四川重口味

Open Now

Now Closed

其實已經係第二次食喱間啦，第一次都仲好少少，雖然啲嘢食唔好味，但起碼都有啲服務吖，相隔咗好幾年再嚟，嘩⋯一入去啲阿姐嘅態度就好差，眼見佢忙嘅，不過人手都夠吖，都唔知點解會無好啲嘅服務態度架，都唔好計較啲上年紀嘅阿姐嘞，睇翻啲餸菜啦，先至係我嚟嘅目的，我好期待隻農家鷄，好令人懷念鄉下雞嘅味道，可惜，啲肉質好粉，一食就知係一般到唔一般嘅雪藏雞，就連冰鮮都比唔上，又唔香又唔咸。算嘞，鷄唔好味都仲有啲期待條魚，唉⋯講到都唔想講，啲肉質當然都係麻麻啦，無諗到嘅係一窩水煮魚，有幾個魚頭我哋食剩好多就走了

最中意就係食辣既菜式，無論係四川菜同湖南菜都好喜歡食，見到依間既食評好似唔錯，就襯行開依頭嚟試下係咪咁好食今次叫左黃金皮蛋，蒜泥白肉，水煮魚，熗椒炒土豆絲同埋椒醬炒牛心頂，全部都要中辣。首先到既係黃金皮蛋，皮蛋上舖滿蒜辣椒既醬汁，不算太辣太麻，食完幾開胃。蒜泥白肉上面鋪上大量蒜泥，白肉不太肥，肥瘦得宜，加上少少辣好惹味。燴椒炒土豆絲，土豆絲口感爽脆，入口微辣因為有少許花椒及乾辣椒，送啤酒一流。水煮魚選擇左用大魚，魚肉入口鮮嫩，水煮夠辣惹味，底下有芽菜薯粉索味，食落勁刺激又麻又辣，非常過隱。椒醬炒牛心頂，牛心頂即係黄喉，黄喉口感爽脆，炒得好夠鑊氣又夠香，又係送酒既不二之選。

食完自助餐,係時候要比腸胃休息下.係深水埗搵到一間叫四川重口味既餐廳,正是我既選擇!$48 水煮魚套餐,包白飯,但係又唔想食飯,所以加$10 轉酸辣粉!凍飲$8魚既份量非常既多,應該有十幾片既魚肉,不過河魚就係衰多骨.要慢慢品嚐先得.醬汁又濃又鮮又辛辣,但又覆蓋唔到魚肉既味道,真在一流.墊底大豆芽一大堆,有魚有菜好似好健康!酸辣粉既粉夠哂煙韌,索哂湯,又酸又辣好開胃!果然好重口味!晚上有火鍋,有緣再嚐

我呢種無飯一族都係好少係屋企煮飯，所以晚晚都要諗食咩，諗左好耐，突然好想食水煮魚！其實我唔算好食得辣，但係唔知點解一諗起水煮魚都好想食；係深水埗地鐵走左幾條街終於搵到佢（因為唔熟路 ）外面企好多人，以為要等位，原來外面果D都係度呼吸緊空氣。入到去地方唔算好大，雖然同隔離枱隔開左少少，其實都好有搭台FEEL一黎當然食我最想食既水煮魚,佢問要唔要火鍋底，我話有咩唔同，跟住佢就話，熱D同埋份量都多D喎，咁難得試一下都OK，加火鍋底都係加20蚊唧，朋友好想試下隻四川醬板鴨，結果半隻都賣晒，有D失望 ，之後都由得我點餸。個鍋底比平時既水煮魚少左好多湯，但係條魚（大魚）超好食，又夠滑，記得之前食過一次，果間價錢貴一倍，仲要係得幾片魚，超級唔夠喉，今次就夠晒滿足！口水雞中規中距，辣汁都好入味。呢碟黄金皮蛋算我少見識，我生平第一次食，個感覺好似日式水煮蛋，個蛋黄係生生地，好好味，同好有特式！我都好鐘意呢味餸，呢間都會有下次！

 再。。。。重口味今次去比上次出色水煮魚 (大魚)古法川醬鵝腸 (老公力推)口水雞水煮魚， 係近期覺得最好食既一間， 要做得出免， 魚一定要"葉"過， 配合水煮湯才會有化學作用產生， 結合出最好味既水煮魚， 但好多川菜餐館既水煮魚， 一係就湯有味， 魚無味， 一係就相反， 越食越覺失望， 今晚， 再一次比我食番好味既， 認真難忘， 呢度用既係鯇魚 (但餐牌寫大魚)， 都有大條魚骨啦，但都算易食, 同埋魚肉嫩滑搭夠 (如果好怕魚骨， 我見意點桂花魚)試過一次去"傷x", 佢地用既係陵魚， 太多細骨， 真係食到咀都長， 從使佢地既水煮湯都同樣出色， 所以， 水煮魚真係要配合好多方面才會好食另外, 佢地亦可加$將水煮系列煲上, 還有不同火鍋料選擇, 我地都叫左好幾樣火鍋料, 唯一稍遜只有朱紅, 因為滾左好耐都唔入味古法川醬鵝腸 (老公力推)3樣我地都係叫中辣， 但呢味特別辣， 佢味道好香， 唔識形容， 但好少響其他川菜館食到， 鵝腸好脆口， 彈牙, 但老公話古法牛柏業會好味過鵝腸, 因為口感會"淋"D口水雞又係好特別既味道， 同出面食既口水雞唔同， 唔識形容佢既味道, 總之好味， 雞用唔會死

再。。。。重口味今次去比上次出色水煮魚 (大魚)古法川醬鵝腸 (老公力推)口水雞水煮魚， 係近期覺得最好食既一間， 要做得出免， 魚一定要"葉"過， 配合水煮湯才會有化學作用產生， 結合出最好味既水煮魚， 但好多川菜餐館既水煮魚， 一係就湯有味， 魚無味， 一係就相反， 越食越覺失望， 今晚， 再一次比我食番好味既， 認真難忘， 呢度用既係鯇魚 (但餐牌寫大魚)， 都有大條魚骨啦，但都算易食,  同埋魚肉嫩滑搭夠 (如果好怕魚骨， 我見意點桂花魚)試過一次去"傷x", 佢地用既係陵魚， 太多細骨， 真係食到咀都長， 從使佢地既水煮湯都同樣出色， 所以， 水煮魚真係要配合好多方面才會好食另外, 佢地亦可加$將水煮系列煲上, 還有不同火鍋料選擇, 我地都叫左好幾樣火鍋料, 唯一稍遜只有朱紅, 因為滾左好耐都唔入味古法川醬鵝腸 (老公力推)3樣我地都係叫中辣， 但呢味特別辣， 佢味道好香， 唔識形容， 但好少響其他川菜館食到， 鵝腸好脆口， 彈牙, 但老公話古法牛柏業會好味過鵝腸, 因為口感會"淋"D口水雞又係好特別既味道， 同出面食既口水雞唔同， 唔識形容佢既味道, 總之好味， 雞用唔會死

以前在香港要吃四川菜，上海菜，山東菜，北京菜等，就是外省菜都不多，而且也不道地，我以前最近的地方就是會跑到深圳或廣州來吃，但現在好像不用了，不知道是香港人的口味變了，還是香港愈來愈多雙非ＢＢ的父母，還是什麼原因呢，不管了，現在外省菜愈來愈多了，也愈來愈好吃了，那就愈來愈多＜重口味＞，那就太好了，方便多了。這個在深水埗開了不久的店，位子不多，牆上的裝飾品就是各種川菜菜式的介紹和傳謀報導，亦張貼了這店子的招牌名菜，包括有多款四川名菜，例如水煮魚、毛血旺、黃金皮蛋、涼拌肚絲 、口水雞、酸菜魚和重慶麻辣雞煲等等，每一樣都很吸引呀，真的要給他逐一嚐嚐看。二人團購餐我們點了口水雞，水煮魚，上湯川菜，外加白飯和飲料，兩人吃，很足夠。口水雞賣相漂亮，真的會流口水；雖然有大量花椒、大碗辣油，也點了中辣，但也不算太辣；（店家是否要遷就香港口味，不敢下重手呢？下次是否要點大辣？）雞肉上面灑了大量芝麻，即使雞味不濃，放入口中，仍然香濃、滑嫩有餘，整體水準還是不俗。水煮魚用的是新鮮的大魚，魚片切得很好，沒有骨頭，魚肉夠滑，香辣中又有鮮甜味，但湯裏還有其他魚塊，怕骨的朋友還是要小心。湯裡還有大豆芽、黃瓜、蒜片，大

宵夜推介....喜歡食辣既朋友請試試..雖然外表環境平平,但味道一流本人食遍川菜無數,竟然有一日比我揾到呢間好野.......一句講晒..掂價錢公道...味道超水準...店員有禮....老闆又喜歡同客人交流,接受意見,咁先會有進步空間....加油...10個讚