

好多人都嫌食蟹麻煩，今日我這個「蟹癡」難得約到朋友一齊去食蟹，用OpenRice book咗翠林辣蟹坊lunch.一入去就安排我哋二人入包廂，疫情下感覺安心又貼心。揀咗$780全包的二人套餐。頭盤「黃金豆腐」，都算大碟，只是覺得裏面的豆腐好似係用咗盒裝豆腐，乏豆香，有點失望。套餐三款菜選擇咗「黃金流沙蝦球」、「香煎元貝帶子」同「水煑牛肉」。以為蝦球係用咸蛋黃流沙地包住，其實只係炸蝦球，有啲黃色一粒粒的放在炸米粉上，並無咸蛋黃呋亦無「流沙」😅，幸好蝦球尚算大隻同彈牙。香煎元貝帶子，用美極鮮醬油炒過的洋蔥墊底，一般般。水煑牛肉叫了中辣，辣中帶麻，味道不錯，可惜有兩三塊牛肉韌到咬唔到。主菜「避風塘辣蟹」肉質好，外殻炸得剛好，咬落好脆，有驚喜！不過唔知點解個擺盆無之前網上見到的噤靚-見唔到蟹腳！追加咗「黑白胡椒蟹」，（Oops, 又係擺盆-有隻蟹鉗放開咗啲！）這隻蟹比先前的多肉，蟹鉗又大隻啲，味道不如星加坡的胡椒蟹惹味，但肉質鮮，都好好食😋今日好高興邂逅到你哋呢兩隻蟹，幸會幸會！整體而言，坐得舒服，招呼好，蟹靚疫情價，不妨一試

今晚相約好友去了滿有好評、專門吃蟹的翠林辣蟹坊一嚐辣蟹的滋味。原來蟹都有挺多煮法，我們本想吃避風塘炒，但看到黃金流沙很好奇，會是咸蛋黃吧，決定一試。黃金蟹一出現，感覺很震撼！連著辣蟹坊的招牌盤上菜，整碟菜就如大大一座沙山一樣，份量多。金黃橙色的蟹焗得又香又脆，焗過的關係，殼很容易就脫開，蟹肉也保持鮮味，滿有肉汁是新鮮的。燒汁香煎百花蝴蝶蠔上面有蟹籽、蔥花，一啖咬下十分滋味，蠔質地不會很老很硬，夠入味～水煮牛肉，材料豐富，辣度不會太辣，份量很多，很惹味我們吃不完還可以打包😂上湯浸時蔬，想不到除了蔬菜，還有魷魚，所以整個湯也很鮮味，菜盡吸收了湯汁～海苔脆脆酥也很有驚喜，質地很爽脆，不會太甜膩，很香口開胃。

想試lee一間好耐啦！事緣係朋友仔話試過好好味，今次終於有機會可以試下～叫左一客雪梅娘蕃茄，賣相好吸引，味道酸酸甜甜咁，好特別。而且佢係涼菜，所以好開胃。黃金流沙蟹，賣相超有氣派，勁似宮廷入面嘅食品XD 隻蟹好大隻，聽d侍應講，d蟹都係來自越南，特別大隻。黃金色嘅流沙其實係由鹹蛋黃炒出黎，非常香口。我地不嬲都好鍾意食「水煮」嘅餸菜，於是叫左一客水煮牛肉，佢唔算好辣，牛肉份量都好多，加埋其他豆卜、芽菜咁，搞到成個碗好滿～避風塘炒蜆，呢個餸係menu無㗎，係個侍應見我地想食蜆，又想試避風塘口味，所以先幫我地問下廚房可唔可以整，結果真係肯整比我地（心心眼）。佢嘅避風塘口味好夠，而且配埋蜆肉超好味～～最後叫左一客香芒櫻花蝦炒飯，香芒+櫻花蝦好鬼正，口感一流，又有水果食下，感覺無咁漏～～我地都非常滿意lee一餐～～

避風塘炒蟹喺香港就出晒名㗎啦， 今次朋友介紹咗間專食蟹嘅舖頭喺尖沙咀亞士厘道， 認真唔錯。有好多明食家、明星都嚟過㗎，有霆鋒、鼎爺、Gigi姐。除左食蟹之外，當然都有小菜啦，叫左個飛天芥蘭，一上枱就已經夠曬鑊氣， 用煲上咋咋聲，個職員仲喺正你面前炒呀炒，香氣十足，芥蘭好甜，不過都唔夠超鮮甜嘅蝦乾，咸咸香香，非常惹味。白雪紅梅骨酸酸甜甜，好似話梅咁嘅味，最適合夏天食，非常開胃，令人食慾大增。仲要面頭加左少少芝麻香味。水煮牛肉係川菜之選，如果鍾意食辣嘅朋友就啱曬，呢味餸主要用花椒同埋乾辣椒去整，絕對可以滿足你嘅味蕾，客人可以隨自己喜好，選擇辣嘅程度，我今次只係揀咗bb辣，都好夠味啦，啲牛肉好嫩滑，好濃味，豆腐卜完全將辣汁吸收晒，而且賣相五顏六色好靚添。主角出嚟啦， 黃金流沙奶蟹，離遠已經聞到香噴噴 ，超多蛋黃，薄薄一層，而且唔會膩。 平時喺出面食嗰啲舖頭食一兩隻黃金蝦已經飽到反肚，今次食多多都唔會膩，師傅果然好手勢！蟹鉗仲要好多肉，蛋黃嘅香味完全滲晒入蟹肉度，一啖一蛋黃香，真係好好味今餐真係大滿足，下次黎要試埋個避風塘炒蟹先~😉