薩莉亞意式餐廳 (小西灣廣場)

Open Now

Now Closed

有時候一家大細都諗食咩都真係幾煩既事, 我就會推薦薩莉亞意式餐廳, 好坦白平靚正, 叫多多都唔貴, 又啱小朋友食, 同埋黎到D野食係熱既。我自己一向都有幾種必叫項目, 首選香草牛油焗田螺, 一黎到真係小心D食, 因為好熱, D油仲會卜卜咁跳住, 加上香草既味道, 好味!! 而另外唔少得既, 就係雞翼, 我自己遍向要辣既, 不過朋友仔唔食辣, 所以叫咗原味, 比較起上黎, 我都係喜歡辣味多D。而另外, 再會叫水牛芝士薄餅, 雖然材料只得蕃茄汁同水牛芝士, 鐘意食芝士既我, 緊係有芝士就夠啦! 意粉方便我就無咩所謂既, 今次就揀咗溫泉蛋卡拜拿那意粉, 不過唔算太特別啦! 而呢間會加$13一位有任飲汽水, 咖啡, 茶等。2個人都係$139, 真係唔錯既選擇!而服務方便, 真係比較人少D, 所以都要等下, 同埋好多野都係自助形式, 唔好太高要求。

今日朋友和我去咗小西灣廣場一間餐廳「薩莉亞意式餐廳」食Lunch，朋友説這間餐廳好抵食，我們叫咗1️⃣ 水牛芝士薄餅 $30🍕披薩 熱辣辣，水牛芝士奶味香濃，口感柔軟，估唔到$30就可以食到，絕對超值2️⃣ 溫泉蛋卡拜拿那意粉 $35🍝 意粉 配上溫泉蛋、煙肉及淡忌廉等材料 泡製而成，味道方面都唔錯3️⃣ 香草牛油焗田螺 $294️⃣ 原味雞翼 (4隻) $195️⃣ 飲品吧餐 (2 x $13) $26整體來講：味道都OK，價錢無得輸，真係好抵食，唔怪之得，餐廳有很多人幫襯價格💰：$139

無意中一次，同狐狸仔黎到，小西灣，就食個薩利亞。羊架系相對其他食物貴左啲啲，但系系幾好味！厚肉惹味，不過之前試過一半肥高，所以多唔多肉都系靠好彩。不過嫩軟熟Juice，好味！雖然平，但芝士料超多，可以拉絲，仲要一大條勁粗，好厚芝士，餅底適中厚度有咬口。！明太子尤魚蝦仁意粉，蝦仁系真系蝦仁😂硬左dd，尤魚系尤魚圈，唔夠粗身，好似橡筋咁上下，韌硬左啲，個明太子醬比想像中好食，夠Creamy，不過狐狸仔試左淡話淡。我覺得幾好個明太子醬。

其實呢間餐廳質素從來都吾係selling point有咩法國菜可以比你二百蚊兩個人埋到單？有咩薄餅可以比你50蚊落到樓？同埋，佢既質素，絕對對得起呢個價！首先評下我最愛既水牛芝士薄餅呢個薄餅，價值29蚊港幣。但我次次食都有加幾蚊芝士，所以睇得出上面既芝士好厚，厚到流下流下咁。餅底就吾太厚，亦都吾太薄。但勝在咬得開切得開。有好多百幾蚊既薄餅都未必切得開。但佢底層有少少蕃茄醬，有少少吾配合d水牛芝士。呢個辣味雞翼都很讚，雞肉嫩滑，辣味適中。吾夠既可以加Tabasco 。

今晚父母約了人吃飯，我和細佬決定來這裡吃飯，我地食了一個pizza,4隻雞翼，一個沙律，一碟魚塊，後加了一個漢堡扒，一個芝士薯角及甜品，漢堡扒及芝士薯角忘記影相，但真係好好味，漢堡扒厚身多汁，配煎旦及薯角，簡直完美，另外芝士薯角不得不吃，薯角面有濃濃的芝士，再配上香脆的煙肉，一個字，正呀！，重點係，只係10幾蚊，抵呀Pizza細細塊，剛剛夠2人份量，雞翼有4隻，每人2隻已經好夠，因為重有其他食物，三文魚塊好香脆，內有流心餡料，好驚喜，會經常來吃。

薩莉亞這意式品牌相信大家如果曾前往日本旅遊時於不同商店街都有機會見到。這品牌是日本創立，以平民化的價牌去推廣意式食品的餐廳。  作為港島區第2間分店，薩莉亞終於於上星期在小西灣商場開幕了﹗相信在柴灣區工作或居住的食客絕對是一大的福音吧﹗ 趁今早於柴灣工作前就去嘗試一下吧。雖然11點才正式開門，但開門前已經有大約20人在門外等候了﹗雖然是新開幕的緣故而令大家想嘗試一番，但一邊排隊之時就聽到不同要前來品嚐的原因，包括：飲西式早茶﹑吃早餐﹑特色前來等等，心想：薩莉亞原來已經在基層的柴灣區已有認識？由於趕返工關係，一坐下就即刻點了水牛芝士薄餅﹑辣味雞翼(4隻)及洋蔥蒜蓉漢堡了；當然就不少得加$12就可以任飲的自助飲品吧﹗其實從店內自助吧上的繪圖已經看到餐廳對客人的誠意，而且用心去欣賞之下更加會見到他們為大家都推介的食品。 而店員於點菜﹑上菜﹑收拾時的效率及禮貌都令我感覺到大家的活力，希望這份熱誠可以繼續去對待每位欣賞這餐廳的食客﹗好，上菜了﹗首先是自己及身邊的食客都有點選的水牛芝士薄餅。與其他薩莉亞分店一樣，水牛芝士是可以加$6令芝士量雙倍。芝士味道濃郁，而配上下面的蕃茄醬令吃起來不太油膩，而