四川重口味

Open Now

Now Closed

行完深水埗想睇吓有咩酸酸辣辣嘅嘢食，就上OpenRice睇有咩揀。見到有間重口味嘅酸菜魚。同埋入到去食就知道真係重口味。第一次酸菜魚食到魚骨大雜燴，魚尾都有兩條。我都唔知啲人話依間有咩好食。炒嘢係OK嘅係正常嘅，但酸菜魚就不值得試。

冇錯，深水埗呢區仍然有好多食店，不過很多新食肆，其實唔少都係搵笨，又或是好似上次去西九龍中心咁樣，比傾斜的板凳你坐，完全唔舒服，到頭來，試新嘢就變咗俾$50-$60買難受。因此這次試吓去深水埗的重口味，重口味在土瓜灣區經常吃，但是近期有沒有時間到土瓜灣分店吃米線，而且它一向烹調的時間比較久，夏天如果去食，等又等得耐，行又行得耐，而且天氣炎熱，一來一回其實都非常炎熱辛苦。這是就去深水埗的分店試一試這間四川重口味的味道。相同的餐牌，於是我點了肥腸、腩肉、午餐肉米線，麻辣湯底似乎比起土瓜灣的更加辣，🫣但是辣得來亦都有少許酸味，腩肉的份量不少，應該都有五六片，肥得來帶點咬口，😃但又有點瘦肉，相當美味；肥腸反而比較瘦，有些受得好像豬肚一般，味道沒有土瓜灣的那麼出色，午餐肉份量亦都好像比起土瓜灣的多到這兒竟然有三大片，🤤而且非常好食，好像火鍋是吃午餐用一般，午餐肉吸湯，吸了麻辣的味道，當然好吃。米線的份量都差不多，不會太少，而且上湯能力上佳，😉分量剛剛好，另外的配菜還有芽菜以及酸菜，酸菜都是大大塊帶點甜香， 😍而且內裏有點酸味有點甜香的酸菜，用來配麻辣米線，就最好吃。四川重口味嘅凍檸茶就兩間都係咁

晚市同幾個朋友黎左食飯幾個朋友食得辣叫左水煮牛同烤魚.烤魚好大條,湯底比較辣,但魚肉好滑好多肉👍🏻水煮牛份量都好多,上枱時成盆辣椒但下面好多肉😂必定要餸飯食

這家川菜在香港來說可說是小有名氣，一到晚市吸引不少人光顧，師傅廚藝不錯，食物有鑊氣，可以自行選擇辣度，吸引不少川菜愛好者幫襯！推介大家試吓⋯⋯⋯⋯⋯⋯⋯⋯⋯⋯⋯⋯⋯⋯⋯⋯·夫妻肺片 小小辣肺片煮得軟腍，薄切更能吸收醬汁醇香，同時夫妻肺片味道都幾濃，醬汁不會掩蓋其鮮味，味道唔錯！·黃金皮蛋 小小辣10分推介呢一道小食！蛋白啫喱狀，蛋黃軟糯濃郁，皮蛋煮得剛好，咬下去層次分明，口感唔錯！·大盤咸肉菜花 小辣呢個鹹肉菜花絕對係MVP！雖然個名睇落好普通，但係煮到咁好食，師傅功架真的不錯！咸肉炒得香脆，菜花爽脆而且吸收左鹹肉油分，勁有鑊氣！·泡椒鮮田雞 小小辣：好耐未食過田雞，呢間嘅田雞肉好嫩，泡椒醃製得好入味，食起黎好開胃！·涼拌上豆絲 小小辣豆絲口感爽脆，涼拌醬汁味道唔錯！·紅糖糍粑6條糯米糍粑口感Q彈，澆上紅糖味道香甜，熱辣辣～

這家重口味一直是家父最愛！經常光顧這間店，店員也認得他了😂😂這一次一家人一齊到訪，點了幾樣小菜，水準都唔錯，家人聚會嘅好地方！鐘意食辣嘅人千祈唔好錯過～🌸🌸🌸🌸🌸🌸🌸🌸🌸🌸🌸☘️酸菜魚（鱸魚）小辣魚肉鮮嫩，酸菜醃製得宜，雖然睇落好似好多辣椒，辣度適中，唔錯。食落有啲刺激！☘️香辣炒豬潤 小小辣豬潤炒得好香口，香辣味道令人垂涎欲滴！☘️麻婆豆腐 小小辣豆腐軟嫩，醬汁香辣可口，豆腐亦都吸收左辣汁精華，香辣味迅速擴散，配白飯食一流！唔可以錯過～☘️解辣冰紅茶一杯解辣嘅飲料，口感清爽，天時暑熱，熱辣辣，食辣嘢梗係要飲返杯凍嘢，飲起黎好舒服，唔會太甜，正☘️桃膠冰粉桃膠口感Q彈，冰粉爽口，加埋一齊好清爽。啱晒夏天食！

收工想食四川菜，朋友約在深水埗 重口味等店入面乾淨闊落，牆上掛滿川菜照片呢度嘅辣度由少少辣至勁辣都有感冒初癒，今次食小辣！🔺麻香辣牛肉 $58牛展滷得入味，配上紅油，花生，芫荽香口份量足，送飯送酒都唔錯！🔺招牌口水雞 $198 一隻2 大盤口水雞同時送上，份量好足雞肉夠滑夠入味，醬汁麻辣鮮香！🔺招牌酸菜魚（鱸魚） $178呢度嘅酸菜魚真係出色！魚片切得大塊厚身，無骨容易食好多酸菜，集酸辣麻於一身！🔺家常扣肉 $88梅菜扣肉熱辣辣上枱，色香味俱全，五花腩較肥，油脂甘香可口，入口即化配合梅菜粒，送飯食一流！🔺桃膠冰粉 $28口感似涼粉，加入煙靭桃膠，桂花糖，清熱氣又唔會太甜！

要同大家分享一個我好鍾意嘅四川菜館，就係深水埗嘅「四川重口味」，餐廳既午市套餐好抵食，只係四十幾蚊，已經包括咗飯、餸、同埋飲品，真係超級抵食！而且仲有優惠價加點小食，真係不能錯過。🐟酸菜鱸魚🐟而單點菜式既酸菜鱸魚，好好味！鱸魚肉質鮮嫩，配上酸菜嘅酸甜味，真係好開胃！而且份量好大，一份就夠兩三個人食啦。🍗口水雞🍗口水雞係四川菜嘅經典菜式之一，呢度嘅口水雞好辣好香，啖啖都係雞肉，唔會有啲地方啲雞只係啖啖骨嘅情況，真係好正啊！🐟豆腐魚頭湯🐟豆腐魚頭湯係餐廳另一個拿手菜，呢度嘅豆腐魚頭湯好濃郁好滑，魚頭都好鮮甜，好喜歡。🍧桃膠冰粉🍧最後，我哋食埋甜品桃膠冰粉，味道清新，好開胃，啱哂呢個夏天食！總括而言，「四川重口味」嘅食物好正，份量又大，價錢又平，真係一個性價比極高嘅餐廳！大家行開深水埗，一定要試吓啦。👍🏻

我上個星期去咗深水埗嘅「四川重口味」食午餐，真係唔錯嘅四川菜！😋我哋叫咗幾款菜式，其中最出色嘅係「酸菜魚」！魚肉好新鮮，湯底酸辣適中，真係啱啱好，好味！👍「香辣田雞」亦都好正，田雞肉鮮嫩多汁，辣度啱啱好，令人食上癮！🔥「口水雞」同「蒜泥白肉片」都好正，我個人比較鍾意蒜泥白肉片，豬肉軟綿，蒜味香濃，幾滑口。😍 口水雞亦都唔錯，夠香辣，肉質好滑👍🏻總括而言，呢間餐廳嘅菜式好豐富，味道都好正，令人回味無窮！下次一定會再黎！👌

最近天氣不太好，個人有點濕便想食川菜。當日來到深水埗附近，在朋友推薦下來到近南昌街的這間四川重口味，網上搜下才發現原來是連鎖的川菜店呢☺️✏️位置（8/10）：深水埗及石硤尾的交界，由深水埗港鐵站步行也只需約5分鐘，地點算是方便✏️環境（7/10）：店面不大，座位不算少，感覺算是乾淨衛生✏️服務（8/10）：會提供熱水洗碗筷，態度友善，下單後上菜算快✏️食物（9/10）：菜式份量夠多，味道很不錯，比不少川菜館出色得多🌟招牌口水雞 - $198/一隻點了一隻，竟然分兩碟上，然後我們自行放在同一碟上感覺更豐盛吸引。口水雞香辣入味，口感相當嫩滑又惹味，花生亦夠香脆，不禁越食越多😍🌟招牌酸菜魚（鱸魚） - $178選了鱸魚及小辣，大大碟，酸菜及魚肉的份量也很多，足夠四人食用。魚肉鮮味香滑，微辣入味，整體味道相當不錯😋🌟家常扣肉 - $88梅菜扣肉味道十分香濃，梅菜爽滑入味，扣肉偏肥但油香滿溢，口感軟滑惹味，佐飯一流😆🌟麻香辣牛肉 - $58牛肉切得很薄，更能入味，麻香味濃，加上香脆花生的口感，又是佐酒佐飯佳品，小辣不算太辣，下次可以大膽點更辣😜🌟桃膠冰粉 - $28冰粉口感煙韌，味道一點也不甜，帶點桂花

今次去咗深水埗嘅「四川重口味」，真係夠重口味，啲菜式啲味道真係好夠鑊氣！😍我地嚟咗四川重口味，當然要試下佢嘅招牌菜式啦！我哋叫咗煎封黃立鯧($82)，魚肉好鮮美，煎到啲皮好脆，啖落去好多嚼勁！麻辣豬手($88)係真係夠麻夠辣，豬手啖啖肉，啲辣椒嘅味道都好夠！😋加埋啲小炒菜，蒜蓉炒油麥菜($62)同埋炒水晶粉($78)，都好好食！蒜蓉炒油麥菜好清爽，油麥菜好嫩口，加啲蒜蓉味道好開胃！炒水晶粉就係咁好滑，好入味！👍總括嚟講，如果你係熱愛重口味嘅食家，一定要嚟「四川重口味」試下啦！特別係佢嘅麻辣豬手，啖啖肉啲味道十分夠鑊氣，真係好好味！記得嚟嘅時候要大排檔先食到呢啲質素！👌

最近去咗深水埗嘅「四川重口味」，真係驚喜到爆！要排隊嘅時間有啲長，但係食物嘅質素同價格絕對係超值！😍我哋叫咗蟲草花豬肚雞煲($188)，份量超級足，而且煲底嘅湯汁好鮮甜，啖啖留香！加埋啲入味嘅豬肚同雞肉，真係夠重口味！😋再加上啲小炒菜，椒絲腐乳炒通菜($62)同埋孜然雞中翼($62)，都好好食！椒絲腐乳炒通菜嘅通菜好脆口，加上啲腐乳味，好開胃！孜然雞中翼都好香好嫩，啖落去好多汁！👍總括嚟講，如果你係重口味嘅食家，絕對唔可以錯過「四川重口味」！不過要提醒大家要排隊，不過呢條龍係絕對值得等！💪

愛吃辣的朋友，今次找到來深水埗這家川菜。晚上六時多，已經有八成入座率，非常受歡迎哦。大家都非常喜歡吃酸菜魚和烤魚，就點兩個這裏的招牌菜，吃全魚宴吧！點了中辣，所以飲品少不了，預先點了飲品。酸梅湯$48/Jar，味道夠酸夠清新，店裏自家製的又新鮮，吃辣用來中和辣味，又可消除油膩。招牌酸菜魚$148（大魚），雖然是中辣，但這裏的辣度真的重口味，所以不吃太辣的話，最好選小辣。大魚非常滑，但很多小骨，要慢慢的吃。魚片份量多，還有少量薯粉墊底，這個價錢，覺得用料算足。酸味濃而不咸，酸辣平衡，吃得很過癮。孔明烤魚鍋$168（鰂魚），上桌便聞到辣椒香，吃著口感也較麻，但覺得比起酸菜魚，烤魚更香，更有鮮魚甜味，雖然口感不及水煮魚滑，但烤魚魚皮炸過，吃著更惹味。配料豐富，有海帶、豆卜、芽菜、蓮藕片，沒有加火鍋料，也吃得很滿足。最後辣到出汗，大家把酸梅湯都喝光，才滿足的回家。覺得這裏價錢合理，份量也足夠，下次可以再來吃小炒。

位於深水埗的四川菜館，傳統的中菜館，簡約裝修佈置，牆壁貼滿菜式相片，餐牌分別有小菜或火鍋選擇。菜式方面，有很多正宗的四川特色小菜，如雞煲、烤魚、水煮、酸辣、小炒、涼拌等等，餐牌都一一附上照片參考。家常風味小炒：涼瓜炒蛋家常小菜，不辣的菜式之一。涼瓜切成片，跟雞蛋一起炒，蛋金黃；涼瓜片爽口鮮味，翠綠不苦澀。家常風味小炒：泡椒酸辣大蝦蝦跟芹菜、酸菜、洋蔥、蔥、辣椒等香料爆炒，蝦炒得乾脆，連殼都可以一併吃，蝦肉爽彈，而且整體味道酸辣，特別下飯。家常風味小炒：香炒水晶粉水晶粉嚼勁十足，炒得油香惹味，麵條不會黏成一團，不過底下略為油膩，配料有椰菜絲、蘿蔔絲、洋葱絲及雞肉碎。味道鹹香帶微辣，很惹味。小食：重慶酸辣粉價錢蠻便宜一碗，大大碗，有齊葱花、豬肉碎、酸菜，上面灑上花生粒、芫茜，整體份量多，小辣也恰好。薯粉煙韌、彈牙，十分掛湯，慢慢把湯汁及紅油都吸收了。甜品：桂花冰粉冰粉，冰冰涼涼的甜品，有助解辣，這碗冰粉淋上桂花蜜，冰粉口感較硬身、固體狀，而非滑溜那款。

今晚約咗男友去深水埗買野經過呢間四川菜餐廳，佢見到相就提議入去試下我見到都有啲想試，一於食返餐重口味晚餐～入內環境都闊落，牆身都貼滿食物相片幾引人每張枱上都有電磁爐，方便雞煲同打邊爐睇過餐牌由前菜到小炒都有不少款式，有好多都想試下雞煲火鍋都有幾種辣揀，唔食得太辣仲有滋補煲揀前菜涼拌窩笋絲 bb 辣 $49窩笋食落清新爽滑而香辣，仲愈食愈辣～夫妻肺片 bb辣 $58牛肚牛栢葉食落濃辣鮮香而質嫩爽口仲有蔥花、辣椒粒同青瓜絲食落幾有層次配啤酒真係一絕～香脆魚骨腩 $88用三角形的竹盤上賣相好靚切到一口大小的魚腩，炸得金黃酥脆食落濃香辛辣而滑裡帶脆又柔韌重慶回味雞煲(半隻) bb辣 $158上菜相當吸引，店員放在爐上用細火恆溫煲內有雞肉、薯仔、洋蔥及一系列香料雞肉食落鮮嫩多汁而香濃滑爽好彩叫bb辣，真係會愈食愈辣，辣得過癮又滋味整體食物味道不錯，菜式選擇多，環境都坐得舒適鍾意食辣或濃味的朋友不要錯過👍🏻下次同朋友嚟打邊爐先～

去完鴨寮街買電話卡，即刻上OpenRice搵吓附近有咩食，見到有間食川菜，仲寫住重口味，咁就一於試試佢有幾重口味先🤣餐牌川菜款式選擇好多，淨係涼拌小食都有16款，你諗得出嘅基本上都齊，重點係價錢唔貴，份量夠大份泡椒雞腳比較適合香港人口味，唔會好辣，旁邊嘅洋蔥青瓜醃製過好開胃，涼拌土豆絲酸酸地好開胃食唔停口，蒜泥白肉嘅蒜泥好出色，每啖都充滿蒜泥，非常正😆水煮牛肉如果再重口味啲就好啦飲品叫左柑桔檸檬蜜同大話七，夠哂凍，用來解辣剛剛好最後叫左個紅糖糍粑做甜品