Video
Read full review
2021-12-15
183 views
今日午餐想食漢堡包，橫掂係大角咀埃華街呢頭，就去Burgerman食個漢堡包先。Burgerman既漢堡包有14款選擇，價錢豐儉由人，由$58到$140不等。加$20可選配有皮薯條或薯格或田園沙律及罐裝汽水。加$33可選配番薯條或洋葱圈或肉醬薯條及罐裝汽水，又可加錢加漢堡配料。原來平日午市有套餐，有5款漢堡揀，可配田園沙律或有皮薯條同罐裝汽水，抵食好多！今日決定要兩個午市漢堡套餐。先去收銀落單，然後服務員會去你個位送野食俾你。招牌芝士漢堡 $65 加燒大菇 $20招牌芝士漢堡都幾大個，用一支大竹簽固定好，我嘴細，只能分層食。枱上面有提供膠手套，方便。首先上面塊包成塊都好香脆，仲加左黑白芝麻粒。塊包下面就係加錢要嘅燒大菇，雖然比想像中細左少少，不過食落爽甜多汁。燒大菇下面就係芝士同厚身和牛漢堡扒，再下面就係厚切番茄片同一大塊生菜片。連最下底既麵包都好香脆。塊漢堡扒雖然全熟，不過都唔乾，好多肉汁，我將漢堡扒同熱熔芝士同燒大菇一齊食，大菇同漢堡扒又幾夾。雖然簡單，呢款招牌芝士漢堡都幾出色。水牛城雞肉漢堡 $62水牛城雞肉漢堡上面塊包原來加左辣醬，塊包下面就係兩塊雞胸肉，中間有超鹹香嘅藍芝士，
Burgerman既漢堡包有14款選擇，價錢豐儉由人，由$58到$140不等。加$20可選配有皮薯條或薯格或田園沙律及罐裝汽水。加$33可選配番薯條或洋葱圈或肉醬薯條及罐裝汽水，又可加錢加漢堡配料。
原來平日午市有套餐，有5款漢堡揀，可配田園沙律或有皮薯條同罐裝汽水，抵食好多！今日決定要兩個午市漢堡套餐。先去收銀落單，然後服務員會去你個位送野食俾你。
招牌芝士漢堡加燒大菇
$85
13 views
0 likes
0 comments
招牌芝士漢堡 $65 加燒大菇 $20
招牌芝士漢堡都幾大個，用一支大竹簽固定好，我嘴細，只能分層食。枱上面有提供膠手套，方便。首先上面塊包成塊都好香脆，仲加左黑白芝麻粒。塊包下面就係加錢要嘅燒大菇，雖然比想像中細左少少，不過食落爽甜多汁。燒大菇下面就係芝士同厚身和牛漢堡扒，再下面就係厚切番茄片同一大塊生菜片。連最下底既麵包都好香脆。塊漢堡扒雖然全熟，不過都唔乾，好多肉汁，我將漢堡扒同熱熔芝士同燒大菇一齊食，大菇同漢堡扒又幾夾。雖然簡單，呢款招牌芝士漢堡都幾出色。
水牛城雞肉漢堡 $62
水牛城雞肉漢堡上面塊包原來加左辣醬，塊包下面就係兩塊雞胸肉，中間有超鹹香嘅藍芝士，再下面就係厚切番茄片同一大塊生菜片。個人覺得呢款漢堡較為重口味少少，不過雞胸肉無皮，好瘦，相對健康少少。
兩款漢堡我地都配左有皮薯條。第一次食呢度嘅有皮薯條，係粗身薯條，熱辣辣炸起，香脆可口，點枱上面有提供既茄汁好好味，仲有辣沙律醬比你自己倒。想叫走鹽不過薯條一定係加左鹽。特別一提呢度既醬汁好容易倒出黎。
罐裝汽水有玉泉+C有氣檸檬味飲品揀，少甜又多d維他命C，少見！
總括而言，招牌芝士漢堡都幾好味，而午市套餐抵食好多！
Post
