川大哥

Open Now

Now Closed

今日同FD試一家佢好like嘅川菜小店，話水煮魚超高質。哩間小店裝修唔錯，卡位都坐得幾闊落。可樂，食辣嘢最佳配置。哩間鋪頭會提供蒜蓉，香菜等小料食魚用,都幾貼心。川辣口水雞，一份都好大，叫咗小辣，食落都比出面辣少少。雞肉好大一件，食落肉質好緊實，唔會覺得好柴，開胃前菜黎講唔錯。水煮魚鍋，真係好大一份，係用咗生魚片黎煮。魚片片得好薄身，煮得啱啱好，食落真係好驚喜，魚肉不單止好幼滑，同埋完全冇骨，全份食完食唔到一條骨，勁like。湯底唔會覺得好辣，飲落仲有少少鮮甜味，應該係落足魚骨黎煲湯。哩份水煮魚真係好食過香港9成川菜鋪頭，估唔到更高質素。辣子肥腸，FD啲最愛。用蠟燭護住個煲啲溫度，幾時食都唔會覺得凍。肥腸處理得好乾淨，預先醃制過再炸得好香口，同洋蔥，黃豆等配料一齊炒，好有鑊氣。紅糖糍粑，一直係食川菜必叫啲甜品。糍粑送上來仲熱笠笠，食落好酥脆，搭配埋紅糖黃豆粉一齊食，好match，最後真係食到好飽TIM。估唔到哩間鋪頭質素更高，尤其係水煮魚，下次要試試用佢湯底打邊爐，真係可以一再encore！

行完深水埗玩具街後，每次都會走到精品看模型，這次和太太去也是一樣。買到心頭好後想在附近醫肚，正好經過這間川大哥，睇落環境唔錯，決定試試佢🤩✏️位置（7/10）：地點稍偏，交通不差✏️環境（8/10）：裝修用心，感覺舒適✏️衛生（8/10）：保鮮醬料盒，乾凈衛生✏️服務（8/10）：店員友善，上菜很快✏️食物（8/10）：川式食物，味道正宗🌟水煮魚鍋 - $258選了鯛魚片做主角的水煮魚鍋，訂造鐵鑊上台，放入大量的鯛魚片，雖然選了小辣，仍然有大量的辣椒及花椒，以及芫荽及娃娃菜，味道香辣，魚片及娃娃菜相當入味，很惹味討好😍🌟麻辣娃娃菜 - $49用錫紙盒裝住娃娃菜，用蠟燭不停加熱，同時放入辣椒粒、花椒及香蔥，味道唔辣，反而有點鮮甜😚🌟紅糖糍粑 - $48細細條的紅糖糍粑，微甜而煙韌，稍為有點過硬，味道算唔差🤣🏠川大哥📬地址： 深水埗黃竹街29號地舖