川大哥

Open Now

Now Closed

呢間啲川菜好抵食，最欣賞呢間嘢啲嘢唔會辣到食唔到，要抗擤鼻涕或者食到個嘴紅晒。 辣的味道合宜，唔會擋佢啲食物味道。 夜麻麻去嗰度打個邊爐或者唔打邊爐都有好多嘢食🤟泡椒魚皮 $39 Omg 好味道勁爽口，晶瑩剔透，同洋蔥一齊食正魚皮的質地滑爽，吃起來無腥味，泡椒的酸味與辣味結合🤟魚皮吃起來非常開胃，刺激味蕾食唔停辣子肥腸 一碟都有好多舊，炸得好脆，但係一咬落去啲汁咇晒出嚟🤟送酒都好過癮。黃金酸菜魚鍋(鯛魚片) $ 256手切肥牛 ，唔加肥牛就慳返58所以好抵。真係好抵食鯛魚片加埋肥牛先係256，仲要係好食兩個人坐喺梳化位，啲燈光又暗，好寫意啲鯛魚係勁實淨，唔似內地餐廳一食落口滑嘟嘟就冇咗，即是煲咗好耐食落口都係爽口彈牙入味👍佢啲配菜有勁多囉，酸菜芽菜，成個湯底都好入味。冇飲啤酒啦，叫返啲熱茶冇咁熱氣熱茶菊花決明子見佢個Menu有啲紅酒提供，咁唔使自己再帶佢或者行嚟行去買都好方便，最尾嗰支情人好似幾正來自法國，果香青蘋果熱帶水果

其實平時真系好少食烤魚酸菜魚，朋友特地帶我深水埗出名又可以食特別嘅魚，餐廳裝修整齊企理幾現代化。烤鴨咀魚一上枱真系一條鴨嘴魚，魚好長好得意，魚咀比鴨還要大，肉質都比較爽口和結實，咬感幾好，加上青藤椒有少少麻辣味道變得香口甜美，骨膠原相當豐富而且好多肉，另加了紅薯粉，浸在火鍋內紅薯粉黏黏煙靭好特別。蒜香烤生蠔（6只）首先講size系超巨型，而蒜香味濃厚，生蠔滑溜新鮮。蒜香燒茄子味道濃厚，茄子已經炆腍，大量蒜蓉蒜香汁味道滲透出來。泡椒魚皮魚皮切得粗身大條，帶微辣感覺而爽口，跟洋蔥一起吃很開胃。雞皮餃子（4只）這裡雞皮餃子外型有點似春卷，我喜歡雞皮薄薄已包著雞肉在餃子內，煎至金黃色好脆口。串燒組合雞中翼/2串（小辣）、厚切牛脷/2串、黑豚五花腩/2串、墨魚丸/2串、脆皮芝士腸/2串串燒全部都少辣，口味適中，燒得均勻，都是四川風味。墨魚丸蛋呀，五花腩肥瘦均勻。阿膠黑糖姜棗不是茶包，清楚看見大大粒紅棗杞子，份量足夠兩個人。

夜麻麻又係搵宵夜食嘅時候，搜尋到附近有間食四川菜，仲有串燒食，一於gogogo！門面光猛，有室內室外座位Menu有好多選擇，首先叫咗一個串燒組合拼盤，每樣有少少可以試吓，仲可以揀辣度，啱我呢啲唔係好食得辣嘅人。串燒組合：有雞中翼、雞軟骨、牛肉串、羊肉串、雞肉香腸和雞腎串，份量十足，每款都有兩串。我揀咗小辣，唔會好鹹，辣到亦都啱啱好。蒜香烤生蠔：呢個真係要推介吓，生蠔勁大隻，熱辣辣仲有好多蒜蓉，好惹味。蒜香燒茄子：size好大條好香，味道唔會俾辣味搶咗尖椒皮蛋：我平時都好鍾意食皮蛋，呢個尖椒皮蛋嘅汁比較特別雞皮餃子：有四隻，味道不錯炒萵筍絲：原本以為係小碟，原來都好大碟哦！我揀咗清炒，萵筍絲好鮮甜，入邊有一片片嘅辣臘腸，只係好輕微嘅辣，唔食得辣嘅人應該都唔會覺得辣。羅漢果雪梨菊花茶：飲品清涼解渴，飲到底原來仲有冰粉，幾有咬口，微甜。

一間位於深水埗嘅隱世川菜火鍋🔥🔥好多選擇！食唔食得辣都可以黎✨✨————————————————————❤️ 鴛鴦火鍋：四川牛油麻辣（小辣）X 特濃蕃茄鍋---唔太食得辣又想食辣就點左個鴛鴦鍋小辣嘅麻辣鍋配香濃蕃茄湯兩款湯底都好足料夠濃味～————————————————————❤️ 手切肥牛❤️ 7吋長蟹棒❤️ 日本讚岐烏冬---比較特別嘅係7吋長蟹棒😍係平時蟹柳嘅三倍長度！手切肥牛都幾肥美幾重脂香🥩點左個烏冬配餸配湯食～————————————————————❤️ 牛肉串（小辣）---除左火鍋，呢間仲有好多串燒選擇！試左牛肉串，沾滿辣粉幾香口惹味～————————————————————❤️ 流心紅糖糍耙❤️ 鹹蛋黄芋圓波波---另外點左甜點小食，都幾出色！兩款都炸得外脆內軟，煙煙韌韌😙兩款都好流心，流心控必點！————————————————————

四川美食盡在川大哥B1出口左面一直行見到黃竹街路牌再轉左一直行就會見到！可以開Google Map導航帶你行！尖椒皮蛋：晶瑩剔透嘅蛋皮，已經好吸引，加上尖椒，簡直Perfect match！皮蛋新鮮好味！爽口彈牙！自家製：羅漢果雪梨菊花茶拼冰粉必點嘅飲品！羅漢果可以下火，雪梨可以潤喉，菊花茶可以明目，冰粉令到整杯飲品更加有口感！黃金酸菜魚鍋（小）小辣，第一次食酸菜魚，不一樣的好味魚！鯛魚除咗可以當魚生，煮酸菜魚原來可以係咁爽口彈牙！魚肉就好似魚片咁一樣咁彈！配料有酸菜、辣椒、大荳芽菜令整鍋湯底更加香濃好味！逐漸滲入魚肉當中！好好味呀！推介推介！串燒組合A X1雞中翼/2串（不辣）*1雞軟骨/2串*1牛肉串/2串*1羊肉串/2串*1雞肉香腸/2串*1雞腎串/2串*1以上都係四川街頭小食！必推！就好似去咗四川一樣！

啱啱同朋友去開深水埗，突然想食啲酸酸辣辣嘅嘢，上OpenRice 見到「川大哥」大家嘅評價都幾好，咁就嚟試吓啦酸菜魚鮮香酸辣，魚肉嫩滑無骨，酸菜爽脆開胃，湯底濃郁帶微辣，搭配花椒、辣椒，層次豐富，令人回味無窮！辣子雞香辣過癮，雞肉外酥內嫩，炸至金黃後與乾辣椒、花椒爆炒，麻辣鮮香撲鼻，椒麻味濃郁，越食越上癮，配啤酒一流！酥炸豆腐唔似平時食開嘅豆腐，反而有啲似魚腐嘅口感，外脆內爽彈牙，配埋酸酸辣辣嘅醬汁，非常開胃整體環境食物都非常優質，會再返嚟

服務好好 好friendly 蠔正到爆 有幾隻手指厚香港未見過餐廳咁大隻蠔 好鮮 有海水味勁正 員工體貼電視超清晰 有出面坐 夠哂放鬆入面坐位超夠闊落出餐每件都靚到打卡影相再錄影另外主菜 因為有小朋友關係 叫了一個藥膳雞 都係超入味 斬出來的雞 鋪排位超整齊 打卡勁靚 兩個雞頭俾埋你 好味 勁飽 超幾十件 斬得好用心機好想返去再食多次蠔 下次要試埋個魚 帶朋友家屋企人黎環境都好好 唔失禮 狂影打卡自拍照環境裝修都好岩 唔使番大陸過關食 正 👍 祝長做長有

朋友提議去深水埗食川菜，起初心諗深水埗唔會有乜好嘢喎，點知我嘅諗法係大錯特錯😂我哋去到先食串燒，當串燒上到枱時一望落去仲以為又係D燒到乾爭爭嘅串燒，點知一咬落去原來佢係燒到外面脆、𥚃面係非常Juicy，真係估唔到係咁好食👍🏼而且每樣串燒唔係統一只食到調味料嘅味道，而係每樣串燒都有本身原料嘅味道，最令我驚喜係有我至愛嘅雞皮餃子👍🏼尤其是燒粟米，外表好似燒到好乾、但係咬落去D粟米汁可以咇出嚟，真係好Juicy、好有粟米味😋不得不提就係佢哋嘅炒萵筍絲，我見到可以砌到成個太空館咁，仲以為一定係炒到好腍，點知我食第一啖之後都未吞晒落肚就已經忍唔住再夾，炒得非常爽口，而且有好濃蒜蓉味，究竟係點樣可以炒得咁好食㗎，其實我當時有D衝動想入廚房訪問吓個廚師😄食完一輪串燒、小食之後，我哋就叫咗個麻辣雞煲少辣，味道都好正宗，辣度剛好。但我個人就略嫌雞斬得細件咗少少，我呢個大胃王食嘢都係鍾意食啲大大件😂但對其他人嚟講應該會覺得OK😁其實雞大細件都冇乜所謂，最緊要係味道啫，整個雞煲除咗雞之外，配料都好足。由於個雞煲真係好好味，所以我哋最後都加個烏冬放落雞煲淥，烏冬配埋雞煲嘅汁，簡直係人間美食😍食飽飽之後先俾我發

我是從社交媒體網站得知有這間小店的，本著過來試試的心態，但竟然給我驚喜。今次已是第三次過來了！每次想食雞煲，就會想起川大哥。第一次我是叫麻辣雞煲的，雞煲真的好食，雞不會太肥，配菜亦多，雖然有點辣，但味道非常惹味👍今次試了蒜蓉炒萵筍，菜很爽脆之餘，亦很惹味，忍不住口叫了兩碟， 好食👍仲有每次必點的流心糍粑，紅糖不會太甜，外脆內軟。而我朋友就較喜歡芋圓波波，內面有咸蛋流沙，有點似煎堆仔，好邪惡但非常味美👍十分推薦這餐廳👍👍

真係食到懷疑人生淡淡都有新鮮驚喜🥴麻辣烤魚（鴨嘴魚）條魚OK嘅冇問題👍新鮮、唔係好多骨，但個湯底完全冇味，以為係煮得未夠耐唔夠入味，飲一啖個麻辣湯底，得辣椒油味淡茂茂，好似飲緊水同油，冬瓜有六片有一半生嘅。泡椒魚皮-生洋蔥多個魚皮，魚皮細到好似牙籤。組合A(雞翼、羊肉串、雞軟骨、排骨）嗌小辣，完全冇辣味剩係得粉，叫佢俾多D辣椒粉我哋，加落去都係冇用。燒排骨 一開始食落以為係豆腐，之後見到個骨覺得應該係牛肋骨，埋完單先發現原來係排骨。羊肉串冇羊味剩係得臊味。雞軟骨唔使講啦，調味料都冇味。雞翼似腍咗、冇味嘅土匪雞翼（成個組合A食落全部都係粉）豬大腸冇味 落返少少鹽都OK。紅糖糍粑唔差，可以試吓、夠熱、個紅糖食落唔會太膩口。牛舌都OK。好腍身。整體嚟講都值得推介嘅 but係俾你唔鍾意嘅人。個阿膠黑糖姜棗茶普普通通中規中矩。

深水埗宵夜！主打麻辣烤魚水煮魚酸菜魚仲有多款川式串燒、烤海鮮、川式小食甜品等-👍🏻水煮魚鍋（大） $258🔸美國牛頸脊（大） $268🔸珊瑚蚌 $98水煮魚可以揀鯛魚或生魚鯛魚片厚薄適中，份量十足！啖啖肉唔多骨，完全唔腥辣度幾溫和，唔會太熗喉刺激配料仲有大量芽菜、酸菜同粉絲，勁吸湯另外可以嗌啲火鍋配料打邊爐推薦美國牛頸脊！雪花均勻，牛味極濃郁珊瑚蚌都新鮮，用水煮魚湯滾兩滾食得，超正🤤-👍🏻蒜香烤生蠔 $96/3隻勁大隻！即叫即燒，鋪滿蒜蓉、蔥花、辣椒幾鍾意啲蒜蓉燒得夠熟夠香，蒜味唔會蓋過蠔鮮味😙-👍🏻厚切牛脷 $39/2串厚切大塊，估唔到非常軟腍🤪灑上少量辣粉，主要食牛舌嘅羶香-👍🏻鹹蛋黃芋圓波波 $49呢個幾有特色比較少見芋圓波波外層香脆，內層煙韌帶紫薯香內餡鹹蛋黃味道偏甜，食落反而似奶黃，幾好食-🔸其他菜式價錢參考錫紙燒花蜆 $59豬寸骨 $39/2串黑豚五花腩 $39/2串豬頸肉 $39/2串流心紅糖糍粑 $49-📍#川大哥 @chuan_bigbrother 深水埗黃竹街29號地舖

呢個位置基本上唔會點經過，如果唔係朋友話呢度有一間好正嘅烤魚，都唔會特登嚟試，絕對係隱世美食餐廳🤭呢度除咗烤魚之外，仲有雞煲、酸菜魚等等，亦有火鍋配料可以加配打埋個邊爐，另外仲有其他小食同埋串燒。《川大哥》係酒吧餐廳嘅裝修風格，可以坐半戶外座位或室內座位，燈光幽暗幾有feel，適合同朋友嚟飲吓酒relax吓。============ヽ(○´∀`)ﾉ♪🐟烤魚 $328▫️三種魚選擇：江團魚、鱸魚、鴨嘴魚▫️五種口品選擇：麻辣、青藤椒、酸菜、特濃蕃茄、蒜香▫️再揀辣嘅程度❥揀咗青藤椒味鴨嘴魚小辣，鴨嘴魚真係未見過😆 專登上網search睇倒個嘴長到好搞笑！原來呢種魚厚肉，而且好少骨，做烤魚都好正🤭 唔使怕哽魚骨～ 青藤椒味道好香，越煮越辣。跟鍋上嘅配菜有豆卜、冬瓜、芽菜，煮到入晒味之後超好食。❥加咗一份紅薯粉（$22）落去煮，每次食烤魚都一定要加，煙煙韌韌加埋烤魚嘅辣湯好好食。🍢串燒組合B $169❥雞中翼、厚切牛脷、黑豚五花腩、墨魚丸、脆皮芝士腸 各2串❥用火爐上檯唔怕啲串燒會凍晒，一樣可以揀辣嘅程度，加咗孜然粉辣粉同其他香料好有新疆風味。🦪蒜香烤生蠔（6隻） $192❥不得了，呢個好鮮甜又脹

而家唔使北上都食到出色嘅酸菜魚，估唔到仲發展到加埋串燒，成班朋友嚟都啱食。黃金酸菜魚鍋好足料，有大量大大片嘅鯛魚，滑得黎有魚味唔腥。 我鍾意個酸菜金湯好夠味，魚片、芽菜同火鍋料滾一陣都好入味，唔會太酸辣冇乜油。 加左手切肥牛，有肉味值得一食。自家製炸響鈴卷有驚喜，唔係一般即炸響鈴嘅質地，大大條好鬆化，配酸菜魚湯真係一流。雞翼、豬頸肉同芝士腸燒得好香口，表面脆脆地仲灑咗辣椒粉、孜然粉等香料，好惹味。 燒粟米本身好甜，表面少少焦香。蒜香燒茄子好腍滑，符合我對港式燒茄子嘅期望，大大條熟透夠香辣。

當天氣轉涼時，最適合就是來一頓暖心的烤魚大餐！🍲🔥 朋友推薦了深水埗這家餐廳，這裡提供火鍋、酸菜魚、烤魚和串燒等多種選擇，而且餐廳環境非常有特色，讓人感覺很舒適。🌟特濃蕃茄烤魚（江團魚） $318 🍅🐟 平時我喜歡吃辣味的烤魚，這次嘗試了不辣的特濃蕃茄口味，真是讓人驚喜！蕃茄湯味濃郁，配菜有蕃茄、小豆卜、芽菜、冬瓜等，非常豐富。江團魚的魚肉質地細滑，吸收了蕃茄湯的精華，鮮味又清新，肉質爽口多汁。鍚紙燒：花蜆（蒜香） $59 🦪🧄 這道菜用小火爐送上，可以一直保持溫度，真的很讚！花蜆的份量非常多，沒有沙，味道鮮甜，蒜香味非常惹味。🔥🦪雞中翼（兩串） $39 🍗 雞軟骨（兩串） $19 🍢 點了兩款串燒試一試，有孜然粉調味，非常惹味。特別是雞中翼，燒得外脆內軟，非常入味！自家製無糖冷泡茶：白桃烏龍 $17 🍑🍵 這款冷泡茶非常冰涼，白桃味濃郁而且沒有苦澀味，十分適合搭配火鍋或串燒時飲用！🍑🍵這次的用餐非常滿意，推薦給大家！👍😊

天氣開始涼涼地，可以試下打邊爐喎，係深水埗搵左呢間四川火鍋，環境唔錯，坐位闊落又企理乾淨。好，坐低睇下有咩好食先。麻辣雞煲半隻，超多芫荽，成個煲好香，洋蔥又爽又甜，叫左中辣，啲雞真係辣度十足。肥牛片，食到咁上下，就開始加湯打邊爐，呢度食材都好新鮮，啲肥牛紅卜卜，厚切，食落有牛味又有咬口。台灣花枝丸，爽彈爽彈，有墨魚香。手工魚皮餃，皮薄，魚肉餡料多，大大隻。自家製凍豆腐，冰冰既質地，放湯幾好煮。日本讚岐烏冬，烏冬唔錯滑嘟嘟。娃娃菜，菜葉大片好索湯，又要打大佬了！