Burgerman (埃華街)

Open Now

Now Closed

今日午餐想食漢堡包，橫掂係大角咀埃華街呢頭，就去Burgerman食個漢堡包先。Burgerman既漢堡包有14款選擇，價錢豐儉由人，由$58到$140不等。加$20可選配有皮薯條或薯格或田園沙律及罐裝汽水。加$33可選配番薯條或洋葱圈或肉醬薯條及罐裝汽水，又可加錢加漢堡配料。原來平日午市有套餐，有5款漢堡揀，可配田園沙律或有皮薯條同罐裝汽水，抵食好多！今日決定要兩個午市漢堡套餐。先去收銀落單，然後服務員會去你個位送野食俾你。招牌芝士漢堡 $65 加燒大菇 $20招牌芝士漢堡都幾大個，用一支大竹簽固定好，我嘴細，只能分層食。枱上面有提供膠手套，方便。首先上面塊包成塊都好香脆，仲加左黑白芝麻粒。塊包下面就係加錢要嘅燒大菇，雖然比想像中細左少少，不過食落爽甜多汁。燒大菇下面就係芝士同厚身和牛漢堡扒，再下面就係厚切番茄片同一大塊生菜片。連最下底既麵包都好香脆。塊漢堡扒雖然全熟，不過都唔乾，好多肉汁，我將漢堡扒同熱熔芝士同燒大菇一齊食，大菇同漢堡扒又幾夾。雖然簡單，呢款招牌芝士漢堡都幾出色。水牛城雞肉漢堡 $62水牛城雞肉漢堡上面塊包原來加左辣醬，塊包下面就係兩塊雞胸肉，中間有超鹹香嘅藍芝士，

👧🏻Wodafoodie in Tai Kok Tsui呢間小店雖然細細間，但🍔都有14款，呢到又裝修得好有特色，每張枱都有手套、紙巾、唔同醬汁提供，好貼心👍🏻✨🐮日本神户牛漢堡 $118🇯🇵日本神戶牛唔似美國澳洲牛咁重肉味，有辨識度好高既香濃牛油味。食太多會膩，所以呢個漢堡扒份量啱啱好😍🍔最上層有用牛油炒過既🧅洋蔥，口感唔會太爽仲有少少甜既感覺，令到成個漢堡多左一個層次。最下層既🌱大豆芽就為成個漢堡加入田園清爽既感覺，大大減少左神戶牛既油膩。麵包外脆內軟，吸收左神戶牛既肉汁，就咁食都好好味😋搭配煎蛋、車打芝士同日式焙燒芝麻醬，好惹味🥰✨🐥水牛城雞肉漢堡 $58健身人士首選🌟好少見有烤雞胸肉既🍔兩大塊雞胸肉仲大過塊包，係優質蛋白質呀😍配上超濃味既🧀藍芝士同辣醬汁，好香好惹味🤤不過應該唔係個個受到藍芝士獨特又濃烈既香味。🍔加埋🥬生菜同🍅蕃茄，真係好fresh！體重管理人士絕對可以揀呢個burger，食完一d罪惡感都無😝🥳📍 Burgerman (大角咀)大角咀埃華街95-97號地下

一條友唔知食咩嘅時候食burger就最好，唔駛食金拱門嘅，周圍都有漢堡小店可以幫襯㗎！今次喺和牛同雞之間諗咗好耐，最後都係揀咗食《水牛城雞肉漢堡🧀🐣🍔》$58，普通跟餐加$20有薯條/薯格同汽水，而我就揀咗加$33食我最鍾意嘅蕃薯條！個漢堡嘅底面兩塊包🥯烘到脆卜卜，雞胸肉🐓有兩大塊非常闊綽，仲有新鮮生菜🥬同蕃茄🍅，再配上藍芝士醬🧀同橙色嘅辣醬汁🌶，非常特別！仲有蕃薯條🍟份量超級多，食極都食唔完，最後都係食唔晒 LOL

午餐試食，地方不大，只有幾張高枱。因為個人係漢堡包愛好者，喜歡周圍試漢堡包，呢間Lunch Set $5x 有包、薯條同汽水都算抵食，今次叫左水牛城雞肉漢堡同招牌芝士漢堡。水牛城雞肉漢堡雞肉份量不算大，而且雞肉比較乾身，沐左水牛城醬喺雞肉面。另外招牌芝士漢堡，漢堡扒唔會乾身同有肉香，個人相對喜歡漢堡包。薯條係粗薯條，都夠脆同夠熱，薯條不錯。整份Lunch Set女仔食，份量剛好，同行男士表士未夠飽。

小店好貼心 所有枱面都有個位已經放左手套同紙巾比客人 等我地食burger個陣唔洗整到隻手污糟晒😛.👉🏻水牛城雞肉漢堡($58)全部burger即叫即整 需時大約15分鐘～配料有兩塊沾有辣醬汁嘅雞肉、藍芝士、番茄同埋生菜😈.麵包鬆軟 雞肉似雞胸肉嘅部份 配埋個醬汁都算易入口😼 藍芝士咸咸地 但原來我嘛嘛地藍芝士 中意食最普通個隻芝士多啲！ 而個薯格好香都好脆 仲要份量有好多 大份到食唔晒🤧————————————————Burgeman大角咀埃華街95-97號地下

喜歡食漢堡的地方，有牛外還有雞供應，好讓戒牛人仕，重投漢堡懷抱。   最近去到Burgerman, 店子細細，卻有多款漢堡選擇，還有沙律，意粉等……而且價錢相宜，難怪現人龍。     點了水牛城雞肉漢堡，用低溫法燒雞，配上辣汁和藍芝士，另煙肉加$8，雞肉保留了肉汁，藍芝士一向味濃，混合辣汁，味道更濃更惹味; 煙肉略嫌未有太香口感，肉質與雞肉一樣容易咀嚼。   脆炸黃金芝士條，芝士條炸得香口鬆脆，mozzarella cheese水牛芝士經炸焗後，變得柔軟煙韌，一口咬下去，長長的拉絲狀態是如此的令人著迷，要多長有多長。 最後，還點了個黑松露磨菇意粉，意粉軟硬度適中，香味未致於濃郁樸鼻，但還可以的，若味道再濃厚一點會更creamy更好味。