薩莉亞意式餐廳 (小西灣廣場)

Open Now

Now Closed

店名：薩莉亞地址：香港柴灣小西灣道10號小西灣廣場4樓402B號舖1.周打海鮮湯 $14海鮮湯足料，有加上忌廉係面，但湯未足夠煮開，會部分呈現粒狀2.意式菠菜伴煙肉 $20因為係白灼關係，如果只係單點會無咁好食，所以我會加配埋個香焗白汁菠菜，可以溝埋一齊食用👍👍3.香焗白汁菠菜 $20因白汁較多，如果唔想浪費，可以叫多個意式菠菜伴煙肉，溝埋一齊食用，咁就唔會浪費4.煙肉菠蘿薄餅 $34薄餅係薄批，仲可以保持水準，有芝士係面，溶化嘅芝士加分不少5.溫泉蛋卡邦拿意大利粉 $40水準一般，意粉水分較多，加埋溫泉蛋，有三分一隻碟係水分，建議溫泉蛋另上6.墨魚汁意大利粉 $35意粉水份也是較多，但配料有蒜蓉及魷魚圈，配塔搭上較為好吃，令可以選擇另一個甜蝦墨魚汁意大利粉，會有多一種配料7.原味雞翼八隻 $38雞翼還是好好食，時間火喉拿捏得好好，皮脆肉嫩，還有肉汁添，極度推薦👍👍👍

短卷髮男待應，服務差到我以為佢請我食，食物直接大力掉落枱，眼尾都唔望一下就走，建議買個送餐機械人仲好過佢👎🏻👎🏻👎🏻食物不知所謂，笋烚到又黃又梅，肉醬意粉白雪雪，同店員反應，呀男待應粒聲唔岀拎走，3分鐘之後又拎返差不多一樣既意粉岀黎，店鋪完全浪費食物！！愈做愈差！👎🏻👎🏻👎🏻👎🏻諗住搵email反映，點知係唔會有，價錢雖然係比其他西餐廳相對平，但都唔係俾啲咁既質素人！👎🏻完全不能接受！👎🏻👎🏻

週末與太太吃了午餐，我們選擇了三文魚沙律、水牛芝士pizza和菠菜意粉，這些都是我最喜歡的美食。它們無論在味道還是外觀上都非常出色。三文魚沙律新鮮多汁，魚肉滑嫩，搭配蔬菜和特製醬汁，口感綿密香濃。水牛芝士pizza的餅底酥脆，配料搭配上獨特的香氣，令人回味無窮。期待下次再去幫襯。

當我每次到餐廳食飯，都感覺到職員非常痛苦和非常難受，無論食物多好，當進入時感受到負面情緒，不想答理你，痛苦到此地步，不做也罷！初開時生意好好，現在小貓兩三隻，當日還是星期日。希望有所督導而有改善，冇心做的話，執咗它算啦🤬

今日去咗小西灣廣場一間意式餐廳「薩莉亞」食晚餐，我和兩位朋友叫了：1️⃣ 煙肉菠蘿薄餅 $302️⃣ 原味雞翼 (8隻) $383️⃣ 香草牛油焗田螺 $304️⃣ 加蒜香法包 $125️⃣ 香焗芝士意大利雲吞 $306️⃣ 意式菠菜伴煙肉 $207️⃣ 墨魚汁甜蝦意粉 $428️⃣ 香煎焗鯖魚 $34《甜品》9️⃣ 咖啡凍餅 $20🔟 布甸 $181️⃣1️⃣ 布甸配雲呢拿雪糕 $26食後感：$300可以食到8款食物及3款甜品，真的好抵食，食物味道尚算OK

叫咗個羅宋湯 ，份量係正常嘅一半，然後叫咗個鐵板漢堡扒，隻蛋好恐怖唔知做乜事，點解薩莉亞都可以做到咁差，非常失望。 另外 侍應 嘅服務係零， 餐廳唔滿但就咁放低食物然後掂行掂過態度惡劣， 雖然唔係乜嘢高級餐廳但係感覺喺度食嘢冇被尊重。 以後唔會再嚟!

有時候一家大細都諗食咩都真係幾煩既事, 我就會推薦薩莉亞意式餐廳, 好坦白平靚正, 叫多多都唔貴, 又啱小朋友食, 同埋黎到D野食係熱既。我自己一向都有幾種必叫項目, 首選香草牛油焗田螺, 一黎到真係小心D食, 因為好熱, D油仲會卜卜咁跳住, 加上香草既味道, 好味!! 而另外唔少得既, 就係雞翼, 我自己遍向要辣既, 不過朋友仔唔食辣, 所以叫咗原味, 比較起上黎, 我都係喜歡辣味多D。而另外, 再會叫水牛芝士薄餅, 雖然材料只得蕃茄汁同水牛芝士, 鐘意食芝士既我, 緊係有芝士就夠啦! 意粉方便我就無咩所謂既, 今次就揀咗溫泉蛋卡拜拿那意粉, 不過唔算太特別啦! 而呢間會加$13一位有任飲汽水, 咖啡, 茶等。2個人都係$139, 真係唔錯既選擇!而服務方便, 真係比較人少D, 所以都要等下, 同埋好多野都係自助形式, 唔好太高要求。

今日朋友和我去咗小西灣廣場一間餐廳「薩莉亞意式餐廳」食Lunch，朋友説這間餐廳好抵食，我們叫咗1️⃣ 水牛芝士薄餅 $30🍕披薩 熱辣辣，水牛芝士奶味香濃，口感柔軟，估唔到$30就可以食到，絕對超值2️⃣ 溫泉蛋卡拜拿那意粉 $35🍝 意粉 配上溫泉蛋、煙肉及淡忌廉等材料 泡製而成，味道方面都唔錯3️⃣ 香草牛油焗田螺 $294️⃣ 原味雞翼 (4隻) $195️⃣ 飲品吧餐 (2 x $13) $26整體來講：味道都OK，價錢無得輸，真係好抵食，唔怪之得，餐廳有很多人幫襯價格💰：$139

食物質素就唔多講啦，平民野大家都食過。但今日去呢間買外賣就真係激氣。一般晚餐時段等得耐我理解，所以我足足等咗40分鐘！係正常一餐飯都食完嘅時間🙂因為不嬲呢間夜晚外賣都等好耐，所以我落完單就行開咗10分鐘去附近。行完就喺門口外圍繼續等。本身等到30分鐘都覺得有啲詭，啲號碼又叫得飄忽，忍唔住問拎外賣出嚟個阿姐我個餐有未。點知佢耍手拎頭又支吾以對0溝通能力咁，我再問清楚係咪未有，佢點頭😅於是我又等多10分鐘然後問收銀，重點係呢度啦，原來個餐一早有，收埋咗喺櫃檯入面，外面根本睇唔到有冇餐未拎，而個餐空置喺度成半個鐘，都可以無再嗌個number 😓即係白白等多勁耐。係咪我唔問，個餐會一直放到收鋪？唔該可唔可以培訓吓啲員工先🙄Anyway，以後唔會再幫襯柴灣呢間。

spinach smoked salmon spaghetti in cream sauce 7/10 the combination of ingredients matches quite well, salmon is ok, not the best quality but at least no grey in color. spinach is soft and some fuse into the sauce and some remain, and 2 texture. the spaghetti is a bit too overcook, although not all are al dente but general I will give it a pass. and cream sauce with onions dice which gives the dish with character. chicken  and mushroom spaghetti with pesto sauce  7/10 the pesto is pass, with eno

好耐冇食薩利亞，環翠商場開左咁耐都未去過，尋日放工即去！5點3去到，可能因為已經好晏，得返4-5枱客，趕住6點前食完，勁快睇餐牌落單！1️⃣雞肉多利亞-基本上每次食都必點，雖然份量真係好少，但芝士配合醬汁焗起嘅雞肉多利亞，熱辣辣😍😍😍雞肉份量都夠，啖啖都有細細既雞肉真係好好食😋😋但唔鍾意太濃太重口味既朋友就應該未必岩口味。2️⃣煙三文魚菠菜忌廉意大利粉-雖然係忌廉意粉，但食落味道偏淡，唔會感覺好多忌廉好膩。3️⃣香辣腸-4仔香腸配4個薯角，香腸唔會太辣，味道不會鹹，因為鐵板上嘅關係，食物嘅溫度keep得好好，固然食落都較好味😆 4️⃣原味雞翼（4隻）- 無太大特色，味道還好。

#青醬蜆肉意粉 #蜆肉西蘭花意粉 #🍝 #意大利面 $35試新野～蜆肉無咩味，很濃郁青醬油～ 健康得來有點油🤣味道都ok ᶘ ᵒᴥᵒᶅ個人口味評分：7/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西 #薩莉亞 #薩莉亞意式餐廳

近排食呢間野唔使等位，所以好快就入咗啦，好耐未食過佢嘅意粉，今次就試吓佢嘅明太子意粉啦，我好鍾意佢嘅醬汁，忌廉嘅味道，但係又唔會太濃或太稀，不過有一樣野唔係好滿意嘅就係，份量太少喇，每次嚟食一次比一次少，希望意粉嘅份量可以多啲啦！

未有這個疫症前每星期都會返娘家吃飯，但係而家就少咗，不過今日媽媽打電話來話想出去走走，便和她來薩莉亞意式餐廳食個午餐✌️甜蝦沙律$24 沙律菜都好新鮮，不過有點兒小😂芝士焗薯角$19啲芝士可以拉絲的好味😋原味雞翼（4隻）$17呢又好味又抵👍意式菠菜伴煙肉$19呢個唔得😪肉醬多莉亞$27甜creamy👍👍水牛芝士薄餅$30普通，還是雞肉多利亞較好。如果對食物冇咩大要求的話，都係個不錯的選擇。

新春假期，看場賀歲片輕鬆一下，晚上便和屋企人去附近商場的蕯莉亞餐廳吃晚餐。受最近肺炎肆虐影響，以往假日的晚上，必定要等二十分鐘左右，今晚則無須等位。餐點價格相宜，我們點了地中海海鮮和煙肉菠蘿薄餅，蕃茄海鮮意粉、雞肉多利亞。小食則有香草牛油焗田螺、脆脆蝦和每次必點的原味雞翼和蒜汁燒魷魚。侍應一會兒便把餐點陸續遞上，薄餅香脆，雞肉多利亞芝士味濃，脆脆蝦新鮮炸，爽口脆身，原味雞翼皮脆有肉汁，每款小食也不錯👍結賬才二百多元，平食意大利菜，經濟抵食又好味😋